Suma 17:3 - Fana Ngbangɔ 1987

³ So pɛni, Tɔrɔ Santo asa tɛrɛ mbi, la angelo ko ayɔ mbi, agwe na mbi ka bɛ ndo. Ngoi mɛ mbi si kai ko, mbi hũ zo wali kɔi adu ndo sa. Tɛrɛ sa ni bengbani, li lo mbara mbara, nza li lo sui kɔi. Ili mɛ ndoguru Nzapa amu tɛrɛ sa ni zu.

Suma 17:3 Iomraidhean Croise

Matie 27:28

Ala hãna abɔngɔ tɛrɛ lo, amu yɔngɔrɔ bɔngɔ mɛ bengbani ngbã ngbã ngba ayu na lo.

Awa Pangɔ Kwa 8:39

Ala ĩ lo ka ya ngu ĩ ko gegi ko, Tɔrɔ Santo tɛ Gbia aga amu Filipo aɔ na ni. Wa Etiopia ĩ de lɛ lo ko, ta lo ti hũ Filipo ma, la lo mu lege lo gwe na dengɔ be.

2 Tɛsalɔnikɛ 2:4

Siɔ Zo ni akɛ̃ gbanda lo ti aye zu mɛ azi ndomu ni nga ma anzapa, lo kɛ̃ nga gbanda lo ti aye zu mɛ azi ndovɔrɔ. Lo pa gbanda ya, ni ɔ aye ko zu. Lo kɛ̃ gbanda kia, lo li ya kota da Nzapa, lo ko lo du, lo pa ya, ni Nzapa.

Suma 1:10

Mbanga lá yenga kɔi, Tɔrɔ Santo asa tɛrɛ mbi, ko mbi hũ suma. La mbi ma legɔ̃ zo so pɛko mbi ndotɛnɛ tɛnɛ na kɔngɔ, nga ma se mɛ mbana ndokpale na ni.

Suma 12:14

La zo wali ko alua kpange ti sɛ nga ma tɛ kota ngwalo, lo kpɛ, lo gwe ka bɛ ndo, ka ndo tɛ lo mɛ Nzapa na mungɔ buru ta na nzɛ̃ mana so kãngɔ lo. Kai ko, ta ngbɔ alengbi ti gbɔ̃ngɔ lo ma.

Suma 12:3

Mbi hũ ye ti kpɛnɛ mɛ ndɛ̃ asi ka lɛ ndozu: adu bengba sa ti kpɛnɛ mɛ nga ma ngunde. Li lo mbara mbara, nza li lo sui kɔi, kpɔtɔ ti gbia alengbi na li lo ni mbara mbara zu.

Suma 12:6

So pɛni, zo wali ko akpɛ, agwe ka bɛ ndo, ka ndo mɛ Nzapa alɛkɛ hɛ̃ lo ya lo du kai, wa ni kã lo na tɛ na ya nzɛ̃ sui siɔ ndoni sɛ.

Suma 17:18

“Wa zo wali ko la mɔ hũ lo ko, lo du kota kɔdɔrɔ mɛ ako ndo agbia ti lɛ sese zu.”

Suma 17:4

Zo wali ni ayu tɛ lo bengba bɔngɔ mɛ nga ma mɛnɛ. Afua lo na anzinzina ye nzɛngbɛ nzɛngbɛ mɛ alɛkɛ na wɔrɔ, na tɛ́nɛ ti kota ngere, nga na alenge. Lo gbɔ̃ kangu mɛ alɛkɛ na wɔrɔ so ti lo, ko asiɔ ye ti kamɛnɛ, na pite mɛ ndo lo ndoli asĩ ya kangu ni mɛkɛ̃.

Suma 18:12

wɔrɔ, nwa, tɛnɛ ti kota ngere, alenge, akpɔ̃ bɔngɔ, abɔngɔ mɛ tɛrɛ ni na popo tɛ bengbani na bolo, na abɔngɔ mɛ bengbani nga ma mɛnɛ, abɔngɔ mɛ ili ni la sua. Ala ndoka lɛ akɛkɛ kɔndɛ kɔndɛ mɛ hũngɔ ni adu kpengbani, na lɛ aye kɔndɛ kɔndɛ mɛ alɛkɛ na tɛ̃ doli, na akɛkɛ ti kota ngere, na nvale, na nwa nga na tɛ́nɛ ti kota ngere.

Suma 18:16

Ala nɛ gbanda ya: “Oo vundu ee! Oo vundu mɛ ati na Babilɔnɛ mɛ kota kɔdɔrɔ ee! Babilɔnɛ mɛ ndoyu akpɔ̃ bɔngɔ mɛ bengbani nga ma mɛnɛ ee! Lo ndofua ndo tɛrɛ lo na anzinzina ye mɛ alɛkɛ na wɔrɔ, na tɛnɛ ti kota ngere, nga na lenge.

Suma 21:10

Tɔrɔ Santo asa tɛrɛ mbi, la angelo ayɔ mbi, anɔ na ni ka bɛ li hɔtɔ mɛ ganguruni. Lo fa mbi na Yeruzalɛmɛ, bɛta kɔdɔrɔ mɛ alo ka ndozu ka tɛ Nzapa, la azu ge tise.

Suma 4:2

Ta ĩ ninga ma ko, Tɔrɔ Santo asa tɛrɛ mbi. Mbi hũ ngɛndɛ gbia kɔi ka yayu, na zo so ndo ni du.