Suma 13:4 - Fana Ngbangɔ 1987

⁴ Azi zu avɔrɔ sa ti kpɛnɛ, na lo mɛ ya, lo hɛ̃ nguru tɛ lo hɛ̃ sa mɛ alo ka ya kota ngu asi. Ala vɔrɔ nga sa mɛ alo ka ya kota ngu asi, ala so ndopa ya: “Zo mɛ na nguru alengbi na sa olo na? Zo mɛ alengbi ti tiringɔ lo na to na?”

Suma 13:4 Iomraidhean Croise

2 Kɔrinto 4:4

Ta ala ndoye lo ti Nzɔ̃ Pa ni ma, na lo mɛ ya, Satana mɛ gbia tɛ azi ti lɛ sese agbɛ̃ kɔdɛ tɛ la. Lo vĩ nga lɛ la ya, ta ala hũ ndo mɛ avuru ma. Nzɔ̃ Pa ni avuru na ndo, ko adu Nzɔ̃ Pa ni la afa ndima tɛ Yezo Kristo mɛ lo limɔ tɛ Nzapa.

2 Tɛsalɔnikɛ 2:4

Siɔ Zo ni akɛ̃ gbanda lo ti aye zu mɛ azi ndomu ni nga ma anzapa, lo kɛ̃ nga gbanda lo ti aye zu mɛ azi ndovɔrɔ. Lo pa gbanda ya, ni ɔ aye ko zu. Lo kɛ̃ gbanda kia, lo li ya kota da Nzapa, lo ko lo du, lo pa ya, ni Nzapa.

Suma 12:3

Mbi hũ ye ti kpɛnɛ mɛ ndɛ̃ asi ka lɛ ndozu: adu bengba sa ti kpɛnɛ mɛ nga ma ngunde. Li lo mbara mbara, nza li lo sui kɔi, kpɔtɔ ti gbia alengbi na li lo ni mbara mbara zu.

Suma 12:4

Atongolo abombi tɛrɛ la li nɔ ta ta ka lɛ ndozu. Sa ti kpɛnɛ ni amu sã lo, afũ na li nɔ kɔi, asa ge lɛ sese. Sa ni ko alo so gbɛlɛ zo wali mɛ gwa atɛ lo ya, bo na ngoi ko la lo dú ko, ni tɛ nyingambi ni.

Suma 13:11

So pɛni, mbi hũ sa ti sɛ alo ka gbɛ sese asi. Nza li lo sɛ nga ma nza li nyi ngasã ngbaga. Lo ndotɛnɛ tɛnɛ nga ma sa ti kpɛnɛ mɛ nga ma ngunde.

Suma 13:15

Ahɛ̃ sa ti sɛ nguru ya, lo ulu mbo ali ya tɛrɛ ngbilondo mɛ alɛkɛ nga ma sa ti kɔi. Lo ulu mbo ni ya, ngbilondo ni adu lɛ lo ngɛ̃, atɛnɛ tɛnɛ, akpɔ nga azi zu mɛ akɛ̃ vɔrɔngɔ lo.

Suma 13:2

Sa mɛ mbi hũ akpa zɛ̃, gɛrɛ lo nga ma gɛrɛ hɔbu, nyɔ lo nga ma nyɔ bamara. Sa ti kpɛnɛ mɛ nga ma ngunde ahɛ̃ nguru tɛ lo nvɛni hɛ̃ sa mɛ alo ka ya kota ngu asi. Sa ti kpɛnɛ ahɛ̃ ngɛndɛ gbia tɛ lo hɛ̃ sa ni ko, ahɛ̃ nga ló gbia tɛ lo hɛ̃ lo.

Suma 17:14

Agbia ni ko na Nyi Ngasã Ngbaga na tiringɔ to, ko Nyi Ngasã Ngbaga na nwɔngɔ la, na lo mɛ ya, lo Gbia tɛ agbia. Nyi Ngasã Ngbaga ana ava lo na nwɔngɔ agbia ni ko. Ava lo ni adu azi mɛ ndo Nzapa aili la, asara nga la akpã azi tɛ lo, ala ye lo tɛ lo bɛ la kɔi.”

Suma 18:18

Ko ngoi mɛ ala ĩ hũ guru ti wá mɛ ndogbi Babilɔnɛ ĩ si tuleee tuleee ko, ala dɛrɛ kɔngɔ ya: “Ae, ta kɔdɔrɔ kɔi so lɛ sese mɛ alengbi na kɔdɔrɔ olo da ma!”

Suma 9:20

Atanga azi zu mɛ ndo ta ala kpili na ngoi ti apɛnɔ ni ma ko, ta ala zia ndo lingɔ siɔ ye tɛ la nvɛni ma. Ala kɛ̃ ndo kia avɔrɔ asiɔ tɔrɔ, na angbilondo mɛ ala lɛkɛ na wɔrɔ, na nwa, na nvale, na tɛ́nɛ, nga na kɛkɛ. Angbilondo ni ko zu, ta ndohũ ndo ma, ta ndoma ndo ma, ta ala ndodɔ nga nɔ ma.