Suma 13:2 - Fana Ngbangɔ 1987

² Sa mɛ mbi hũ akpa zɛ̃, gɛrɛ lo nga ma gɛrɛ hɔbu, nyɔ lo nga ma nyɔ bamara. Sa ti kpɛnɛ mɛ nga ma ngunde ahɛ̃ nguru tɛ lo nvɛni hɛ̃ sa mɛ alo ka ya kota ngu asi. Sa ti kpɛnɛ ahɛ̃ ngɛndɛ gbia tɛ lo hɛ̃ sa ni ko, ahɛ̃ nga ló gbia tɛ lo hɛ̃ lo.

Suma 13:2 Iomraidhean Croise

2 Timɔte 4:17

Abɛ so ko, Gbia Yezo Kristo alo ndo so gunda mbi, ahɛ̃ nga mbi nguru. Na lo ni ndo la mbi pa tɛnɛ tɛ lo zu hɛ̃ azi zu mɛ ta Ayuda ma. Adu nga ma Gbia ahã ndo mbi na yanga abamara.

1 Petro 5:8

Ale ĩ du na kpengba lɛ, ĩ bata li ĩ nzɔ̃ni, ta sanga ma, Satana mɛ wa kɛ̃ngɔ ĩ ndongongoro nga ma se mɛ zɛ̃ ndongongoro na ni, ndongburuka so gingɔ zo ya ni tɛ.

Suma 12:13

Ngoi mɛ sa ti kpɛnɛ ĩ hĩnga ya, abi ni ge lɛ sese wɛ ko, lo tonda utɛngɔ zo wali mɛ ndo adú nyi kɔli.

Suma 12:15

La sa ti kpɛnɛ aku ngu ndali zo wali ko ya, amu ndo zababa, ko amu lo aɔ na ni.

Suma 12:9

Abi kota sa ti kpɛnɛ gegi. Lo du ngbɔ ti gã mɛ andoili lo ya Zabulu bere Satana. Lo ndohanda azi ti lɛ sese zu. Amu ndo lo na aangelo tɛ lo zu, asa la ge lɛ sese.

Suma 13:12

Lo na nguru zu ti lingɔ ye nga ma se tɛ sa ti kɔi, ko lo ndoli aye ni so gbɛlɛ sa ti kɔi. Sa ti sɛ ahɛ̃ nyɔ hɛ̃ azi ti lɛ sese na aye zu ya, ala vɔrɔ sa ti kɔi mɛ ndo adɛ li lo na kã ya aho lo, la kã ni amu.

Suma 13:4

Azi zu avɔrɔ sa ti kpɛnɛ, na lo mɛ ya, lo hɛ̃ nguru tɛ lo hɛ̃ sa mɛ alo ka ya kota ngu asi. Ala vɔrɔ nga sa mɛ alo ka ya kota ngu asi, ala so ndopa ya: “Zo mɛ na nguru alengbi na sa olo na? Zo mɛ alengbi ti tiringɔ lo na to na?”

Suma 16:10

Angelo ti kɔ̃ amu kangu tɛ lo mɛ ngɔnzɔ tɛ Nzapa ya ni, asa na ndo ngɛndɛ gbia tɛ sa ti kɔi mɛ aminya ili lo na tɛrɛ azi, la mbingo ati na ndo mɛ sa ko ndole gbia da, ko azi so ndotɛtɛrɛkɛ gu tɛ̃ la kɔrrr kɔrrr na lo ti pɛnɔ mɛ ala ndohũ.

Suma 17:12

“Nza li sa sui kɔi mɛ mɔ hũ ko, adu agbia sui kɔi mɛ ta ala dɛ to nda lɛngɔ gbia tɛ la ma. Ala na luangɔ nguru so lɛngɔ gbia, ko ala na sa ni ko na lɛngɔ gbia bo na ya saa kɔi gɛgɛrɛ.

Suma 19:20

Agbɔ̃ sa ni, agbɔ̃ nga wa pangɔ nyɔ Nzapa na nvɛnɛ mɛ ndo ndoli aye ti kpɛnɛ so gbɛlɛ sa ni. (Lo li ndo aye ti kpɛnɛ ni so handangɔ na azi. Azi ni adu azi mɛ ndo asuru ili sa ni na tɛrɛ la, ala vɔrɔ nga ngbilondo tɛ sa ni.) Ngoi mɛ ĩ gbɔ̃nɔ la ko, asa la lɛ la ngɛ̃ ka ya wá mɛ lɛ ni kotani nga ma lɛ kpo. Ko wá ni adu nwa tɛ́nɛ la ndoza.

Suma 2:13

ni hĩnga ndo mɛ ĩ ndodu da. Ĩ ndodu na ndo mɛ Satana ndole gbia da. Ĩ gbɔ̃ lo tɛ ni ka ka ka. Abɛ na ngoi ko ndo azi aho na Antipasi mɛ bɛta temwɛ tɛ ni, ka tɛ ĩ mɛ Satana ndodu da ko, ĩ gbɔ̃ ndo lo tɛ ni ka ka ka. Ta ĩ zia yengɔ lo tɛ ni ma.

Suma 20:2

Lo gbɔ̃ nga sa ti kpɛnɛ mɛ nga ma ngunde. Sa ni ko adu ngbɔ ti gã, adu Zabulu bere Satana. Angelo agbe lo na nzingiri ya, lo ngbã so ya ni buru koto kɔi.