Suma 11:8 - Fana Ngbangɔ 1987

⁸ Kinda tɛ la na ngbãngɔ so bɛ lege na ya kɔdɔrɔ, na ndo mɛ ndo agɔngɔ na Gbia tɛ la Yezo ndo krusi. Andoili kɔdɔrɔ ni ko na matɔ ya, Sɔdɔmɛ bere Egipito.

Suma 11:8 Iomraidhean Croise

Matie 10:15

Mbi pa hɛ̃ ĩ ti bɛta tɛnɛ ya, na lá ti fangɔ ngbanga gbanda ko, azi ti kɔdɔrɔ ni ko alua gbanda etumbu mɛ aɔ etumbu tɛ azi ti kɔdɔrɔ mɛ ili ni la Sɔdɔmɛ nga na ti Gɔmɔrɔ.”

Awa Pangɔ Kwa 9:4

La lo hã, lo ti, ko lo ma legɔ̃ Gbia so ndoili lo ya: “Saulo, Saulo, nda mɛ mɔ ndohɛ̃ mbi pɛnɔ so nɛ?”

Aebreo 13:12

Nda mɛ ndo amu Yezo so ya kɔdɔrɔ ti Yeruzalɛmɛ asi na lo, aho lo la. Lo kpi ndo ya, ni kpo siɔ ye tɛ azi na mɛnɛ tɛrɛ ni nvɛni.

Aebreo 6:6

Abɛ nga so ko, ala ti diri ndoli siɔ ye. Ko ta kɔdɛ mɛ ya, ati awa la, ko ala gbinya bɛ la da ma. Ye ko la ala li ko, adu nga ma ala ti ndogɔngɔ Nyi Nzapa ka ndo krusi, ko ala ndoguru nga lo na gbɛlɛ azi.

2 Petro 2:6

Azi ti Sɔdɔmɛ na ti Gɔmɔrɔ mɛ ndo ali siɔ ye ko, Nzapa afa ndo ngbanga abi li la. Lo bombi ndo la na kɔdɔrɔ tɛ la zu lo bi wá ndo la, ala gbiri. Lo li ndo nga so, so fangɔ na asiɔ azi ya, se mɛ nga gbanda ni li na la la.

Yudɛ 1:7

Ale ĩ da nga bɛ ĩ na awa kɔdɔrɔ ti Sɔdɔmɛ na ti Gɔmɔrɔ, nga na awa kɔdɔrɔ mɛ ndɛ̃ mɛ so tɔ̃ Sɔdɔmɛ na Gɔmɔrɔ. Ala li ndo asiɔ ye nga ma se mɛ aangelo ko ali na ni, ala hɛ̃ ndo tɛrɛ la so lingɔ asiɔ ye ti kamɛnɛ, nga na asiɔ ye mɛ ta bɛta zo alengbi ti lingɔ ma. Nzapa ahɛ̃ ndo la etumbu na ya wá mɛ ta ndomingɔ bɛ gbɔ ma. Etumbu ko la Nzapa ahɛ̃ la ko, lo tisa azi zu ya, ta ala li nga so ma, so ni hɛ̃ nga la etumbu.

Suma 11:13

Bo na ngoi ni ko la sese ayingi gbu gbu gbu, kɔdɔrɔ akangbi sui kɔi, ko mbanga kɔi agbɛ̃, azi koto mbara mbara akpili na lo ti sese mɛ ayingi. Mbɛtɔ agbɔ̃ ambanga azi sĩ, ko ala so ndogonda Nzapa mɛ ka yayu.

Suma 11:9

Azi ti lɛ sese zu, na ti ale zu, na ti yanga kɔdɔrɔ zu na bangɔ akinda tɛ la na ya bi ta na ndambu. Azi na kɛ̃ngɔ ya, ta ahɔ akinda ni ma.

Suma 14:20

Akuru vinɔ ni na ya ngɔ, ka pɛ kɔdɔrɔ. Na kurungɔ vinɔ ni ko, mɛnɛ la alo ka ya ngɔ asi, amu lɛ sese, alengbi na kilomɛtrɛ ngbangbo ta, gbɛ mɛnɛ ni alengbi na mɛtrɛ nga ma ge tɛ kɔi na ndambu.

