Suma 12:1 - Fana Ngbangɔ 1987

¹ So pɛni mbi hũ ye ti kpɛnɛ asi ka lɛ ndozu: adu zo wali kɔi mɛ amu lá agana na tɛrɛ lo nga ma bɔngɔ. Lo lo na ndo nzɛ̃, lo yu kpɔtɔ ti gbia mɛ atongolo sui kɔi ndoni sɛ tɛrɛ ni.

Suma 12:1 Iomraidhean Croise

Matie 12:38

La ambanga awa hangɔ ndia na ambanga Afarizeo ahũnda Yezo ya: “Wa hangɔ lo tɛ Nzapa, e ye ya, mɔ li hɛ̃ e ye ti kpɛnɛ, e ba.”

Matie 24:30

Ko aye mɛ ndofa lo tɛ mbi Nyi Zo asi gbanda ka lɛ ndozu. Aale ti lɛ sese zu adema gbanda tɛrɛ la, ala hũ gbanda mbi Nyi Zo, na gangɔ na ya da baba na nguru, nga na kota ndima.

Marko 13:25

Atongolo alo gbanda ka lɛ ndozu, asa ge tise, aye ti nguru mɛ ka le ndozu ayingi nga gbanda.

Luka 21:11

Sese ayingi gbanda kpengbani, ko na ndo ndɛ̃ ndɛ̃ ndɛ̃ ko, gwɛ̃ aya gbanda, nga agbɔ̃nɔ nga gbanda azi. Aye mɛ ndosa mbɛtɔ bɛ zo, nga na akukuna ye asi gbanda ka lɛ ndozu.

Luka 21:25

“Akukuna ye asi gbanda ka lɛ lá, ka lɛ nzɛ̃, nga ka lɛ atongolo. Azi ahũ gbanda kota pɛnɔ ge le sese. Bɛ la angbã gbanda ngbũ na lo ti gɔ̃ngɔ ti kota ngu nga na ti mɔpo.

Yoanɛ 3:29

La Yoanɛ ato matɔ hɛ̃ la ya: “Na ngoi yenga ti mungbingɔ ko, kɔ wali na ya lo ndodunga ndoni kɔi, ko fɔ̃ kɔ wali ndolo tɛ lo so tɔ̃nda kɔ wali, so rnangɔ tɛnɛ mɛ kɔ wali ndotɛnɛ. Ko se kɔ wali atɛnɛ tɛnɛ ko, bɛ fɔ̃ lo ade zɔgɔrɔ. Mbi tɛ mbi nga ma fɔ̃ kɔ wali, ko na olo ko, be mbi ade zɔgɔrɔ.

Awa Pangɔ Kwa 2:19

Mbi li gbanda akukuna ye ka lɛ ndozu nga na aye ti kpɛnɛ ge tise. Mɛnɛ tɛrɛ azi asa gbanda, wa aza gbanda, Guru agundu nga gbanda ka lɛ ndozu tuuu.

Roma 13:14

Kanda ale ĩ mu se li ye tɛ Gbia Yezo Kristo. Asiɔ ye mɛ ĩ na gwɛ̃ ti lingɔ ni ya, bɛ ĩ ade ko, ta ĩ li ni ma.

Roma 3:22

Nzapa ndomu azi ya, ala abɛta azi, na lo mɛ ya, ala ye lo tɛ Yezo Kristo. Ko azi zu ko ndoye lo tɛ Yezo Kristo ko, Nzapa ndomu la ya, ala abɛta azi, ta sanga ma, azi zu ka lɛ lo bo kwɛ kɔi.

2 Kɔrinto 11:2

Mbi ndoli sɔbɛrɛ na lo tɛ ĩ, nga ma se mɛ Nzapa ndoli na sɔbɛrɛ na lo tɛ ĩ. Ta sanga ma, ĩ du nga ma mɔsia mɛ mbi gbe lo tɛ lo ya, lo du bo na kɔli kɔi, kɔli ni la Yezo Kristo. Ko mbi ye ya, ĩ du na vuru bɛ, wa gbanda mbi hɛ̃ ĩ nga ma mɔsia mɛ ade li lo ngbɔ̃ hɛ̃ lo.

