Biblia Todo Logo
Bìoball air-loidhne

- Sanasan -




Suma 2:12 - Fana Ngbangɔ 1987

12 “Su tɛnɛ olo mɔ to hɛ̃ angelo mɛ ndobata awa Eklezia ti Pɛrgamɛ. Tɛnɛ ni alo ka nyɔ zo mɛ lɛ zabe tɛ lo ndoɔ̃ mbage na mbage. Zo ni ko apa ya,

Faic an caibideil Dèan lethbhreac




Suma 2:12
10 Iomraidhean Croise  

Ta sanga ma, tɛnɛ tɛ Nzapa adu nga ma ye mɛ ndokuma zo, tɛnɛ ni nga na nguru. Tɛnɛ ni aɔ̃, aɔ zabe mɛ ndoɔ̃ mbage na mbage. Tɛnɛ ni ndoli bɛ zo. Tɛnɛ ni adu nga ma zabe mɛ zo ndomu, akangbi na ndo mɛ abio atengbi da, ko lo si na ndo lolo. Tɛnɛ ni ndosi na dangɔ bɛ tɛ zo nga na gwɛ̃ ye mɛ ka bɛ zo yango.


Zo ni ko apa hɛ̃ mbi ya, aye mɛ mbi ndohũ ko, mbi su na mbɛti, mbi to hɛ̃ awa Kristo ti Eklezia mbara mbara olo mɛ: Eklezia ti Efɛzɛ, ti Simirnɛ, ti Pɛrgamɛ, ti Tiatirɛ, ti Sardɛ, ti Filadɛlfia, nga na ti Laodisea.


Lo gbɔ̃nɔ atongolo mbara mbara na kɔti ti lo. Zabe mɛ lɛ ni ndoɔ̃ mbage na mbage asi so yanga lo. Yangba lɛ lo ndosũ nga ma lá ti bɛ kɔmbitɛ.


Zabe mɛ ndoɔ̃ nga ma pepe asi so yanga lo. Adu zabe mɛ lo na nwɔngɔ na azi ti lɛ sese la. Lo na lɛngɔ gbia ndo la na nguru. Lo na dɔrɔngɔ la na gɛrɛ lo, nga ma se mɛ andodɔ na mburu ka ya ngɔ. Lo na lingɔ nga so, so fangɔ siɔ ngɔnzɔ mɛ agbɔ̃ Nzapa mɛ lombe.


Wa kpɛngɔ na mbufu mbarata amu zabe mɛ asi ka yanga lo, akpɔ na azi mɛ ndɛ̃. La ahũ zu adɛrɛ kinda tɛ azi ni ko atɛ.


“Su tɛnɛ olo mɔ to hɛ̃ angelo mɛ ndobata awa Eklezia ti Efɛzɛ. Tɛnɛ ni alo ka nyɔ zo mɛ agbɔ̃ atongolo mbara mbara na kɔti ti lo, zo ni ndodɔ nɔ na popo ti gɛrɛ wá mbara mbara mɛ alɛkɛ na wɔrɔ. Zo ni ko apa ya,


Wa ale ĩ gbinya bɛ ĩ. Ta so ma ko, angbã yakere ni ga ka tɛ ĩ, ko ni mu zabe mɛ asi so yanga ni, ni tiri azi ni ko na to.


Lean sinn:

Sanasan


Sanasan