Suma 13:8 - Fana Ngbangɔ 1987

⁸ Azi ti le sese zu na vɔrɔngɔ lo, wenge bo azi mɛ asuru ili la ka ya buku mɛ asuru na ili azi ko la alua du ti kaka. Asuru ndo ili azi ni ka ya buku uzu ti Nzapa lingɔ sese. Buku ni adu tɛ Nyi Ngasã Ngbaga mɛ ndo aho lo.

Suma 13:8 Iomraidhean Croise

Matie 25:34

Wa mbi Gbia, mbi pa gbanda hɛ̃ abɛta azi mɛ na ndo kɔti ti mbi ya: ‘Ĩ mɛ To mbi Nzapa asunu ĩ ko, ĩ ga, ĩ li ge Kɔdɔrɔ Gbia mɛ ndo lo lɛkɛ na lo tɛ ĩ, na ngoi mɛ ndo lo li na sese.

Luka 10:20

Kanda ta ĩ saba na lo ko la asiɔ tɔrɔ ama nyɔ ĩ ma, kanda ale ĩ saba na lo ko la Nzapa asu ili ĩ ka ya buku tɛ lo ka yayu.”

Yoanɛ 1:29

Ĩ la bu ndã ĩ de ko, Yoanɛ ahũ Yezo so ndoga ka tɛ lo, la Yoanɛ apa hɛ̃ azi ya: “Ĩ ba Nyi Ngasã Ngbaga tɛ Nzapa mɛ aga so hãngɔ siɔ ye tɛ azi zingɔ lo mɛ!

Efɛzɛ 1:4

Uzu ti Nzapa lingɔ sese ko, lo pia ndo lo sara e lo kpa ya, e na Yezo Kristo e ti bo kɔi, wadila bɛ e ati vuruni, ko ta ni bela e na lo ye kɔi ma.

Filipɛ 4:3

Mbɛni nga la mɔ mɛ bɛta kwa mbi, mɔ mɛ ndo e na mɔ e ndoli kwa ndoni kɔi, mbi hũnda mɔ ya, mɔ za Evodia na Sɛntisɛ. Ta sanga ma, mbi na la, na Klema, nga na afɔ̃ mbi mɛ ndɛ̃ zu mɛ ndo e na la e ndoli kwa tɛ Nzapa ndoni kɔi, e ndoli ndo kpengbani, la e ndopa Nzɔ̃ Pa tɛ Yezo Kristo hɛ̃ azi. Ko Nzapa asuru ndo ili azi mɛ e na la e ndoli kwa tɛ lo, ka ya buku mɛ andosuru na ili azi mɛ alua du ti kaka.

Tito 1:2

Mbi ndoli so ya, ala lɛndɛrɛ luangɔ du ti kaka. Nzapa mɛ ta ndopa nvɛnɛ ma, ako ndo kapa ti hɛ̃ngɔ e du ti kaka, uzu ti lo lingɔ sese.

Suma 12:15

La sa ti kpɛnɛ aku ngu ndali zo wali ko ya, amu ndo zababa, ko amu lo aɔ na ni.

Suma 13:12

Lo na nguru zu ti lingɔ ye nga ma se tɛ sa ti kɔi, ko lo ndoli aye ni so gbɛlɛ sa ti kɔi. Sa ti sɛ ahɛ̃ nyɔ hɛ̃ azi ti lɛ sese na aye zu ya, ala vɔrɔ sa ti kɔi mɛ ndo adɛ li lo na kã ya aho lo, la kã ni amu.

Suma 17:8

Wa ma nda ni lo mɛ: sa ko mɔ hũ ko, ndo gã ko, lo ndo lɛ lo ngɛ̃, kanda na olo mɛ ko, ta lo ti dɛ lɛ lo ngɛ̃ ma. Wa angbã yakere ko, lo lo ka ya du mɛ lipi lipi, lo si. Ngoi mɛ lo na singɔ ko, Nzapa na bingɔ lo ka lifɛlo. Azi ti lɛ sese mɛ ndo ta asu ili la ka ya Buku mɛ asuru na ili azi mɛ alua du ti kaka, na ngoi mɛ ndo Nzapa ato nda lingɔ sese ma ko, ala na hũngɔ lo. Ala nga na bemangɔ, na lo mɛ ya, sa ni ko ndo uzu lɛ lo ngɛ̃, kanda na olo mɛ ko, ta lo ti dɛ lɛ lo ngɛ̃ ma, lo na singɔ fani mɛ ndɛ̃.

Suma 21:27

Ta ye kɔi ti bi, bere zo kɔi mɛ ahɛ̃ tɛrɛ lo na lingɔ siɔ ye, bere ahɛ̃ nga tɛrɛ lo so pangɔ nvɛnɛ ali gbanda kai ma, wenge bo azi mɛ asu ili la na ya buku mɛ asuru na ili azi mɛ alua du ti kaka. Buku ni adu tɛ Nyi Ngasã Ngbaga.

Suma 3:10

Wa oko la ĩ ma ndo nyɔ mɛ ni hɛ̃ ya, ĩ gbe bɛ ĩ na ya apɛnɔ, la ĩ gbe be ĩ ko, ni na batangɔ ĩ na ngoi mɛ gbanda apɛnɔ ati ndo azi ti lɛ sese zu so tarangɔ bɛ la.

Suma 3:20

Ĩ ma la: ni lo na tɔ̃ nyɔ ngise, ni ndogɔngɔ ni, ni ndoili ila. Zo ko la ama legɔ̃ ni, azi nyɔ ngise hɛ̃ ni ko, ni li ka ya da tɛ lo, ko ni na lo ani tɛ ye ndoni kɔi.

Suma 3:5

Azi ko la agbe bɛ la na ya apɛnɔ, anwɔ ni ko, ala yu gbanda mbufu bɔngɔ. Ko ili la mɛ asu ka ya buku mɛ asuru na ili azi mɛ alua du ti kaka ko, ta ni fa gbanda ni, ni zi ma. Ni na pangɔ na gbɛlɛ To ni nga na gbɛlɛ aangelo tɛ lo ya, azi ni ko adu azi tɛ ni.

Suma 5:12

Mbi ma aangelo so ndoye bia na kɔngɔ ya: “Nyi Ngasã Ngbaga mɛ ndo aho lo ko, Azi alengbi ti yengɔ ya, lo wa nguru, lo na ye zu, Lo wa ndara, lo lombe. Azi alengbi ti gondangɔ lo, Tɔndɔngɔ lo, yakɛngɔ nga lo.”

Suma 5:13

Mbi ma nga aye zu mɛ Nzapa ali ka lɛ ndozu, ge lɛ sese, ka gbe sese, nga ka ya kota ngu, aye ti lɛ sese kwe zu mɛ Nzapa ali, so ndoye bia ya: “E gonda Zo mɛ adu ndo ngɛndɛ gbia, E gonda nga Nyi Ngasã Ngbaga, E tɔndɔ la, é yakɛ la, E ye ya, ala na nguru buru na buru!”

Suma 6:1

So pɛni, mbi hũ Nyi Ngasã Ngbaga akongbi ndã ti uzu na popo ti ndã mbara mbara mɛ aminya na nyɔ buku. Na popo tɛ asa ko siɔ mɛ lɛ la ngɛ̃ ko, mbi ma legɔ̃ sa kɔi atɛnɛ tɛnɛ nga ma ngu la akini, lo pa ya: “Ga o!”