Suma 2:3 - Fana Ngbangɔ 1987

³ Ni hĩnga nga ya, ĩ ndogbe bɛ ĩ na ya pɛnɔ mɛ ĩ ndohũ na lo tɛ ni, ko ta ĩ nzɛ̃ ma.

Suma 2:3 Iomraidhean Croise

Marko 15:21

Ngoi mɛ ala so ndogwe ko, ala tengbi na kɔli kɔi mɛ alo ka yaka so ndoga. Ili lo Simɔ, lo wa kɔdɔrɔ ti Sirɛnɛ. Lo baba tɛ Alɛkizandrɛ na Rufusi. Aturugu ahɛ̃ lo nyɔ ya, lo yɔ krusi tɛ Yezo.

Luka 14:27

Ale zo ayɔ krusi tɛ lo so fangɔ ya, ni ye hũngɔ pɛnɔ, ko lo ga nga ya, e na ni e ɔ ndoni kɔi. Ta so ma ko, ta lo lengbi ti tingɔ va mbi ma.

Luka 18:1

So pɛni, Yezo ato matɔ so fangɔ na la ya, ale ala ndosambela ngoi zu, ale ta ala ndonzɛ̃ nga bɛ gbɔ ma.

Luka 21:19

Ale ĩ gbe bo bɛ ĩ, wa se mɛ gbanda ĩ so la.”

Luka 5:5

Simɔ agbinya hɛ̃ lo ya: “Wa hangɔ lo tɛ Nzapa, e li fɛrɛ kwa na bi ngbĩi, ko ta e gbɔ̃ kpĩ bɛ kɔi ma. Kanda oko mɔ pa ya mbi sa gbanda ko, mbi na sanga ni.”

Luka 8:15

Ale tɛ mɛ asa na nzɔ̃ sese adu nga ma azi mɛ ama tɛnɛ tɛ Nzapa, ko ala bata ni ka ya bɛ la mɛ nzɔ̃ni buai. Ta ala dɔ tɛnɛ tɛ Nzapa azia ma, ala du azi mɛ ndohɛ̃ ale.”

Yoanɛ 15:21

Ala na hɛ̃ngɔ ĩ apɛnɔ ni ko zu na lo tɛ mbi, na lo mɛ ya, ta ala hĩnga wa tongɔ mbi ma.

Roma 12:12

Ale ĩ du na dengɔ bɛ, na lo mɛ ya, ĩ ndolɛndɛrɛ Nzapa. Ale ĩ gbe bɛ ĩ na ya apɛnɔ mɛ ĩ ndohũ, ĩ sambela Nzapa ngoi zu.

Roma 16:12

Ĩ bala hɛ̃ mbi Trifɛnɛ na Trifozɛ mɛ ndoli kwa hɛ̃ Gbia, ĩ bala hɛ̃ mbi Pɛrzidɛ, kwa mbi ti wali mɛ mbi ndoye lo sĩ, lo ndoli ndo kwa hɛ̃ Gbia sĩ.

Roma 2:7

Azi ko la ndohɛ̃ tɛrɛ la so lingɔ nzɔ̃ ye, ndogi nga ya, Nzapa ahɛ̃ ani ndima, agonda ani, ahɛ̃ nga ani du mɛ ta ndowɛ ma ko, Nzapa ahɛ̃ gbanda la du ti kaka.

Roma 8:25

Kanda se e lɛndɛrɛ ye mɛ ta e dɛ e hũ ma ko, e ku ni na yɔngɔrɔ bɛ.

1 Kɔrinto 13:7

Zo ko ndoye afɔ̃ lo ko, lo ndogbe bɛ lo na lo ti siɔ ye zu mɛ ala ndoli tɛrɛ lo, lo ndoye lo tɛ la ngoi zu, lo ndolɛndɛrɛ ya, ala li ye mɛ nzɔ̃ni, lo ndodu nga na yɔngɔrɔ bɛ na ndo la.

1 Kɔrinto 16:16

ĩ ma nyɔ gi tɛrɛ azi ko, ĩ ma nga nyɔ azi zu mɛ ndoli kwa ndoni kɔi na la.

2 Kɔrinto 10:15

La e ngbã na ndo maka ti kwa tɛ e. Ta e gonda tɛrɛ e na lo ti kwa mɛ azi mɛ ndɛ̃ ali ma. Kanda e ndolɛndɛrɛ ya, lo yengɔ tɛ ĩ amai, wadila e li kwa mɛ ngbondoni ka popo tɛ ĩ aɔ ti uzu. Ko ale e li bo kwa ni, e ngbã na ndo maka ti kwa tɛ e.

2 Kɔrinto 11:23

Ala ndopa ya, ani awa kwa tɛ Yezo Kristo, ko mbi wa kwa tɛ Yezo Kristo mbi ɔ la. Mbi tɛnɛ so ma bere ta kpe li mbi da ma. Mbi ndoli kwa mbi ɔ la. Fani sĩni ko, abi ndo mbi bɔlɔkɔ aɔ la. Asɔ̃ ndo mbi aɔ la. Fani sĩni nvɛni ko, kwá alu ndo mbi aɔ la.

