Suma 13:1 - Fana Ngbangɔ 1987

¹ So pɛni, mbi hũ sa mɛ ndɛ̃ alo ka ya kota ngu asi. Nza li lo sui kɔi, li lo mbara mbara, kpɔtɔ ti gbia alengbi na nza li ni kɔi kɔi zu. Asu siɔ tɛnɛ ti gurungɔ na Nzapa na tɛrɛ nza li lo ni kɔi kɔi zu.

Suma 13:1 Iomraidhean Croise

Suma 11:7

Ngoi ko la ala na kɔngɔ nda pangɔ tɛnɛ tɛ Nzapa ko, sa kɔi na longɔ ka ya du mɛ lipi lipi singɔ, tiringɔ la na to. Sa ni na nwɔngɔ la, kpɔngɔ la.

Suma 12:3

Mbi hũ ye ti kpɛnɛ mɛ ndɛ̃ asi ka lɛ ndozu: adu bengba sa ti kpɛnɛ mɛ nga ma ngunde. Li lo mbara mbara, nza li lo sui kɔi, kpɔtɔ ti gbia alengbi na li lo ni mbara mbara zu.

Suma 13:11

So pɛni, mbi hũ sa ti sɛ alo ka gbɛ sese asi. Nza li lo sɛ nga ma nza li nyi ngasã ngbaga. Lo ndotɛnɛ tɛnɛ nga ma sa ti kpɛnɛ mɛ nga ma ngunde.

Suma 13:14

Ahɛ̃ lo lege ya, lo li aye ti kpɛnɛ na gbɛlɛ sa ti kɔi, lo handa azi ti lɛ sese, ko ala ti na siɔ ye. Lo pa hɛ̃ azi ti lɛ sese ya, ala lɛkɛ ngbilondo, ko ala gonda na sa mɛ ndo ade li lo na zabe, la ta lo kpi ma.

Suma 13:15

Ahɛ̃ sa ti sɛ nguru ya, lo ulu mbo ali ya tɛrɛ ngbilondo mɛ alɛkɛ nga ma sa ti kɔi. Lo ulu mbo ni ya, ngbilondo ni adu lɛ lo ngɛ̃, atɛnɛ tɛnɛ, akpɔ nga azi zu mɛ akɛ̃ vɔrɔngɔ lo.

Suma 15:2

So pɛni, mbi hũ ye nga ma kota ngu mɛ lɛ ni ndosũ bai bai nga ma tala tala, ko wá so ndoza nga so lɛ ngu ni. Mbi hũ nga azi mɛ ndo anwɔ sa mɛ alo ka ya kota ngu asi. Adu ala mɛ akɛ̃ vɔrɔngɔ ngbilondo tɛ sa ni ko, akɛ̃ nga luangɔ sifelo mɛ alengbi na ili lo. Ala longa so nyɔ kota ngu mɛ ndosũ bai bai nga ma tala tala. Mbi hũ akundi mɛ ndo Nzapa akangbi na la so ti la.

Suma 16:13

So pɛni, mbi hũ asiɔ tɔrɔ ota mɛ nga ma adale. Kɔi asi ka yanga sa ti kpɛnɛ mɛ nga ma ngunde, kɔi asi nga ka yanga sa mɛ aminya ili lo na tɛrɛ azi, kɔi mɛ ndɛ̃ asi ka yanga wa pangɔ nyɔ Nzapa na nvɛnɛ.

Suma 17:16

Nza li sa sui kɔi mɛ mɔ hũ ko, adu agbia sui kɔi. Ko bɛ agbia ni ko sui kɔi, nga na bɛ sa ni nvɛni na kɛ̃ngɔ ngbabo ko ka ka ka. Ala na kpatangɔ aye tɛ lo zu, hãnangɔ abɔngɔ tɛrɛ lo, ziangɔ lo ndumbu. Ala na tɛngɔ mi tɛrɛ lo, ko ala na zɔngɔ tanga tɛrɛ lo ka ya wá.

Suma 17:3

So pɛni, Tɔrɔ Santo asa tɛrɛ mbi, la angelo ko ayɔ mbi, agwe na mbi ka bɛ ndo. Ngoi mɛ mbi si kai ko, mbi hũ zo wali kɔi adu ndo sa. Tɛrɛ sa ni bengbani, li lo mbara mbara, nza li lo sui kɔi. Ili mɛ ndoguru Nzapa amu tɛrɛ sa ni zu.

Suma 17:5

Asu tɛnɛ mɛ ta zo ahĩnga nda ni ma so ndo lɛ lo. Tɛnɛ ni lo mɛ: “Babilɔnɛ kota kɔdɔrɔ, ta angbabo, ta asiɔ ye ti kamɛnɛ ti lɛ sese.”

Suma 19:19

So pɛni, mbi hũ sa ni na agbia ti lɛ sese, nga na aturugu tɛ la, abombi tɛrɛ la so tiringɔ to na wa kpɛngɔ na mbufu mbarata, nga so tiringɔ to na aturugu tɛ lo.