Suma 16:1 - Fana Ngbangɔ 1987

¹ So pɛni, mbi ma legɔ̃ zo ka ya kota da Nzapa atɛnɛ tɛnɛ na kɔngɔ. Zo ni apa hɛ̃ aangelo mbara mbara ya: “Akangu mbara mbara ko la na ngɔnzɔ tɛ Nzapa na ya ni ko, ĩ nɔ ĩ sa ni ka lɛ sese.”

Suma 16:1 Iomraidhean Croise

Suma 11:19

Akangba ko ĩ kai ko, mbi hũ nyɔ kota da Nzapa adu ka yayu azi, ko mbi hũ sandugu kɔi ka ya kota da Nzapa ni. Adu sandugu mɛ andofa ya, Nzapa na azi tɛ lo agbe ngbanga. Bekpa ataima nzɛrrr, nzɛrrr, agbo gbáaa, gbáaa, ngu akini ngbũuu ngbũuu, sese ayingi kpu kpu kpu, ngandangombe asa gbara gbara gbara.

Suma 14:15

Angelo mɛ ndɛ̃ alo ka ya kota da Nzapa asi, adɛ kɔngɔ kpengbani hɛ̃ zo mɛ adu so ndo da baba ya: “Mu mbɛngɔ tɛ mɔ, mɔ fara na tɛ, ta sanga ma, ngoi ti faranga le tɛ alengbi wɛ. Tɛ ti yaka mɛ ka lɛ sese avuru wɛ!”

Suma 14:18

Angelo mɛ ndɛ̃ alo ka tɛrɛ mɛsa ti lungɔ Nzapa na ye aga. Lo gbia ti ndo wá. Lo dɛ kɔngɔ kpengbani hɛ̃ angelo mɛ fɛrɛ na mbɛngɔ mɛ ndoɔ̃ nga ma pepe so ti lo ya: “Mu mbɛngɔ tɛ mɔ, mɔ fara na le vinɔ mɛ ka lɛ sese, ta sanga ma, le vinɔ ni avuru wɛ.”

Suma 15:1

So pɛni, mbi hũ kota kukuna ye ti bemangɔ mɛ ndɛ̃ asi lɔ ka lɛ ndozu: adu aangelo mbara mbara la agbɔ̃nɔ apɛnɔ mbara mbara so ti la. Adu andangba pɛnɔ mɛ azi na hũngɔ, ta sanga ma, adu apɛnɔ mɛ Nzapa na hɛ̃ngɔ hɛ̃ azi, wa lo kɔ na nda ngɔnzɔ tɛ lo.

Suma 16:17

Angelo ti mbara mbara amu kangu tɛ lo mɛ ngɔnzɔ tɛ Nzapa ya ni, asa ka lɛ mbo. La mbi ma legɔ̃ zo atɛnɛ tɛnɛ na kɔngɔ ka ya kota da Nzapa. Legɔ̃ zo ni alo ka ndo ngɛndɛ gbia mɛ Nzapa adu da, zo ni apa ya: “Awɛ!”