Suma 2:5 - Fana Ngbangɔ 1987

⁵ Wa ale ĩ da bɛ ĩ na ndo ko ndo ĩ da, uzu ti ĩ tingɔ awa lingɔ siɔ ye, ko ĩ gbinya bɛ ĩ, ĩ li ye nga ma se ko ndo ĩ da uzu. Se ta ĩ gbinya bɛ ĩ ma ko, ni ga ka tɛ ĩ, ni hã gɛrɛ wá tɛ ĩ na ndo mɛ akpã na ni.

Suma 2:5 Iomraidhean Croise

Matie 5:14

“Ĩ la ĩ du awa vurungɔ na ndo na lo tɛ azi ti lɛ sese. Kɔdɔrɔ ko la na ndo hɔtɔ ko, ta kɔdɔrɔ ni ndohɔndɛ tɛrɛ lo ma.

Matie 5:15

Ta zo ndozɔ mɔinda ya, akpã na gbɛ ta ma. Kanda andozɔ ni ya, akpã na ndo mɛsa, ko azi zu mɛ ka ya da ahũ na ndo.

Marko 12:9

La Yezo apa hɛ̃ la ya: “Ĩ ba ye mɛ nvɛ̃ yaka na lingɔ lo mɛ. Lo na nɔngɔ, kpɔngɔ awa kwa ti yaka, kó lo na mungɔ yaka ni, hɛ̃ngɔ azi mɛ ndɛ̃.

Luka 1:17

Lo nvɛni na ɔngɔ uzu tɛ Gbia so pangɔ kwa tɛ lo na kɔdɛ nga na nguru, nga ma se tɛ Elia wa pangɔ nyɔ Nzapa. Lo na tongbingɔ songo na popo tɛ ato aya, na aya la. Lo nga na sangɔ kɔdɛ bɛ awa kɛ̃ngɔ nyɔ Nzapa ya, ala lua ndara nga ma se tɛ abɛta azi. Lo na lɛkengɔ bɛ azi ya, ala ye lo tɛ Gbia.”

Luka 20:16

Lo na nɔngɔ, kpɔngɔ awa kwa ti yaka vinɔ, ko lo na mungɔ yaka ni, hɛ̃ngɔ azi mɛ ndɛ̃.” Ngoi mɛ azi ĩ ma so ko, ala pa hɛ̃ lo ya: “Ale ta oko asi ma!”

Galatia 5:4

Ĩ azi ko la ĩ ndoda bɛ ĩ ya, ĩ na tingɔ abɛta azi ka lɛ Nzapa, na lo mɛ ya, ĩ ndotɔndɔ ndia ko, tɛ ĩ na Kristo awe. Ta Nzapa ati li nzɔ̃ bɛ hɛ̃ ĩ ma.

Filipɛ 2:15

Se ĩ li nga so, wadila na popo tɛ awa nvɛnɛ na asiɔ azi ti le sese olo ko, bɛ ĩ adu vuruni pa pa pa, ĩ ti nga abɛta aya Nzapa, ko ta Nzapa abela ĩ na lo ye kɔi ma. Ale ĩ ndodu na popo tɛ la nga ma atongolo mɛ ndosũ ka le ndozu.

Aebreo 10:32

Ale ĩ da bɛ ĩ na ngoi ko ndo ĩ da uzu, na ngoi mɛ ndo Nzapa azi lɛ ĩ. Ĩ hũ ndo apɛnɔ ma wo ma na ngoi ni ko, ko ĩ gbe nga ndo bɛ ĩ na ya apɛnɔ ni.

2 Petro 3:17

Aya bua, na olo ko, mbi tisa ĩ wɛ. Wa ĩ du na kpengba lɛ ya, ta asiɔ azi ahanda ĩ ma, so ĩ mu lege tɛ la ti lingɔ siɔ ye, ko ĩ dɔ nga lege tɛ Nzapa mɛ ndo ĩ kpengba da í zia.

Yudɛ 1:24

Nzapa alengbi ti batangɔ ĩ ya, ta ĩ ti na ya siɔ lo ma. Lo lengbi nga ti kpongɔ siɔ ye tɛ ĩ zingɔ, mungɔ ĩ, lingɔ na ni ka ya ndima te lo na kota dengɔ bɛ.

Suma 1:20

Atongolo mbara mbara mɛ mɔ hũ mbi gbɔ̃nɔ na kɔti ti mbi, na gɛrɛ wá mbara mbara mɛ alɛkɛ na wɔrɔ ko, ma nda ni lo mɛ atongolo mbara mbara adu aangelo mɛ ndobata awa Kristo ti Eklezia mbara mbara, gɛrɛ wá mbara mbara adu awa Kristo ti Eklezia ko mbara mbara.”

Suma 16:9

La lá asũ ha ha ha, azɔ tɛrɛ azi. Azi ĩ hũ so ko, ala guru Nzapa na lo ko la lo na nguru ti tongɔ hɛ̃ la gi tɛrɛ apɛnɔ ni ko. Ko ala kɛ̃ gbinyangɔ bɛ la, gondangɔ Nzapa.

Suma 2:16

Wa ale ĩ gbinya bɛ ĩ. Ta so ma ko, angbã yakere ni ga ka tɛ ĩ, ko ni mu zabe mɛ asi so yanga ni, ni tiri azi ni ko na to.

Suma 2:19

ni hĩnga ye zu mɛ ĩ ndoli, ni hĩnga yengɔ mɛ ĩ ye na afɔ̃ ĩ. Ni hĩnga ya, ĩ ndobata bo yengɔ lo tɛ ni, ĩ ndohɛ̃ tɛrɛ ĩ na ya kwa tɛ ĩ, ĩ ndogbe bɛ ĩ na ya pɛnɔ. Ni hĩnga nga ya, kwa mɛ ĩ ndoli na olo aɔ kwa mɛ ndo ĩ li uzu.

Suma 2:2

ni hĩnga ye zu mɛ ĩ li, ni hĩnga ya, ĩ ndoli kwa kpuru kpuru, ĩ ndogbe nga bɛ ĩ na ya pɛnɔ. Ni hĩnga ya, ĩ kɛ̃ batangɔ asiɔ azi so popo tɛ ĩ. Ĩ tara bɛ azi mɛ ndomu tɛrɛ la ya, ani awa pangɔ kwa tɛ ni, kanda ta ala awa pangɔ kwa tɛ ni ma, ko ĩ hũ ya, ala du awa nvɛnɛ.

Suma 3:19

Azi ko ni ndohɛ̃ la etumbu so fangɔ la na asiɔ ye tɛ la ko, adu azi mɛ bɛ ni aye la. Ĩ gbinya bɛ ĩ, ĩ du na gonvɛnɛ na ya lo yengɔ tɛ ĩ.