Suma 2:10 - Fana Ngbangɔ 1987

¹⁰ Ta ĩ du na mbɛtɔ na lo pɛnɔ mɛ ĩ na hũngɔ ma. Wa í ma la: Satana na sangɔ ambanga azi na popo tɛ ĩ bɔlɔkɔ so tarangɔ bɛ ĩ, ĩ na hũngɔ pɛnɔ bi sui kɔi. Ko ĩ ye bo lo tɛ ni bɛ ĩ kɔi nga ka ĩ kpili. Ni hɛ̃ ĩ gbanda mbana gɛrɛ ĩ, mbana gɛrɛ ni adu du ti kaka.

Suma 2:10 Iomraidhean Croise

Matie 10:22

Azi zu na kɛ̃ngɔ ĩ na lo tɛ mbi. Kanda zo ko la agbe bɛ lo na ya apɛnɔ mɛ azi na hɛ̃ngɔ lo, ngbĩi asi ka nda ni gbɔ ko, tɔ̃rɔ tɛrɛ lo na songɔ.

Matie 10:28

Azi ko la ndoho ngbonga tɛrɛ zo, ko ta ala lengbi ti hongɔ tɔrɔ tɛrɛ zo ma ko, ta ĩ kpɛ mbɛtɔ tɛ la ma. Kanda ĩ kpɛ mbɛtɔ tɛ Nzapa mɛ alengbi ti hongɔ zo, alengbi nga ti hongɔ tɔrɔ tɛrɛ lo, sangɔ ni ka lifɛlo.

Matie 24:13

Kanda zo ko la agbe bɛ lo na ya pɛnɔ ngbĩi, akpi da ko, Nzapa aso tɔrɔ tɛrɛ lo.

Marko 13:13

Bɛ azi zu akɛ̃ gbanda ĩ ka ka ka na lo tɛ mbi. Kanda zo ko la agbe bɛ lo na ya pɛnɔ ni ngbĩi akpi da ko, Nzapa aso tɔrɔ tɛrɛ lo.”

Marko 8:35

Ta sanga ma, zo ko aye batangɔ du tɛ lo ko, tɔrɔ tɛrɛ lo na kpingɔ. Wa zo ko la aka tɛrɛ lo na lo tɛ mbi, nga na lo ti hangɔ Nzɔ̃ Pa tɛ Nzapa ko, tɔrɔ tɛrɛ lo na songɔ.

Luka 21:12

“Kanda uzu ti aye ko zu singɔ ko, agbɔ̃nɔ ĩ gbanda, ahɛ̃ ĩ pɛnɔ, anɔ na ĩ ka ya da sambela ya, afa ngbanga tɛ ĩ, asa nga ĩ bɔlɔkɔ. Anɔ na ĩ gbanda na lo tɛ mbi ka gbɛlɛ agbia, asi nga na ĩ gbanda ka gbɛlɛ akɛtɛ agbia ti sese olo.

Yoanɛ 12:25

Zo ko aye batangɔ du tɛ lo na lo tɛ lo nvɛni ko, tɔrɔ tɛrɛ lo na kpingɔ. Wa zo ko akɛ̃ du tɛ lo na lo tɛ mbi so lɛ sese olo ko, lo na luangɔ du ti kaka.

Yoanɛ 13:2

Ngoi mɛ ndɔ ĩ de ko, Yezo na ava lo abombi tɛrɛ la so ndotɛ ye. Satana apia ndo abi siɔ wangɔ bɛ Yudasi mɛ nyi Simɔ Iskariɔtɛ ya, lo ka Yezo.

Yoanɛ 13:27

Bo na ngoi mɛ Yudasi ĩ mu mapa ka ti Yezo ko, Satana ali ya bɛ lo. Yezo apa hɛ̃ Yudasi ya: “Ye ko mɔ ye lingɔ ko, li ni hiɔ!”

Awa Pangɔ Kwa 20:24

Ko mbi ndohũ tɛ mbi du tɛ mbi ge lɛ mbi gɛgɛre. Kɔtɛ lo mɛ ndosɔ bɛ mbi la, ale mbi nɔ na kwa tɛ mbi ngbĩi mbi kɔ nda ni, ko mbi onzi nga kwa mɛ ndo Gbia ahɛ̃ mbi. Kwa ni la, pangɔ Nzɔ̃ Pa ti nzɔ̃ bɛ tɛ Nzapa.

Awa Pangɔ Kwa 21:13

La Polo agbinya hɛ̃ e ya: “Nda to mɛ ĩ ndoto nɛ? Nda mɛ ĩ separa sangɔ mi bɛ mbi nɛ? Bɛ se agbɔ̃ mbi, aho mbi ka Yeruzalɛmɛ na lo tɛ Gbia Yezo ko, mbi ye.”

