Suma 12:3 - Fana Ngbangɔ 1987

³ Mbi hũ ye ti kpɛnɛ mɛ ndɛ̃ asi ka lɛ ndozu: adu bengba sa ti kpɛnɛ mɛ nga ma ngunde. Li lo mbara mbara, nza li lo sui kɔi, kpɔtɔ ti gbia alengbi na li lo ni mbara mbara zu.

Suma 12:3 Iomraidhean Croise

Suma 12:1

So pɛni mbi hũ ye ti kpɛnɛ asi ka lɛ ndozu: adu zo wali kɔi mɛ amu lá agana na tɛrɛ lo nga ma bɔngɔ. Lo lo na ndo nzɛ̃, lo yu kpɔtɔ ti gbia mɛ atongolo sui kɔi ndoni sɛ tɛrɛ ni.

Suma 12:13

Ngoi mɛ sa ti kpɛnɛ ĩ hĩnga ya, abi ni ge lɛ sese wɛ ko, lo tonda utɛngɔ zo wali mɛ ndo adú nyi kɔli.

Suma 12:17

Ngɔnzɔ agbɔ̃ sa ti kpɛnɛ gati gati hɛ̃ zo wali ko, la sa ti kpɛnɛ anɔ so tiringɔ to na atanga aale tɛ zo wali ni ko: adu azi zu mɛ ndotɔndɔ ndia tɛ Nzapa, ala mɛ aye bɛta lo mɛ ndo Yezo Kristo afa na azi.

Suma 12:4

Atongolo abombi tɛrɛ la li nɔ ta ta ka lɛ ndozu. Sa ti kpɛnɛ ni amu sã lo, afũ na li nɔ kɔi, asa ge lɛ sese. Sa ni ko alo so gbɛlɛ zo wali mɛ gwa atɛ lo ya, bo na ngoi ko la lo dú ko, ni tɛ nyingambi ni.

Suma 12:7

So pɛni, to ati ka lɛ ndozu. Mikaɛlɛ mɛ gbia tɛ aangelo, na aangelo tɛ lo abombi atiri to na sa ti kpɛnɛ mɛ nga ma ngunde na aangelo tɛ lo.

Suma 12:9

Abi kota sa ti kpɛnɛ gegi. Lo du ngbɔ ti gã mɛ andoili lo ya Zabulu bere Satana. Lo ndohanda azi ti lɛ sese zu. Amu ndo lo na aangelo tɛ lo zu, asa la ge lɛ sese.

Suma 13:1

So pɛni, mbi hũ sa mɛ ndɛ̃ alo ka ya kota ngu asi. Nza li lo sui kɔi, li lo mbara mbara, kpɔtɔ ti gbia alengbi na nza li ni kɔi kɔi zu. Asu siɔ tɛnɛ ti gurungɔ na Nzapa na tɛrɛ nza li lo ni kɔi kɔi zu.

Suma 13:2

Sa mɛ mbi hũ akpa zɛ̃, gɛrɛ lo nga ma gɛrɛ hɔbu, nyɔ lo nga ma nyɔ bamara. Sa ti kpɛnɛ mɛ nga ma ngunde ahɛ̃ nguru tɛ lo nvɛni hɛ̃ sa mɛ alo ka ya kota ngu asi. Sa ti kpɛnɛ ahɛ̃ ngɛndɛ gbia tɛ lo hɛ̃ sa ni ko, ahɛ̃ nga ló gbia tɛ lo hɛ̃ lo.

Suma 13:4

Azi zu avɔrɔ sa ti kpɛnɛ, na lo mɛ ya, lo hɛ̃ nguru tɛ lo hɛ̃ sa mɛ alo ka ya kota ngu asi. Ala vɔrɔ nga sa mɛ alo ka ya kota ngu asi, ala so ndopa ya: “Zo mɛ na nguru alengbi na sa olo na? Zo mɛ alengbi ti tiringɔ lo na to na?”

Suma 15:1

So pɛni, mbi hũ kota kukuna ye ti bemangɔ mɛ ndɛ̃ asi lɔ ka lɛ ndozu: adu aangelo mbara mbara la agbɔ̃nɔ apɛnɔ mbara mbara so ti la. Adu andangba pɛnɔ mɛ azi na hũngɔ, ta sanga ma, adu apɛnɔ mɛ Nzapa na hɛ̃ngɔ hɛ̃ azi, wa lo kɔ na nda ngɔnzɔ tɛ lo.

Suma 16:13

So pɛni, mbi hũ asiɔ tɔrɔ ota mɛ nga ma adale. Kɔi asi ka yanga sa ti kpɛnɛ mɛ nga ma ngunde, kɔi asi nga ka yanga sa mɛ aminya ili lo na tɛrɛ azi, kɔi mɛ ndɛ̃ asi ka yanga wa pangɔ nyɔ Nzapa na nvɛnɛ.

Suma 17:12

“Nza li sa sui kɔi mɛ mɔ hũ ko, adu agbia sui kɔi mɛ ta ala dɛ to nda lɛngɔ gbia tɛ la ma. Ala na luangɔ nguru so lɛngɔ gbia, ko ala na sa ni ko na lɛngɔ gbia bo na ya saa kɔi gɛgɛrɛ.

Suma 17:16

Nza li sa sui kɔi mɛ mɔ hũ ko, adu agbia sui kɔi. Ko bɛ agbia ni ko sui kɔi, nga na bɛ sa ni nvɛni na kɛ̃ngɔ ngbabo ko ka ka ka. Ala na kpatangɔ aye tɛ lo zu, hãnangɔ abɔngɔ tɛrɛ lo, ziangɔ lo ndumbu. Ala na tɛngɔ mi tɛrɛ lo, ko ala na zɔngɔ tanga tɛrɛ lo ka ya wá.

Suma 17:7

La angelo ahũnda mbi ya: “Mɔ bema ya nɛ? Sa ko li lo mbara mbara, nza li lo sui kɔi, la lo yɔ wali ko, mbi na pangɔ hɛ̃ mɔ nda lo tɛ lo, nga na nda lo tɛ zo wali ni. Ta azi ahĩnga lo tɛ la ma.

Suma 19:12

Lɛ lo ndoza nga ma wá mɛ ndoza lau lau. Kpɔtɔ ti gbia ma wo ma na li lo. Asu ili na tɛrɛ lo, ko ta zo kɔi ahĩnga ili ni ma, bo lo nvɛni la lo hĩnga.

Suma 20:2

Lo gbɔ̃ nga sa ti kpɛnɛ mɛ nga ma ngunde. Sa ni ko adu ngbɔ ti gã, adu Zabulu bere Satana. Angelo agbe lo na nzingiri ya, lo ngbã so ya ni buru koto kɔi.