Suma 17:2 - Fana Ngbangɔ 1987

² Agbia ti lɛ sese ana ngbabo ni ali ndo aye ti kamɛnɛ. Azi ti lɛ sese ali ndo aye ti kamɛnɛ so ya kɔdɔrɔ ni, ko ye ti kamɛnɛ ni agbɔ̃nɔ ndo la nga ma kana.”

Suma 17:2 Iomraidhean Croise

Yoanɛ 2:10

apa hɛ̃ lo ya: “Zo zu mɛ ndoili yenga ko, lo ndokangbi nzɔ̃ vinɔ uzu hɛ̃ azi mɛ lo ili la. Wa ngoi ko ala nyɔ, agbɔ̃nɔ la wɛ, wadila akangbi vinɔ mɛ nyi nzɔ̃ni gesi. Kanda tɛ mɔ ko, mɔ bata beta vinɔ ngbĩi, mɔ kangbi ni bo na olo!”

Suma 14:8

Angelo ti sɛ aga pɛko angelo ko ti uzu, atɛnɛ tɛnɛ ya: “Babilɔnɛ ati wɛ, Babilɔnɛ mɛ kota kɔdɔrɔ ati wɛ! Asiɔ ye ti kamenɛ tɛ lo mɛ ndo lo ndoli, andogbɔ̃ lo nga ma kana ko, lo ha ndo na azi mɛ ndɛ̃ zu, ala li nga ni!”

Suma 17:13

Dangɔ bɛ tɛ agbia ko sui kɔi zu adu bo kɔi, ala na hɛ̃ngɔ nguru tɛ la hɛ̃ sa ni ko, ala nga na ziangɔ ló gbia tɛ la hɛ̃ lo.

Suma 17:17

Ta sanga ma, ye mɛ Nzapa asepara lingɔ ko, lo sa kɔdɛ ni ka bɛ agbia ko sui kɔi ya, ala mangbi, ko ala zia nguru gbia tɛ la hɛ̃ sa ni ko, ko sa ni ale gbia ngbĩi nga ka atɛnɛ tɛ Nzapa ati na seni.

Suma 17:5

Asu tɛnɛ mɛ ta zo ahĩnga nda ni ma so ndo lɛ lo. Tɛnɛ ni lo mɛ: “Babilɔnɛ kota kɔdɔrɔ, ta angbabo, ta asiɔ ye ti kamɛnɛ ti lɛ sese.”

Suma 17:8

Wa ma nda ni lo mɛ: sa ko mɔ hũ ko, ndo gã ko, lo ndo lɛ lo ngɛ̃, kanda na olo mɛ ko, ta lo ti dɛ lɛ lo ngɛ̃ ma. Wa angbã yakere ko, lo lo ka ya du mɛ lipi lipi, lo si. Ngoi mɛ lo na singɔ ko, Nzapa na bingɔ lo ka lifɛlo. Azi ti lɛ sese mɛ ndo ta asu ili la ka ya Buku mɛ asuru na ili azi mɛ alua du ti kaka, na ngoi mɛ ndo Nzapa ato nda lingɔ sese ma ko, ala na hũngɔ lo. Ala nga na bemangɔ, na lo mɛ ya, sa ni ko ndo uzu lɛ lo ngɛ̃, kanda na olo mɛ ko, ta lo ti dɛ lɛ lo ngɛ̃ ma, lo na singɔ fani mɛ ndɛ̃.

Suma 18:23

Ta wá ti za gbanda so ya kɔdɔrɔ tɛ mɔ bɛ gbɔ ma. Ta azi ti ma gbanda legɔ̃ kɔli na ya lo ma. Azi tɛ mɔ mɛ awa dɛngɔ buze aɔ awa dɛngɔ buze ti lɛ sese mɛ ndɛ̃ zu na nwa. Na lo ti biando mɛ ndo azi tɛ mɔ ndohãna ko, ala handa ndo azi zu.

Suma 18:3

Asiɔ ye ti kamɛnɛ tɛ lo mɛ ndo lo ndoli, ko andogbɔ̃ lo nga ma kana ko, lo ha ndo na azi mɛ ndɛ̃, ala ali ni! Agbia ti lɛ sese ahɛ̃ ndo tɛrɛ la na lingɔ asiɔ ye ti kamɛnɛ ndoni kɔi na awa Babilɔnɛ! Ko azi ti lɛ sese mɛ awa dɛngɔ buze ati ndo awa nwa na lo ti anzɔ̃nzɔ̃ ye ti Babilɔnɛ mɛ se zo ahũ ko, ta lo gbe bɛ lo ma.”

Suma 18:9

Agbia ti lɛ sese ana lo ahɛ̃ ndo tɛrɛ la so lingɔ asiɔ ye ti kamɛnɛ, nga so gingɔ anzɔ̃nzɔ̃ ye. Ko na ngoi mɛ gbanda agbia ni ahũ guru ti wá mɛ ndogbi Babilɔnɛ, so ndosi tuleee tuleee ko, ala to gbanda to, ala dema nga gbanda so kɔdɔrɔ ni.

Suma 2:22

Nda mɛ ni na bingɔ lo na ndo tange, ko lo hũ pɛnɔ la. Akɔli ko ndo nga la ana lo ati kɔmbɛ ko, se ta ala gbinya bɛ la, azia asiɔ ye mɛ ndo ala na lo ali ma ko, ni hɛ̃ la kota pɛnɔ.

Suma 3:10

Wa oko la ĩ ma ndo nyɔ mɛ ni hɛ̃ ya, ĩ gbe bɛ ĩ na ya apɛnɔ, la ĩ gbe be ĩ ko, ni na batangɔ ĩ na ngoi mɛ gbanda apɛnɔ ati ndo azi ti lɛ sese zu so tarangɔ bɛ la.

Suma 9:21

Ta azi ni ko azia nga kpɔngɔ azi, bere hãngɔ biando, bere lingɔ asiɔ ye ti kamɛnɛ, bere nzĩngɔ nzĩ ma.