Suma 2:2 - Fana Ngbangɔ 1987

² ni hĩnga ye zu mɛ ĩ li, ni hĩnga ya, ĩ ndoli kwa kpuru kpuru, ĩ ndogbe nga bɛ ĩ na ya pɛnɔ. Ni hĩnga ya, ĩ kɛ̃ batangɔ asiɔ azi so popo tɛ ĩ. Ĩ tara bɛ azi mɛ ndomu tɛrɛ la ya, ani awa pangɔ kwa tɛ ni, kanda ta ala awa pangɔ kwa tɛ ni ma, ko ĩ hũ ya, ala du awa nvɛnɛ.

Suma 2:2 Iomraidhean Croise

Matie 7:23

Ko mbi pa gbanda hɛ̃ la ya: ‘Ta mbi hĩnga ĩ bɛ gbɔ ma, í ɔ lɛ mbi, ĩ du awa lingɔ siɔ ye!’ ”

Yoanɛ 6:6

(Lo pa ndo nga so bo ti mangɔ tɛnɛ mɛ Filipo na gbinyangɔ hɛ̃ lo, ta sanga ma, lo pia ndo lo hĩnga ye mɛ lo na lingɔ ni.)

Galatia 1:7

Ti biani ko, ta Nzɔ̃ Pa mɛ ndɛ̃ da ma. Ko ambanga azi ndogia ya li ĩ, ala ndoye gbinyangɔ Nzɔ̃ Pa tɛ Yezo Kristo.

Efɛzɛ 4:14

Wa se mɛ gbanda ta e ti e du nga ma ayangambi ma la. Ta e ti e yu gbanda ndo na lo ti nvɛnɛ mɛ awa poroso ndohanda na azi ya, ala yu ndo ma. Ta e ye gbanda ya, ye mɛ ala ndoha ayuru e, nga ma se mɛ ngu na yá ndoyuru na ngɔ yenge yenge ma.

1 Tɛsalɔnikɛ 1:3

Ngoi mɛ e ndosambela To e Nzapa ko, e ndoda bɛ e ngoi zu na se mɛ ĩ ndoli na kwa, na lo mɛ ya, ĩ ye lo tɛ lo. E ndoda bɛ e na se mɛ ĩ ndoli na kpengba kwa hɛ̃ lo, ta sanga ma, bɛ ĩ aye lo. E ndoda nga bɛ e na se mɛ ĩ ndolɛndɛrɛ na Gbia tɛ e Yezo Kristo kpengbani.

1 Tɛsalɔnikɛ 5:21

Tɛnɛ zu mɛ azi ndotɛnɛ ko, ĩ gi nda ni kpa. Se ĩ hũ ya, adu nzɔ̃ tɛnɛ mɛ alo ka tɛ Nzapa ko, ĩ bata ni ka bɛ ĩ.

2 Timɔte 2:19

Kanda Eklezia tɛ Nzapa adu nga ma da mɛ akpã gu gɛrɛ ni kpengbani. Asu tɛnɛ ka tɛrɛ gu gɛrɛ da ni ko ya: “Gbia ahĩnga azi tɛ lo.” Asu nga ya: “Zo ko la ndopa ya, ni zo tɛ Gbia ko, ale lo zia lege ti lingɔ siɔ ye.”

Aebreo 6:10

Nzapa ndoli ye na seni, kwa mɛ ndo ĩ li hɛ̃ ayata ĩ awa Kristo, ko ĩ dɛ ĩ li ni kpɔ ko, ta bɛ lo na lingɔ na ni ma. Kwa ni ndofa yengɔ mɛ ĩ ye na lo.

1 Yoanɛ 4:1

Aya bua, awa nvɛnɛ mɛ ndonɛ ya, ani awa pangɔ nyɔ Nzapa, asu kpaya kpaya ge lɛ sese. Na lo ni ko, ta ĩ ye lo tɛ azi ko ndomu tɛrɛ la ya, ani na Tɔrɔ mɛ alo ka tɛ Nzapa ma. Ĩ tara bɛ la uzu, so hĩngangɔ biani ya, ala na Tɔrɔ mɛ alo ka tɛ Nzapa.

Suma 2:5

Wa ale ĩ da bɛ ĩ na ndo ko ndo ĩ da, uzu ti ĩ tingɔ awa lingɔ siɔ ye, ko ĩ gbinya bɛ ĩ, ĩ li ye nga ma se ko ndo ĩ da uzu. Se ta ĩ gbinya bɛ ĩ ma ko, ni ga ka tɛ ĩ, ni hã gɛrɛ wá tɛ ĩ na ndo mɛ akpã na ni.

Suma 2:6

Wa ĩ ba nzɔ̃ ye mɛ ni gonda ĩ na lo ni lo mɛ: Ĩ kɛ̃ ye mɛ ava Nikola ndoli, nga ma se mɛ ni kɛ̃ na ni.

Suma 2:9

ni hĩnga apɛnɔ tɛ ĩ, nga na yɛlɛ tɛ ĩ, kanda ti biani ko, ĩ du awa bɛta nwa. Ni hĩnga nga ló mɛ azi ndokara na ili ĩ. Azi ni ko ndomu tɛrɛ la ya, ani Ayuda, kanda ta ala Ayuda ma, ala azi ti li nɔ tɛ Satana.

Suma 3:1

“Su tɛnɛ olo mɔ to hɛ̃ angelo mɛ ndobata awa Eklezia ti Sardɛ. Tɛnɛ ni alo ka nyɔ zo mɛ na atɔrɔ tɛ Nzapa mbara mbara, lo nga na atongolo mbara mbara. Zo ni ko apa ya, ni hĩnga ye zu mɛ ĩ ndoli. Ni hĩnga ya, pa ili ĩ afɔnɔ ya, ĩ dɛ lɛ ĩ ngɛ̃, kanda ĩ du azi mɛ ĩ kpili wɛ.

Suma 3:15

ni hĩnga ye zu mɛ ĩ ndoli, ni hĩnga ya, ta lo yengɔ tɛ ĩ adu woni ma, ni hĩnga nga ya, ta lo yengɔ tɛ ĩ adu kpengbani ma. Ni ndosepara ya, ale lo yengɔ tɛ ĩ adu woni bere kpengbani.

Suma 3:8

Zo ni ko apa ya, ni hĩnga ye zu mɛ ĩ ndoli, ni hĩnga nga ya nguru tɛ ĩ adu bo yakere, kanda ĩ ndoma nyɔ ni, ko ta ĩ bɛre nga lo tɛ ni ma. Ni zi nyɔ ngise ya ĩ li ka ya da, ko ta zo kɔi alengbi ti vĩngɔ ni ma.