2 Kɔrinto 4:1

Kwa mɛ mbi pa lo ni ko, Nzapa ahɛ̃ e na lo ti nzɔ̃ bɛ tɛ lo, nda mɛ ta e ndonzɛ̃ ma la.

2 Kɔrinto 4:16

Nda mɛ ta e ndonzɛ̃ bɛ gbɔ ma la. Tɛrɛ e ndogbɛ̃ yɛkɛ yɛkɛ, ko abɛ nga so ko, Nzapa ndohɛ̃ nguru hɛ̃ tɔrɔ tɛrɛ e lá kɔi kɔi.

2 Kɔrinto 5:9

Bɛ se ta e dɛ e si ka tɔ̃nda lo ma, bɛ se e si ka tɔ̃nda lo ko, e separa bo ya, e li ye mɛ ndode bɛ lo.

2 Kɔrinto 6:5

Asɔ̃nɔ e, asa e bɔlɔkɔ, atɔmbɔkɔ tɛrɛ e, e li kpengba kwa. Fani sĩni ko, ta e lua ngoi ti langɔ langɔ ma, ta e lua nga tɛ ti tɛngɔ ma.

Galatia 6:2

Ale ĩ ndozangbi na ya pɛnɔ. Se ĩ li so ko, afa ya, ĩ tɔndɔ ndia mɛ Yezo Kristo alu hɛ̃ e.

Galatia 6:9

Wa nzɔ̃ni ale e baba bo lingɔ nzɔ̃ ye, ale ta e nzɛ̃ na lingɔ ni ma. Ta sanga ma, se ta e nzɛ̃ ma, gbanda na lá kɔi ko, e lua nzɔ̃ ye.

Filipɛ 2:16

Ko ale du tɛ ĩ adu nga so, wa ĩ pa hɛ̃ la tɛnɛ mɛ ndohɛ̃ azi bɛta du. Se ĩ li nga so, wa ada gbanda na la ko Yezo Kristo adiri aga ko, mbi saba gbɛlɛ lo kela kela na lo tɛ ĩ. Ta sanga ma, ye ko ĩ li ko, afa ya, ta kpengba kwa mɛ ndo mbi li adu gɛgɛrɛ ma.

Filipɛ 4:3

Mbɛni nga la mɔ mɛ bɛta kwa mbi, mɔ mɛ ndo e na mɔ e ndoli kwa ndoni kɔi, mbi hũnda mɔ ya, mɔ za Evodia na Sɛntisɛ. Ta sanga ma, mbi na la, na Klema, nga na afɔ̃ mbi mɛ ndɛ̃ zu mɛ ndo e na la e ndoli kwa tɛ Nzapa ndoni kɔi, e ndoli ndo kpengbani, la e ndopa Nzɔ̃ Pa tɛ Yezo Kristo hɛ̃ azi. Ko Nzapa asuru ndo ili azi mɛ e na la e ndoli kwa tɛ lo, ka ya buku mɛ andosuru na ili azi mɛ alua du ti kaka.

Kɔlɔsɛ 1:11

E ndohũnda nga Nzapa ya, lo kpengba na bɛ ĩ nzɔ̃ni na lo nguru tɛ lo mɛ na ndima, wadila na ya lo zu ko, ĩ gbe bɛ ĩ, ĩ du nga na yɔngɔrɔ bɛ.

1 Tɛsalɔnikɛ 1:3

Ngoi mɛ e ndosambela To e Nzapa ko, e ndoda bɛ e ngoi zu na se mɛ ĩ ndoli na kwa, na lo mɛ ya, ĩ ye lo tɛ lo. E ndoda bɛ e na se mɛ ĩ ndoli na kpengba kwa hɛ̃ lo, ta sanga ma, bɛ ĩ aye lo. E ndoda nga bɛ e na se mɛ ĩ ndolɛndɛrɛ na Gbia tɛ e Yezo Kristo kpengbani.

1 Tɛsalɔnikɛ 2:9

Aya bua, e da be e ya, ta bɛ ĩ ali na se mɛ ndo e li na kpengba kwa ma. Ta bɛ ĩ ali nga na kota nzɛ̃ngɔ mɛ ndo e nzɛ̃ ma. Ngoi mɛ ndo e ndopa Nzɔ̃ Pa tɛ Nzapa hɛ̃ ĩ ko, e ndoli ndo kwa bi na lá ya, ta e yɔ ye ti ĩ ma.

1 Tɛsalɔnikɛ 5:12

Aya bua, azi mɛ ndoli kwa tɛ Nzapa so popo tɛ ĩ ko, ala la Gbia Nzapa akpã la ndo ĩ, so fangɔ ĩ na lege tɛ lo, nga so hangɔ ĩ na lo tɛ lo. Ko e gbɔ̃ gɛrɛ ĩ ya, ĩ tɔndɔ la.

