Suma 18:3 - Fana Ngbangɔ 1987

³ Asiɔ ye ti kamɛnɛ tɛ lo mɛ ndo lo ndoli, ko andogbɔ̃ lo nga ma kana ko, lo ha ndo na azi mɛ ndɛ̃, ala ali ni! Agbia ti lɛ sese ahɛ̃ ndo tɛrɛ la na lingɔ asiɔ ye ti kamɛnɛ ndoni kɔi na awa Babilɔnɛ! Ko azi ti lɛ sese mɛ awa dɛngɔ buze ati ndo awa nwa na lo ti anzɔ̃nzɔ̃ ye ti Babilɔnɛ mɛ se zo ahũ ko, ta lo gbe bɛ lo ma.”

Suma 18:3 Iomraidhean Croise

Luka 7:25

Wa zo mɛ ĩ nɔ kai ĩ hũ lo na? Ĩ nɔ, ĩ hũ kɔli mɛ ayu abɔngɔ ti kota ngere? Ipɔ! Awa yungɔ abɔngɔ ti kota ngere, na azi ko la nwa ako ndo la ndodu tɛ la ka ya ngbo tɛ agbia.

1 Timɔte 5:11

Kanda ta mɔ su ili awe muã mɛ ade amɔsia na ya buku ni ko ma. Ta sanga ma, ngoi mɛ gwɛ̃ ti dungɔ na kɔli ti gbɔ̃ la ko, ala dɔ lege tɛ Yezo Kristo azia.

Suma 14:8

Angelo ti sɛ aga pɛko angelo ko ti uzu, atɛnɛ tɛnɛ ya: “Babilɔnɛ ati wɛ, Babilɔnɛ mɛ kota kɔdɔrɔ ati wɛ! Asiɔ ye ti kamenɛ tɛ lo mɛ ndo lo ndoli, andogbɔ̃ lo nga ma kana ko, lo ha ndo na azi mɛ ndɛ̃ zu, ala li nga ni!”

Suma 17:2

Agbia ti lɛ sese ana ngbabo ni ali ndo aye ti kamɛnɛ. Azi ti lɛ sese ali ndo aye ti kamɛnɛ so ya kɔdɔrɔ ni, ko ye ti kamɛnɛ ni agbɔ̃nɔ ndo la nga ma kana.”

Suma 18:19

Ala to to, ala dema, ala gbɔ butu, asa na li la, adɛrɛ kɔngɔ ya: “Oo vundu ee! Oo vundu ee! Oo Babilɔnɛ mɛ kota kɔdɔrɔ ee! Azi zu mɛ ndo na masua so lɛ ngu, ati awa nwa na lo ti aye sĩ mɛ Babilɔnɛ na ni. Ko aye tɛ lo zu agbɛ̃gbɛ̃ bo na ya saa kɔi gɛgɛrɛ oo!”

Suma 18:23

Ta wá ti za gbanda so ya kɔdɔrɔ tɛ mɔ bɛ gbɔ ma. Ta azi ti ma gbanda legɔ̃ kɔli na ya lo ma. Azi tɛ mɔ mɛ awa dɛngɔ buze aɔ awa dɛngɔ buze ti lɛ sese mɛ ndɛ̃ zu na nwa. Na lo ti biando mɛ ndo azi tɛ mɔ ndohãna ko, ala handa ndo azi zu.

Suma 18:7

Ahɛ̃ bɛ la pɛnɔ, na vundu alengbi na ndima, nga na anzɔ̃nzɔ̃ ye mɛ ndo ala na ni ma ke! Ala ndopa ka ya bɛ la ya, ani du so kɔdɔrɔ ni ko nga ma awe gbia, ta ani awe muã ma, ta ani lɛ nga gbanda muã ma.

Suma 18:9

Agbia ti lɛ sese ana lo ahɛ̃ ndo tɛrɛ la so lingɔ asiɔ ye ti kamɛnɛ, nga so gingɔ anzɔ̃nzɔ̃ ye. Ko na ngoi mɛ gbanda agbia ni ahũ guru ti wá mɛ ndogbi Babilɔnɛ, so ndosi tuleee tuleee ko, ala to gbanda to, ala dema nga gbanda so kɔdɔrɔ ni.