Suma 12:4 - Fana Ngbangɔ 1987

⁴ Atongolo abombi tɛrɛ la li nɔ ta ta ka lɛ ndozu. Sa ti kpɛnɛ ni amu sã lo, afũ na li nɔ kɔi, asa ge lɛ sese. Sa ni ko alo so gbɛlɛ zo wali mɛ gwa atɛ lo ya, bo na ngoi ko la lo dú ko, ni tɛ nyingambi ni.

Suma 12:4 Iomraidhean Croise

Yoanɛ 8:44

Ĩ du aya Satana, ko ĩ ndoye lingɔ ye mɛ bɛ to ĩ Satana aye. Na tongɔ nda sese ndo ko, lo ndo wa hongɔ azi. Ta lo ndotɛnɛ beta tɛnɛ bɛ gbɔ ma, na lo mɛ ya, ta lo hĩnga beta tɛnɛ bɛ gbɔ ma. Ngoi mɛ lo ndopa nvɛnɛ ko, nvɛnɛ ni ndolo ka ya bɛ lo, na lo mɛ ya, lo wa nvɛnɛ, lo nga ta nvɛnɛ.

1 Petro 5:8

Ale ĩ du na kpengba lɛ, ĩ bata li ĩ nzɔ̃ni, ta sanga ma, Satana mɛ wa kɛ̃ngɔ ĩ ndongongoro nga ma se mɛ zɛ̃ ndongongoro na ni, ndongburuka so gingɔ zo ya ni tɛ.

Suma 12:7

So pɛni, to ati ka lɛ ndozu. Mikaɛlɛ mɛ gbia tɛ aangelo, na aangelo tɛ lo abombi atiri to na sa ti kpɛnɛ mɛ nga ma ngunde na aangelo tɛ lo.

Suma 12:9

Abi kota sa ti kpɛnɛ gegi. Lo du ngbɔ ti gã mɛ andoili lo ya Zabulu bere Satana. Lo ndohanda azi ti lɛ sese zu. Amu ndo lo na aangelo tɛ lo zu, asa la ge lɛ sese.

Suma 13:2

Sa mɛ mbi hũ akpa zɛ̃, gɛrɛ lo nga ma gɛrɛ hɔbu, nyɔ lo nga ma nyɔ bamara. Sa ti kpɛnɛ mɛ nga ma ngunde ahɛ̃ nguru tɛ lo nvɛni hɛ̃ sa mɛ alo ka ya kota ngu asi. Sa ti kpɛnɛ ahɛ̃ ngɛndɛ gbia tɛ lo hɛ̃ sa ni ko, ahɛ̃ nga ló gbia tɛ lo hɛ̃ lo.

Suma 13:4

Azi zu avɔrɔ sa ti kpɛnɛ, na lo mɛ ya, lo hɛ̃ nguru tɛ lo hɛ̃ sa mɛ alo ka ya kota ngu asi. Ala vɔrɔ nga sa mɛ alo ka ya kota ngu asi, ala so ndopa ya: “Zo mɛ na nguru alengbi na sa olo na? Zo mɛ alengbi ti tiringɔ lo na to na?”

Suma 16:13

So pɛni, mbi hũ asiɔ tɔrɔ ota mɛ nga ma adale. Kɔi asi ka yanga sa ti kpɛnɛ mɛ nga ma ngunde, kɔi asi nga ka yanga sa mɛ aminya ili lo na tɛrɛ azi, kɔi mɛ ndɛ̃ asi ka yanga wa pangɔ nyɔ Nzapa na nvɛnɛ.

Suma 17:18

“Wa zo wali ko la mɔ hũ lo ko, lo du kota kɔdɔrɔ mɛ ako ndo agbia ti lɛ sese zu.”

Suma 20:2

Lo gbɔ̃ nga sa ti kpɛnɛ mɛ nga ma ngunde. Sa ni ko adu ngbɔ ti gã, adu Zabulu bere Satana. Angelo agbe lo na nzingiri ya, lo ngbã so ya ni buru koto kɔi.

Suma 8:10

Angelo ti ta aulu mbana tɛ lo. Kota tongolo mɛ ndoza lau lau nga ma tanda, alo ka ndozu ati ge lɛ sese, ati lɛ ngu, ati nga lɛ li ngu.

Suma 8:11

(Ili tongolo ni la Bɛngɛ.) Ngu zu akangbi ta ta, mbanga ni kɔi kɔi ati seseni. Azi ma wo ma mɛ anyɔ sese ngu ni akpili zu.

Suma 8:12

Angelo ti siɔ aulu mbana tɛ lo. Lɛ lá akangbi ota, lɛ nzɛ̃ akangbi ota, lɛ atongolo kɔi kɔi akangbi nga ta ta, ko ta mbanga lɛ ni kɔi kɔi zu ati asũ ma. Lá kɔi akangbi na ngoi ta, ko na mbanga ngoi ko, ta lá asũ ma. Bi akangbi nga na ngoi ota, ko ta nzɛ̃ na atongolo asũ na mbanga ngoi ma.

Suma 8:7

Angelo ti uzu aulu mbana tɛ lo. Ngandangombe na wá abombi na mɛnɛ asa ka lɛ sese. Lɛ sese akangbi ota, mbanga lɛ ni kɔi abombi na akɛkɛ ti lɛ ni, nga na ndiri zu mɛ so da agbiri.

Suma 8:8

Angelo ti sɛ aulu mbana tɛ lo. Mbanga ye kɔi nga ma kota hɔtɔ mɛ ndoza lau lau aha, ati ka ya kota ngu buzuuu! Kota ngu akangbi ota, mbanga lɛ ni kɔi agbinyangbi, ati gi mɛnɛ.

Suma 8:9

Aye zu mɛ lɛ la ngɛ̃ ka ya ngu ni akpili, amasua zu mɛ nga ka lɛ ni agbɛ̃gbɛ̃.

Suma 9:10

Sã la nga ma sã kpakete, tɛ̃ la nga ma tɛ̃ kpakete. Sã la ni la ndohɛ̃ la nguru ya, ala tɛtɛrɛkɛ na azi na ya nzɛ̃ kɔ̃.

Suma 9:19

Nguru mɛ ambarata na ni ti tɛtɛrekɛngɔ na azi ndodu ka yanga la, nga ka ya sã la. Sã la nga ma ngbɔ, ko ye kɔi ka li sã la ni nga ma li ngbɔ. Ala ndomu li sã la ni, atɛtɛrɛkɛ na azi.