Suma 19:3 - Fana Ngbangɔ 1987

³ Azi mɛ fɛrɛ mbi ma legɔ̃ la ka yayu ati pa ya: “Ĩ gonda Nzapa! Guru ti wá mɛ ndogbi Babilɔnɛ mɛ kota kɔdɔrɔ, ndogundu ka lɛ ndozu tuleee tuleee ti buai.”

Suma 19:3 Iomraidhean Croise

Yudɛ 1:7

Ale ĩ da nga bɛ ĩ na awa kɔdɔrɔ ti Sɔdɔmɛ na ti Gɔmɔrɔ, nga na awa kɔdɔrɔ mɛ ndɛ̃ mɛ so tɔ̃ Sɔdɔmɛ na Gɔmɔrɔ. Ala li ndo asiɔ ye nga ma se mɛ aangelo ko ali na ni, ala hɛ̃ ndo tɛrɛ la so lingɔ asiɔ ye ti kamɛnɛ, nga na asiɔ ye mɛ ta bɛta zo alengbi ti lingɔ ma. Nzapa ahɛ̃ ndo la etumbu na ya wá mɛ ta ndomingɔ bɛ gbɔ ma. Etumbu ko la Nzapa ahɛ̃ la ko, lo tisa azi zu ya, ta ala li nga so ma, so ni hɛ̃ nga la etumbu.

Suma 14:11

Guru ti wá mɛ ndohɛ̃ la pɛnɔ ndogundu buru na buru. Azi ko la avɔrɔ sa, avɔrɔ nga angbilondo tɛ lo, nga na azi mɛ asuru ili sa ni na tɛrɛ la ko, ta ala na wɔngɔ tɛrɛ la ma, ala na hũngɔ pɛnɔ bi na lá.”

Suma 18:18

Ko ngoi mɛ ala ĩ hũ guru ti wá mɛ ndogbi Babilɔnɛ ĩ si tuleee tuleee ko, ala dɛrɛ kɔngɔ ya: “Ae, ta kɔdɔrɔ kɔi so lɛ sese mɛ alengbi na kɔdɔrɔ olo da ma!”

Suma 18:9

Agbia ti lɛ sese ana lo ahɛ̃ ndo tɛrɛ la so lingɔ asiɔ ye ti kamɛnɛ, nga so gingɔ anzɔ̃nzɔ̃ ye. Ko na ngoi mɛ gbanda agbia ni ahũ guru ti wá mɛ ndogbi Babilɔnɛ, so ndosi tuleee tuleee ko, ala to gbanda to, ala dema nga gbanda so kɔdɔrɔ ni.

Suma 19:1

So pɛni, mbi ma ye ka ndozu nga ma legɔ̃ azi butu butu, ala ndopa na kɔngɔ ya: “Ĩ gonda Nzapa! Lo Wa songɔ azi, ndima na nguru adu na lo tɛ lo!

Suma 19:4

Akangba sui sɛ ndoni siɔ, na asa siɔ mɛ lɛ la ngɛ̃ akuku na li kuni la, avɔrɔ Nzapa mɛ adu so ndo ngɛndɛ gbia. Ala pa ya: “Seni la! Ĩ gonda Nzapa!”