Suma 2:7 - Fana Ngbangɔ 1987

⁷ “Zo ko la ma lo adu da ko, ale lo ma tɛnɛ mɛ Tɔrɔ Santo atɛnɛ hɛ̃ awa Eklezia! Azi ko la agbe bɛ la na ya apɛnɔ, anwɔ ni ko, gbanda ko, ni hɛ̃ la lege, ala tɛ le kɛkɛ mɛ ka lɛ yaka tɛ Nzapa. Adu le kɛkɛ mɛ ndohɛ̃ zo bɛta du.”

Suma 2:7 Iomraidhean Croise

Matie 11:15

Zo ko la ma lo adu da ko, ale lo ma!

Matie 13:43

Wa azi ke la ndoma nyɔ Nzapa ko, ala sũ tɛ la gbanda nga ma lá ka Kɔdɔrɔ Gbia tɛ To la Nzapa. Zo ko la ma lo adu da ko, ale lo ma!”

Matie 13:9

La Yezo apa ya: “Zo ko la ma lo adu da ko, ale lo ma!”

Marko 4:9

So pɛni, Yezo apa hɛ̃ la ya: “Zo ko la ma lo adu da ko, ale lo ma!”

Marko 7:15

tɛ mɛ zo ndotɛ, la ndozu ka ya lo ko, ta alengbi ti gbɛ̃ngɔ lo ma. Kanda lo mɛ ndolo ka bɛ zo ndosi, la ndogbɛ̃ zo. [

Marko 7:16

Zo ko la ma lo adu da ko, ale lo ma!]”

Luka 23:43

La Yezo agbinya hɛ lo ya: “Mbi pa hɛ̃ mɔ ti bɛta tɛnɛ ya, na lá olo ko, mbi na mɔ, e si ndɛ ka paradizo ka yayu.”

Luka 8:8

Kanda mbanga ale tɛ mɛ ndɛ̃ asa ndo na nzɔ̃ sese. Ngoi mɛ ale tɛ ĩ ko, ĩ mai ko, ale nzɛngbɛ nzɛngbɛ.” Yezo ĩ tɛnɛ so we ko, lo pa na kɔngɔ ya: “Zo ko la ma lo adu da ko, ale lo ma!”

Yoanɛ 16:33

Mbi pa tɛnɛ olo kwe zu hɛ̃ ĩ ya, ĩ ma, ko ĩ du nga ndoni kɔi na mbi, wadila bɛ ĩ adu pii. Ĩ na hũngɔ penɔ ge lɛ sese. Kanda ale ĩ gbe bɛ ĩ! Ĩ hĩnga ya, mbi nwɔ asiɔ ye ti lɛ sese wɛ.”

1 Kɔrinto 2:10

Kanda bo e la Nzapa afa e na ye ni ko na nguru tɛ Tɔrɔ Santo. Ta sanga ma, Tɔrɔ Santo ndobinga lo zu, abɛ nga lo mɛ Nzapa ahɔndɛ ka ya bɛ lo kílí kílí ko, Tɔrɔ Santo ahĩnga nga ni.

2 Kɔrinto 12:4

Ko ka Paradizo la lo ma tɛnɛ mɛ ta zo alengbi ti tɛnɛngɔ ma, tɛnɛ mɛ ale ta zo atɛnɛ nga ma.

1 Yoanɛ 2:13

Mbi su mbɛti olo hɛ̃ ĩ ato mbi, na lo mɛ ya, ĩ hĩnga Zo mɛ ndo dazu gã, na ngoi mɛ ndo ta Nzapa ade ali sese ma. Mbi su mbeti olo hɛ̃ ĩ apandara, na lo mɛ ya, ĩ nwɔ ndo nga Satana.

Suma 13:9

“Azi ko la ma la da ko, ale ala ma tɛnɛ mɛ nzɔ̃ni!