Suma 14:8

Angelo ti sɛ aga pɛko angelo ko ti uzu, atɛnɛ tɛnɛ ya: “Babilɔnɛ ati wɛ, Babilɔnɛ mɛ kota kɔdɔrɔ ati wɛ! Asiɔ ye ti kamenɛ tɛ lo mɛ ndo lo ndoli, andogbɔ̃ lo nga ma kana ko, lo ha ndo na azi mɛ ndɛ̃ zu, ala li nga ni!”

Suma 16:19

Ya kota kɔdɔrɔ ti Babilɔnɛ akangbi ota, akɔdɔrɔ ti lɛ sese zu agbɛ̃gbɛ̃. Nzapa ada bɛ lo na Babilɔnɛ mɛ kota kɔdɔrɔ, ko lo mu kangu tɛ lo mɛ na kpengba kana ya ni, lo hɛ̃ azi ti Babilɔnɛ anyɔ. Adu kana ti siɔ ngɔnzɔ tɛ lo.

Suma 17:1

Na popo tɛ aangelo mbara mbara mɛ agbɔ̃nɔ akangu so ti la ko, angelo kɔi aga apa hɛ̃ mbi ya: “Ga, mbi fa mɔ na se mɛ Nzapa na hɛ̃ngɔ na etumbu hɛ̃ ngbabo. Ngbabo ni adu kɔdɔrɔ mɛ adu na ndo mɛ ngu da zababa.

Suma 17:18

“Wa zo wali ko la mɔ hũ lo ko, lo du kota kɔdɔrɔ mɛ ako ndo agbia ti lɛ sese zu.”

Suma 17:5

Asu tɛnɛ mɛ ta zo ahĩnga nda ni ma so ndo lɛ lo. Tɛnɛ ni lo mɛ: “Babilɔnɛ kota kɔdɔrɔ, ta angbabo, ta asiɔ ye ti kamɛnɛ ti lɛ sese.”

Suma 18:10

Ala longa gbanda ka yɔngɔrɔni, na lo ti mbɛtɔ ti pɛnɔ mɛ gbanda awa Babilɔnɛ na hũngɔ, ko ala pa gbanda ya: “Oo vundu ee! Oo vundu ee! Oo Babilɔnɛ mɛ kota kɔdɔrɔ, lo mɛ nga kpengbani ee! Babilɔnɛ agbi bo na ya saa kɔi gɛgɛrɛ oo!”

Suma 18:18

Ko ngoi mɛ ala ĩ hũ guru ti wá mɛ ndogbi Babilɔnɛ ĩ si tuleee tuleee ko, ala dɛrɛ kɔngɔ ya: “Ae, ta kɔdɔrɔ kɔi so lɛ sese mɛ alengbi na kɔdɔrɔ olo da ma!”

Suma 18:2

Lo dɛ kɔngɔ kpengbani ya: “Babilɔnɛ mɛ kota kɔdɔrɔ ati wɛ oo! Babilɔnɛ ati wɛ oo! Babilɔnɛ ati kɔdɔrɔ tɛ azabulu, kɔdɔrɔ mɛ asiɔ tɔrɔ ndɛ̃ ndɛ̃ ndɛ̃ zu ndobere da, kɔdɔrɔ mɛ asiɔ ahũ ndɛ̃ ndɛ̃ ndɛ̃ zu ndodu da, adu ahũ mɛ bɛ azi akɛ̃ la.

Suma 18:21

La angelo mɛ wa nguru amu tɛ́nɛ mɛ nga ma kota tɛ́nɛ ti nangɔ na ye, abi ka ya kota ngu gubuuu. Angelo ni apa ya: “Se mɛ nga gbanda abi na Babilɔnɛ mɛ kota kɔdɔrɔ na nguru, ko ta ati hũ ni bɛ gbɔ ma la.

Suma 18:24

Ahũ mɛnɛ tɛrɛ awa pangɔ nyɔ Nzapa, na tɛ azi tɛ lo, nga na tɛ azi ti le sese zu mɛ ndo akpɔ la so ya kɔdɔrɔ tɛ mɔ. Na lo ni la Nzapa ahɛ̃ etumbu hɛ̃ azi tɛ mɔ.”