Suma 11:7 - Fana Ngbangɔ 1987

⁷ Ngoi ko la ala na kɔngɔ nda pangɔ tɛnɛ tɛ Nzapa ko, sa kɔi na longɔ ka ya du mɛ lipi lipi singɔ, tiringɔ la na to. Sa ni na nwɔngɔ la, kpɔngɔ la.

Suma 11:7 Iomraidhean Croise

Luka 13:32

Yezo agbinya hɛ̃ la ya: “Ĩ nɔ ĩ pa hɛ̃ Erodɛ mɛ baba ta poroso ya: ‘Na lá olo mɛ ko, mbi ndotoma asiɔ tɔrɔ na ya tɛrɛ azi, mbi ndosara ngã na tɛrɛ azi. Ndã ko, mbi li nga bo so, wa mbandasi ko, mbi kɔ nda kwa tɛ mbi.’

Luka 8:31

Asiɔ tɔrɔ ko avɔrɔ ndo tɛrɛ la hɛ̃ Yezo ya, ta lo to ani ka lifɛlo ma.

Yoanɛ 17:4

Mbi fa azi ge lɛ sese na ndima tɛ mɔ. Kwa mɛ mɔ hɛ̃ mbi ya mbi li ko, mbi kɔ nda ni kpɛkɛlɛ.

Yoanɛ 19:30

Ngoi mɛ Yezo ĩ nyɔ kpekpe kana ni wɛ ko, lo pa ya: “Kwa zu awɛ!” So pɛni, lo wo na li lo, lo kpi.

Awa Pangɔ Kwa 20:24

Ko mbi ndohũ tɛ mbi du tɛ mbi ge lɛ mbi gɛgɛre. Kɔtɛ lo mɛ ndosɔ bɛ mbi la, ale mbi nɔ na kwa tɛ mbi ngbĩi mbi kɔ nda ni, ko mbi onzi nga kwa mɛ ndo Gbia ahɛ̃ mbi. Kwa ni la, pangɔ Nzɔ̃ Pa ti nzɔ̃ bɛ tɛ Nzapa.

2 Timɔte 4:7

Mbi tiri nzɔ̃ to na lo kwa tɛ Nzapa we. Ko adu nga ma kpɛ la mbi kpɛ ngbĩi mbi si ka nda ni gbɔ. Ta mbi dɔ lo yengɔ lo tɛ Yezo Kristo mbi zia ma.

Suma 11:3

Lo pa ya, ni na tongɔ atemwɛ tɛ ni osɛ mɛ ayu kunyɛ so fangɔ ya, ani na muã. Ala na mungɔ nzɛ̃ sui siɔ ndoni sɛ so pangɔ tɛnɛ tɛ Nzapa hɛ̃ azi.

Suma 12:17

Ngɔnzɔ agbɔ̃ sa ti kpɛnɛ gati gati hɛ̃ zo wali ko, la sa ti kpɛnɛ anɔ so tiringɔ to na atanga aale tɛ zo wali ni ko: adu azi zu mɛ ndotɔndɔ ndia tɛ Nzapa, ala mɛ aye bɛta lo mɛ ndo Yezo Kristo afa na azi.

Suma 13:11

So pɛni, mbi hũ sa ti sɛ alo ka gbɛ sese asi. Nza li lo sɛ nga ma nza li nyi ngasã ngbaga. Lo ndotɛnɛ tɛnɛ nga ma sa ti kpɛnɛ mɛ nga ma ngunde.

Suma 13:7

Ahɛ̃ nga lo lege ya, lo tiri to na azi tɛ Nzapa, ko lo nwɔ nga la. Ahɛ̃ lo nguru ti lɛngɔ gbia na ndo azi ti ale zu, ti sese zu, nga na ti yanga kɔdɔrɔ zu.