Suma 14:13

So pɛni, mbi ti ma legɔ̃ zo adu ka ndozu, apa hɛ̃ mbi ya, mbi su tɛnɛ olo. Tɛnɛ ni lo mɛ: “Dengɔ bɛ ati na azi ko la ato na olo, ala ndokpili na ya kwa tɛ Gbia Nzapa!” Tɔrɔ Santo apa nga ya: “Seni la biani. Ala lengbi ti wɔngɔ tɛrɛ la na ló kpengba kwa mɛ ndo ala li, ta sanga ma, lɛ kwa mɛ ndo ala li asi yango.”

Suma 15:2

So pɛni, mbi hũ ye nga ma kota ngu mɛ lɛ ni ndosũ bai bai nga ma tala tala, ko wá so ndoza nga so lɛ ngu ni. Mbi hũ nga azi mɛ ndo anwɔ sa mɛ alo ka ya kota ngu asi. Adu ala mɛ akɛ̃ vɔrɔngɔ ngbilondo tɛ sa ni ko, akɛ̃ nga luangɔ sifelo mɛ alengbi na ili lo. Ala longa so nyɔ kota ngu mɛ ndosũ bai bai nga ma tala tala. Mbi hũ akundi mɛ ndo Nzapa akangbi na la so ti la.

Suma 2:11

“Zo ko la ma lo adu da ko, ale lo ma tɛnɛ mɛ Tɔrɔ Santo atɛnɛ hɛ̃ awa Eklezia! Azi ko la agbe bɛ la na ya apɛnɔ, anwɔ ni ko, ta ala kpili gbanda kwá ti sɛ ma.”

Suma 2:17

“Zo ko la ma lo adu da ko, ale lo ma tɛnɛ mɛ Tɔrɔ Santo atɛnɛ hɛ̃ awa Eklezia! “Azi ko la agbe bɛ la na ya apenɔ, anwɔ ni ko, ni hɛ̃ nga la gbanda tɛ mɛ ahɔndɛ hɔndɛngɔ, ili tɛ ni la manɛ. Ni hɛ̃ nga gbanda hɛ̃ zo kɔi kɔi na popo tɛ la nyi tɛ́nɛ mɛ mbufuni, asu fana ili na terɛ tɛnɛ ni. Ta zo mɛ ndɛ̃ ahĩnga nda ili ni ma, wenge bo zo mɛ alua ni.”

Suma 21:7

Zo ko agbe bɛ lo na ya pɛnɔ, anwɔ ni ko, mbi hɛ̃ lo anzɔ̃ lo ni ko. Mbi na dungɔ Nzapa tɛ lo, ko lo nga na dungɔ nyi mbi.

Suma 22:14

Dengɔ bɛ ati na azi ko la akpo abɔngɔ tɛ la, ala lengbi ti ɔngɔ ti nyɔ ngise, lingɔ ka ya kɔdɔrɔ na lo ni. Ala lengbi ti tɛngɔ le kɛkɛ mɛ ndohɛ̃ zo bɛta du.

Suma 22:17

La Tɔrɔ Santo ana wali tɛ Nyi Ngasã Ngbaga apa ya: “Ga!” Zo ko la ama tɛnɛ ni ko, ale lo pa nga ya: “Ga!” Zo ko la gwɛ̃ ngu agbɔ̃ lo ko, ale lo ga lo nyɔ ni. Zo ko la aye nyɔngɔ ngu mɛ ndohɛ̃ zo bɛta du ko, lo lua ni gɛgɛrɛ.

Suma 22:2

Ngu ni ndosua na bɛ lege mɛ aɔ na ya kɔdɔrɔ ni. Alulu akɛkɛ mɛ ndohɛ̃ zo bɛta du na tɛrɛ lege ni mbage na mbage. Akɛkɛ ni ndole fani sui kɔi ndoni sɛ na ya buru kɔi, fani kɔi na ya nzɛ̃ kɔi. Kugbe ni adu yɔrɔ mɛ andosara na awa ngã ti lɛ sese.