2 Tɛsalɔnikɛ 3:13

Aya bua, tɛ ĩ ko, ta ĩ nzɛ̃ na lingɔ nzɔ̃ ye ma.

2 Tɛsalɔnikɛ 3:5

Gbia Nzapa aza bɛ ĩ ya, ĩ hĩnga ya, lo ndoye e sĩ ma ke! Lo za bɛ nga ĩ ya, ĩ gbe be ĩ na ya apɛnɔ mɛ ĩ ndohũ, nga ma se mɛ ndo Yezo Kristo agbe na bɛ lo ma ke!

2 Tɛsalɔnikɛ 3:8

Ta e ndotɛ ndo tɛ tɛ zo gɛgɛrɛ ma, e ndoli ndo kwa, ko e ndonzɛ̃ ndo nga yombe! E li ndo kwa bi na lá ya, ta zo kɔi na popo tɛ ĩ ahũ pɛnɔ ti hɛ̃ngɔ e tɛ ma.

1 Timɔte 4:10

Ĩ ba nda mɛ e ndoli kwa kpengbani sĩ la. Ta sanga ma, e ndolɛndɛrɛ Nzapa mɛ lɛ lo ngɛ̃, lo mɛ Wa songɔ azi zu, lo mɛ lo ndoso mai bo awa yengɔ lo tɛ Yezo Kristo.

1 Timɔte 5:17

Akangba ko la ndobata azi ti Eklezia nzɔ̃ni, mai bo ala ko la ndohɛ̃ tɛrɛ la so lingɔ kwa ti pangɔ Nzɔ̃ Pa, nga ti hangɔ tɛnɛ tɛ Nzapa ko, ale ĩ tɔndɔ la sĩ, ko ĩ futa nga la na faranga mɛ kpendema.

Aebreo 10:36

Ko ale ĩ du na yɔngɔrɔ bɛ ya, ĩ li ye mɛ bɛ Nzapa aye, wadila ĩ lua ye mɛ lo ko kapa ni hɛ̃ ĩ.

Aebreo 12:1

Tɛ e ko, atemwɛ ni ko butu butu aka e kɛrɛrɛ, ala ndoba nga e. Wa é zia alo zu ko la ndogbanzi e ya, ta e dɔ nɔ na seni ma. Asiɔ ye mɛ alakata bɛ e ko, é zia ni, ko kpɛ mɛ Nzapa akpã e ya e kpɛ ko, ale e kpɛ kpɛ ni na mimi bɛ.

Aebreo 13:13

Wa é lo so ya kɔdɔrɔ e si, é nɔ ka tɛ lo, ko abombi nga e na lo amumana e.

Aebreo 6:10

Nzapa ndoli ye na seni, kwa mɛ ndo ĩ li hɛ̃ ayata ĩ awa Kristo, ko ĩ dɛ ĩ li ni kpɔ ko, ta bɛ lo na lingɔ na ni ma. Kwa ni ndofa yengɔ mɛ ĩ ye na lo.

Aebreo 6:12

Ta e ye ya ĩ ti awa ndɛkɔ ma. E ye ya, ĩ mu se li ye tɛ azi mɛ aye lo tɛ Nzapa. Ala ndogbe bɛ la, ko Nzapa ndohɛ̃ la ye mɛ lo ko kapa ni.

Aebreo 6:15

Abrahama adu ndo na yɔngɔrɔ bɛ so kungɔ ya, kapa ni ati na seni, ko lo lua ndo ye mɛ Nzapa ako kapa ni hɛ̃ lo.

2 Petro 1:6

na ndo ndara tɛ ĩ ko, í du awa fɔ̃ngɔ bɛ, na ndo fɔ̃ngɔ bɛ tɛ ĩ ko, ĩ gbe bɛ ĩ, na ndo gbengɔ bɛ tɛ ĩ ko, í du du mɛ ndode bɛ Nzapa.

Suma 1:9

Mbi Yoanɛ nyita ĩ, mbi mɛ mbi na ĩ, nga na Yezo Kristo e ti bo kɔi ko, mbi ndohũ pɛnɔ mɛ ĩ ndohũ nga. Mbi na ĩ e ndogbe be e na ya pɛnɔ ni. Mbi na ĩ e du azi ti Kɔdɔrɔ Gbia tɛ lo. Agbɔ̃ ndo mbi ato ka ya zúa ti Patimɔsi, na lo mɛ ya, mbi pa tɛnɛ tɛ Nzapa mɛ Yezo Kristo temwɛ ni.

Suma 3:10

Wa oko la ĩ ma ndo nyɔ mɛ ni hɛ̃ ya, ĩ gbe bɛ ĩ na ya apɛnɔ, la ĩ gbe be ĩ ko, ni na batangɔ ĩ na ngoi mɛ gbanda apɛnɔ ati ndo azi ti lɛ sese zu so tarangɔ bɛ la.