Suma 15:2 - Fana Ngbangɔ 1987

² So pɛni, mbi hũ ye nga ma kota ngu mɛ lɛ ni ndosũ bai bai nga ma tala tala, ko wá so ndoza nga so lɛ ngu ni. Mbi hũ nga azi mɛ ndo anwɔ sa mɛ alo ka ya kota ngu asi. Adu ala mɛ akɛ̃ vɔrɔngɔ ngbilondo tɛ sa ni ko, akɛ̃ nga luangɔ sifelo mɛ alengbi na ili lo. Ala longa so nyɔ kota ngu mɛ ndosũ bai bai nga ma tala tala. Mbi hũ akundi mɛ ndo Nzapa akangbi na la so ti la.

Suma 15:2 Iomraidhean Croise

Matie 3:11

Tɛ mbi ko, mbi ndoyɔrɔ ĩ na ya ngu so hɛ̃ngɔ ĩ batisimɔ, so fangɔ ya, ĩ gbinya bɛ ĩ. Kanda zo mɛ na gangɔ pɛ mbi ko, lo na sangɔ Tɔrɔ Santo tɛrɛ ĩ so hɛ̃ngɔ ĩ batisimɔ, ko Tɔrɔ Santo ni na lingɔ kwa nga ma wá. Zo ni aɔ mbi na nguru, ta mbi du zo mɛ mbi lengbi bɛ ti hãngɔ pɔrɔ tɛ lo na gɛrɛ lo ma.

1 Petro 1:7

Apɛnɔ mɛ ĩ ndohũ ndotara bɛ ĩ so fangɔ ya, bere ĩ ye lo tɛ Yezo biani. Wɔrɔ adu ye mɛ ndowɛ. Abɛ nga so ko, azi ndotara ni na wá ya ani ba, bere adu bɛta wɔrɔ. Ko se mɛ nga Nzapa ndotara na lo yengɔ tɛ ĩ mɛ adu ngbondo ye aɔ wɔrɔ la. Lo ndoli nga so ya, na lá ko gbanda Yezo Kristo adiri aga ko, ni gonda ĩ, ko ni hɛ̃ nga ĩ ndima.

1 Petro 4:12

Aya bua, ta ĩ́ bema na lo kota pɛnɔ mɛ ĩ ndohũ ma, adu apɛnɔ mɛ ndotara lo yengɔ tɛ ĩ. Ta ĩ mu ni nga ma bere adu aye ti kpɛnɛ ma.

Suma 12:11

Ayata e anwɔ ndo lo, na lo mɛ ya, Nyi Ngasã Ngbaga atɔ̃ ndo la na mɛnɛ tɛrɛ lo. Ala nwɔ nga ndo lo na lo ti bɛta tɛnɛ tɛ Nzapa mɛ ndo ala ndopa hɛ̃ azi. Ala ka ndo tɛrɛ la, ala kpili nga.

Suma 13:1

So pɛni, mbi hũ sa mɛ ndɛ̃ alo ka ya kota ngu asi. Nza li lo sui kɔi, li lo mbara mbara, kpɔtɔ ti gbia alengbi na nza li ni kɔi kɔi zu. Asu siɔ tɛnɛ ti gurungɔ na Nzapa na tɛrɛ nza li lo ni kɔi kɔi zu.

Suma 13:14

Ahɛ̃ lo lege ya, lo li aye ti kpɛnɛ na gbɛlɛ sa ti kɔi, lo handa azi ti lɛ sese, ko ala ti na siɔ ye. Lo pa hɛ̃ azi ti lɛ sese ya, ala lɛkɛ ngbilondo, ko ala gonda na sa mɛ ndo ade li lo na zabe, la ta lo kpi ma.

Suma 13:17

Zo ko la ta aminya ye ni ko na ndo ti lo ma ko, ta lo lengbi ti vɔ̃ngɔ ye, bere kangɔ ye ma. Ye mɛ ndo aminya na ndo ti azi ni ko, adu ili sa ti sɛ, bere sifelo mɛ alengbi na ili sa ni.

Suma 21:18

Awá gbágbá ni zu na tɛ́nɛ mɛ ili ni la yaspɛ. Awá kɔdɔrɔ ni nvɛni na bɛta wɔrɔ mɛ tɛrɛ ni nga ma lɛ tala tala.

Suma 4:6

Mbi hũ ye kɔi nga ma kota ngu so gbɛlɛ ngɛndɛ gbia ni, andosũ bai bai nga ma tala tala. Mbi hũ asa siɔ mɛ lɛ la ngɛ̃ aka ngɛndɛ ni kɛrɛrɛ. Lɛ la amu tɛrɛ la kwɛ zu, ge gbɛlɛ la nga ka pɛko la.

Suma 5:8

Nyi Ngasã Ngbaga ĩ mu buku ni ko, akangba ko sui sɛ ndoni siɔ, na asa ko siɔ mɛ lɛ la ngɛ̃ akuku gbɛlɛ lo. Kundi na ta nwa ti wɔrɔ mɛ yɔmbɔ asĩ ya ni, alengbi na ti akangba ni zu kɔi kɔi. Yɔmbɔ ni ko adu sambela mɛ azi tɛ Nzapa ndosambela na Nzapa.