Suma 15:4 - Fana Ngbangɔ 1987

⁴ Gbia, zo mɛ ta alengbi ti kpɛngɔ mɔ ma na? Zo mɛ alengbi ti kɛ̃ngɔ ya, ta ni gonda mɔ ma na? Ta sanga ma, bo mɔ kɔi la santo. Azi ti lɛ sese zu aga gbanda, awo tɛrɛ la tise so vɔrɔngɔ mɔ, Ta sanga ma, abɛta kwa mɛ mɔ li asi yango ngbɛ̃.”

Suma 15:4 Iomraidhean Croise

Roma 15:9

Lo ga ndo nga ya, azi mɛ ta Ayuda ma agonda Nzapa na lo ti nzɔ̃ bɛ mɛ Nzapa ndoli hɛ̃ la, nga ma se mɛ asu na ni ka ya Buku tɛ Nzapa ya: “Nda mɛ mbi na gondangɔ mɔ na popo tɛ azi mɛ ta Ayuda ma, Ko mbi nga na yengɔ bia hɛ̃ mɔ la.”

1 Petro 1:16

Ta sanga ma, asu ka ya Buku tɛ Nzapa ya: “Ale ĩ du asanto, ta sanga ma, mbi santo.”

Suma 11:15

So pɛni, angelo ti mbara mbara aulu mbana. Mbi ma legɔ̃ azi ma wo ma adu ka ndozu atɛnɛ tɛnɛ na kɔngɔ ya: “Gbia Nzapa tɛ e, na Mɛsia mɛ lo sunu lo, ala to nda lɛngɔ gbia na olo na ndo azi ti lɛ sese. Nzapa na lɛngɔ gbia na ndo la buru na buru!”

Suma 14:7

Angelo ni apa na kɔngɔ ya: “Ale ĩ kpɛ Nzapa, ĩ gonda nga lo! Ta sanga ma, ngoi tɛ lo ti fangɔ ngbanga tɛ azi alengbi wɛ. Ale ĩ vɔrɔ lo mɛ lo li ndozu, na sese, na ngu, nga na ali ngu!”

Suma 16:5

Ko mbi ma angelo mɛ gbia ti ndo ngu zu apa ya: “Oo Nzapa, mɔ Santo! Mɔ ndo da, mɔ nga da na olo mɛ. Ngbanga mɛ mɔ fa ko, mɔ fa ni na seni.

Suma 16:7

So pɛni, mbi ma legɔ̃ zo atɛnɛ tɛnɛ ka tɛrɛ mɛsa ti lungɔ Nzapa na ye ya: “Seni la, Gbia Nzapa mɔ lombe, ngbanga mɛ mɔ ndofa andodu na seni mbiri mbiri.”

Suma 19:2

Ngbanga mɛ lo ndofa ndodu na seni mbiri mbiri! Ta sanga ma, lo fa ngbanga, lo bi li wali ngbabo mɛ ndo agbɛ̃ azi ti le sese na lingɔ siɔ ye ti kamɛnɛ tɛ lo. Nzapa ahɛ̃ lo etumbu, na lo mɛ ya, lo kpɔ ndo awa kwa tɛ Nzapa.”

Suma 19:8

Ahɛ̃ ndo lege hɛ̃ ya lo ya, lo yu kpɔ̃ bɔngɔ mɛ ndosũ, bɔngɔ mɛ ta bi tɛrɛ ni ma.” (Bɔngɔ ni ndofa kwa mɛ ndo azi tɛ Nzapa ali na seni.)

Suma 3:7

“Su tɛnɛ olo mɔ to hɛ̃ angelo mɛ ndobata awa Eklezia ti Filadɛlfia. Tɛnɛ ni alo ka nyɔ zo mɛ santo, zo mɛ bɛta zo, zo mɛ ndobata nyi kɛrɛrɛ tɛ gbia Davidi, zo mɛ se lo zi nyɔ ngise ko, ta zo kɔi alengbi ti vĩngɔ ni ma. Se lo vĩ nga nyɔ da ko, ta zo kɔi alengbi nga ti zingɔ ni ma.

Suma 4:8

Sa kɔi kɔi na kpange ti lo mana, lɛ la amu tɛrɛ la zu, ka ya ni, nga ka koko ni. Bi na lá, ta ala ndonzɛ̃ na yengɔ bia ma. Bia mɛ ala ndoye lo mɛ: “Gbia Nzapa mɔ santo, mɔ bɛta santo, Mɔ lombe. Mɔ ndo da gã, mɔ da na olo, mɔ na gangɔ.”

Suma 6:10

Atɔrɔ tɛrɛ azi ni ko so ndodɛrɛ kɔngɔ kpengbani ya: “Gbia, mɔ mɛ santo, mɔ mɛ bɛta Nzapa, mɔ fa gbanda ngbanga tɛ azi ti lɛ sese mɛ ndo akpɔ e lá wa? Mɔ hɛ̃ nga gbanda etumbu hɛ̃ la lá wa?”