Suma 15:3 - Fana Ngbangɔ 1987

³ Ala ndoye bia tɛ Mɔizɛ mɛ wa kwa tɛ Nzapa, bia ni ko adu nga tɛ Nyi Ngasã Ngbaga. Bia ni lo mɛ: “Gbia Nzapa mɔ lombe, Aye mɛ mɔ li adu akokɛnɛ ye ti bemangɔ! Mɔ Gbia ti ndo azi ti lɛ sese zu, Aye mɛ mɔ ndoli ndodu na Seni, ndodu nga bɛtani!

Suma 15:3 Iomraidhean Croise

Yoanɛ 1:17

Nzapa alu ndo ndia hɛ̃ e ti ndo Mɔizɛ, kanda e lua nzɔ̃ bɛ tɛ lo, na beta lo tɛ lo ti ndo Nyi lo Yezo Kristo.

1 Timɔte 1:17

Nzapa mɛ ndole gbia buru na buru zu, lo mɛ kaka, lo mɛ ta andohũ lo ma, lo mɛ bo lo kɔi la Nzapa ko, azi atɔndɔ bɛ lo, agonda bɛ nga lo buru na buru ma ke! Seni la.

Aebreo 3:5

Mɔize ali ndo kwa bɛ lo kɔi so zangɔ azi ti ya da Nzapa, kanda lo tɛ lo ndo wa lingɔ kwa. Kwa mɛ ndo lo ndoli lo mɛ: Nzapa akpã ndo lo ya, tɛne mɛ ni Nzapa ni ye pangɔ hɛ̃ azi ko, ni pa ni hɛ̃ Mɔizɛ, wa Mɔizɛ apa ni hɛ̃ la.

Suma 1:8

Gbia Nzapa mɛ Lombe, lo ndo da, lo da na olo, lo nga na gangɔ, lo pa ya, ni wa tongɔ nda aye zu, ni nga wa kɔngɔ nda aye zu.

Suma 11:17

“Gbia Nzapa, mɔ lombe, mɔ ndo da gã, mɔ nga da na olo mɛ. E hɛ̃ mɔ sia kɔli na lo ti kota nguru tɛ mɔ mɛ mɔ mu, mɔ to nda lɛngɔ na gbia.

Suma 14:3

Azi ko butu butu alonga so gbɛlɛ ngɛndɛ gbia tɛ Nzapa, so gbɛlɛ asa siɔ mɛ lɛ la ngɛ̃, nga so gbɛlɛ akangba, ko ala so ndoye fana bia. Ta zo mɛ ndɛ̃ ahĩnga bia ni ko ma, wenge bo azi ko koto ngbangbo kɔi na ndoni koto sui siɔ ndoni koto siɔ (144.000). Adu azi mɛ ndo Nzapa atɔ̃ la na popo tɛ azi ge lɛ sese.

Suma 14:8

Angelo ti sɛ aga pɛko angelo ko ti uzu, atɛnɛ tɛnɛ ya: “Babilɔnɛ ati wɛ, Babilɔnɛ mɛ kota kɔdɔrɔ ati wɛ! Asiɔ ye ti kamenɛ tɛ lo mɛ ndo lo ndoli, andogbɔ̃ lo nga ma kana ko, lo ha ndo na azi mɛ ndɛ̃ zu, ala li nga ni!”

Suma 17:14

Agbia ni ko na Nyi Ngasã Ngbaga na tiringɔ to, ko Nyi Ngasã Ngbaga na nwɔngɔ la, na lo mɛ ya, lo Gbia tɛ agbia. Nyi Ngasã Ngbaga ana ava lo na nwɔngɔ agbia ni ko. Ava lo ni adu azi mɛ ndo Nzapa aili la, asara nga la akpã azi tɛ lo, ala ye lo tɛ lo bɛ la kɔi.”

Suma 19:16

Ili mɛ ndo asu na tɛrɛ bɔngɔ tɛ lo, nga na ndo gɛrɛ lo lo mɛ: “Gbia tɛ agbia.”

Suma 19:2

Ngbanga mɛ lo ndofa ndodu na seni mbiri mbiri! Ta sanga ma, lo fa ngbanga, lo bi li wali ngbabo mɛ ndo agbɛ̃ azi ti le sese na lingɔ siɔ ye ti kamɛnɛ tɛ lo. Nzapa ahɛ̃ lo etumbu, na lo mɛ ya, lo kpɔ ndo awa kwa tɛ Nzapa.”

Suma 4:8

Sa kɔi kɔi na kpange ti lo mana, lɛ la amu tɛrɛ la zu, ka ya ni, nga ka koko ni. Bi na lá, ta ala ndonzɛ̃ na yengɔ bia ma. Bia mɛ ala ndoye lo mɛ: “Gbia Nzapa mɔ santo, mɔ bɛta santo, Mɔ lombe. Mɔ ndo da gã, mɔ da na olo, mɔ na gangɔ.”