Galatia 3:27

Ti biani, ĩ zu mɛ ndo ĩ mu batisimɔ, ya ĩ na Yezo Kristo ĩ ti bo kɔi ko, ĩ mu nga du tɛ lo wɛ.

Galatia 4:26

Kanda Yeruzalɛmɛ mɛ ka yayu adu nga ma ta e Sara mɛ bɔrɔ, awa Yeruzalɛmɛ ni ko adu tɛ la abɔrɔ.

Galatia 6:14

Tɛ mbi ko, mbi ye gondangɔ tɛrɛ mbi bo na lo ti kwá mɛ ndo Gbia tɛ e Yezo Kristo akpi ka ndo krusi. Ta mbi ye gondangɔ tɛrɛ mbi na lo ti ye mɛ ndɛ̃ ma. Na lo ti kwá mɛ ndo Yezo Kristo akpi ka ndo krusi ko, mbi ndohũ aye zu mɛ ge le sese ya, akpili nga. Ko mbi nvɛni ko, mbi ti nga ma zo mɛ akpi, azia aye ti lɛ sese.

Efɛzɛ 5:32

Tɛnɛ olo mɛ asu ka ya Buku tɛ Nzapa ko, adu bɛta ngbondo tɛnɛ. Tɛ mbi ko, mbi da bɛ mbi ya, nda ni adu na lo tɛ Yezo Kristo na azi ti Eklezia.

Suma 1:20

Atongolo mbara mbara mɛ mɔ hũ mbi gbɔ̃nɔ na kɔti ti mbi, na gɛrɛ wá mbara mbara mɛ alɛkɛ na wɔrɔ ko, ma nda ni lo mɛ atongolo mbara mbara adu aangelo mɛ ndobata awa Kristo ti Eklezia mbara mbara, gɛrɛ wá mbara mbara adu awa Kristo ti Eklezia ko mbara mbara.”

Suma 11:19

Akangba ko ĩ kai ko, mbi hũ nyɔ kota da Nzapa adu ka yayu azi, ko mbi hũ sandugu kɔi ka ya kota da Nzapa ni. Adu sandugu mɛ andofa ya, Nzapa na azi tɛ lo agbe ngbanga. Bekpa ataima nzɛrrr, nzɛrrr, agbo gbáaa, gbáaa, ngu akini ngbũuu ngbũuu, sese ayingi kpu kpu kpu, ngandangombe asa gbara gbara gbara.

Suma 12:3

Mbi hũ ye ti kpɛnɛ mɛ ndɛ̃ asi ka lɛ ndozu: adu bengba sa ti kpɛnɛ mɛ nga ma ngunde. Li lo mbara mbara, nza li lo sui kɔi, kpɔtɔ ti gbia alengbi na li lo ni mbara mbara zu.

Suma 15:1

So pɛni, mbi hũ kota kukuna ye ti bemangɔ mɛ ndɛ̃ asi lɔ ka lɛ ndozu: adu aangelo mbara mbara la agbɔ̃nɔ apɛnɔ mbara mbara so ti la. Adu andangba pɛnɔ mɛ azi na hũngɔ, ta sanga ma, adu apɛnɔ mɛ Nzapa na hɛ̃ngɔ hɛ̃ azi, wa lo kɔ na nda ngɔnzɔ tɛ lo.

Suma 21:14

Awa gu gɛrɛ gbágbá ni na ndo tɛnɛ sui kɔi ndoni sɛ. Asuru ili awa pangɔ kwa tɛ Nyi Ngasã Ngbaga sui kɔi ndoni sɛ na ndo tɛnɛ ni kɔi kɔi zu.

Suma 21:23

Ta kɔdɔrɔ ni na gwe ti lá bere na gwɛ̃ ti nzẽ, ya asũ da ma. Ta sanga ma, ndima tɛ Nzapa ndosũ na ya kɔdɔrɔ ni, ko Nyi Ngasã Ngbaga ndovuru tɛ lo na ndo.