1 Kɔrinto 9:25

Uzu ya awa kpɛngɔ kpɛ zu akpɛ kpɛ ko, ala ndofɔ̃ bɛ la na ya mandangɔ kpɛngɔ kpɛ tɛ la. Ala ndoli so ya, ani zɔ li ni, wa ani lua mbana gɛrɛ ani. Ko ta mbana gɛrɛ la mɛ ala ndolua ndoninga ngbĩi ma. Kanda tɛ e ko, e ndoli ya, e lua mbana gɛrɛ e mɛ ndongbã kaka.

Efɛzɛ 2:2

Ĩ mu ndo se li ye tɛ azi ti lɛ sese olo. Ĩ ndotɔndɔ ndo gbia tɛ asiɔ tɔrɔ mɛ ndodu ka lɛ yanga yenge, ko na olo ko, gbia ni ko la adu tɔrɔ mɛ ndoli kwa ka ya bɛ azi mɛ ndokɛ̃ tɔndɔngɔ Nzapa.

Efɛzɛ 6:12

Ta sanga ma, to mɛ e ndotiri ko, ta e na azi la e ndotiri ma, kanda e na asiɔ tɔrɔ la e ndotiri. Adu asiɔ tɔrɔ mɛ na nguru ka lɛ ndozu, ndole nga gbia ge lɛ sese olo mɛ na ya mbingo.

Zaki 1:12

Dengɔ bɛ ati na zo ko ndogbe bɛ lo na ya pɛnɔ mɛ lo ndohũ. Ta sanga ma, na pɛ gbengɔ bɛ tɛ lo ko, Nzapa ahɛ̃ lo gbanda du ti kaka. Du ti kaka ni adu mbana gɛrɛ mɛ ndo lo ko kapa ni hɛ̃ awa yengɔ lo.

1 Petro 5:4

Wa na lá ko gbanda Gbia tɛ awa batangɔ angasã ngbaga asi ko, lo hɛ̃ ĩ mbana gɛrɛ ti ndima mɛ ta dɛ̃ngɔ ni ndowɛ ma.

1 Petro 5:8

Ale ĩ du na kpengba lɛ, ĩ bata li ĩ nzɔ̃ni, ta sanga ma, Satana mɛ wa kɛ̃ngɔ ĩ ndongongoro nga ma se mɛ zɛ̃ ndongongoro na ni, ndongburuka so gingɔ zo ya ni tɛ.

Suma 13:14

Ahɛ̃ lo lege ya, lo li aye ti kpɛnɛ na gbɛlɛ sa ti kɔi, lo handa azi ti lɛ sese, ko ala ti na siɔ ye. Lo pa hɛ̃ azi ti lɛ sese ya, ala lɛkɛ ngbilondo, ko ala gonda na sa mɛ ndo ade li lo na zabe, la ta lo kpi ma.

Suma 13:2

Sa mɛ mbi hũ akpa zɛ̃, gɛrɛ lo nga ma gɛrɛ hɔbu, nyɔ lo nga ma nyɔ bamara. Sa ti kpɛnɛ mɛ nga ma ngunde ahɛ̃ nguru tɛ lo nvɛni hɛ̃ sa mɛ alo ka ya kota ngu asi. Sa ti kpɛnɛ ahɛ̃ ngɛndɛ gbia tɛ lo hɛ̃ sa ni ko, ahɛ̃ nga ló gbia tɛ lo hɛ̃ lo.

Suma 13:7

Ahɛ̃ nga lo lege ya, lo tiri to na azi tɛ Nzapa, ko lo nwɔ nga la. Ahɛ̃ lo nguru ti lɛngɔ gbia na ndo azi ti ale zu, ti sese zu, nga na ti yanga kɔdɔrɔ zu.

Suma 17:14

Agbia ni ko na Nyi Ngasã Ngbaga na tiringɔ to, ko Nyi Ngasã Ngbaga na nwɔngɔ la, na lo mɛ ya, lo Gbia tɛ agbia. Nyi Ngasã Ngbaga ana ava lo na nwɔngɔ agbia ni ko. Ava lo ni adu azi mɛ ndo Nzapa aili la, asara nga la akpã azi tɛ lo, ala ye lo tɛ lo bɛ la kɔi.”

Suma 2:13

ni hĩnga ndo mɛ ĩ ndodu da. Ĩ ndodu na ndo mɛ Satana ndole gbia da. Ĩ gbɔ̃ lo tɛ ni ka ka ka. Abɛ na ngoi ko ndo azi aho na Antipasi mɛ bɛta temwɛ tɛ ni, ka tɛ ĩ mɛ Satana ndodu da ko, ĩ gbɔ̃ ndo lo tɛ ni ka ka ka. Ta ĩ zia yengɔ lo tɛ ni ma.

Suma 2:9

ni hĩnga apɛnɔ tɛ ĩ, nga na yɛlɛ tɛ ĩ, kanda ti biani ko, ĩ du awa bɛta nwa. Ni hĩnga nga ló mɛ azi ndokara na ili ĩ. Azi ni ko ndomu tɛrɛ la ya, ani Ayuda, kanda ta ala Ayuda ma, ala azi ti li nɔ tɛ Satana.