Suma 11:3 - Fana Ngbangɔ 1987

³ Lo pa ya, ni na tongɔ atemwɛ tɛ ni osɛ mɛ ayu kunyɛ so fangɔ ya, ani na muã. Ala na mungɔ nzɛ̃ sui siɔ ndoni sɛ so pangɔ tɛnɛ tɛ Nzapa hɛ̃ azi.

Suma 11:3 Iomraidhean Croise

Matie 11:21

“Ĩ awa kɔdɔrɔ ti Kɔrazɛnɛ, siɔ lo ati na ĩ! Ĩ awa kɔdɔrɔ ti Bɛtɛsaida, siɔ lo ati na ĩ! Ta sanga ma, aye ti kpɛnɛ mɛ ndo mbi li so tɛ ĩ, se adu ya, mbi li ndo ni ka tɛ azi ti kɔdɔrɔ ti Tirɛ nga na ti Sidona ko, ale ala yu kunyɛ, ahĩni tɛrɛ la na mbi wá, so fangɔ ya, ani gbinya bɛ ani wɛ.

Matie 18:16

Se lo kɛ̃ mangɔ mɔ ko, mu zo kɔi, bere azi mɛ ndɛ̃ osɛ, nga ma se mɛ Buku tɛ Nzapa apa na ni ya: ‘Tɛnɛ tɛ azi osɛ bere ota la alengbi ti fangɔ ngbanga ti alo zu.’

Luka 10:13

“Ĩ awa kɔdɔrɔ ti Kɔrazɛnɛ, siɔ lo ati na ĩ! Ĩ awa kɔdɔrɔ ti Bɛtɛsaida, siɔ lo ati nga na ĩ! Ta sanga ma, aye ti kpɛnɛ mɛ ndo mbi li so tɛ ĩ, se adu ya, mbi li ndo ni ka tɛ azi ti kɔdɔrɔ ti Tirɛ, nga ka tɛ azi ti kɔdɔrɔ ti Sidona ko, ale ala du ndo tise gã, ayu kunyɛ, ahĩni tɛrɛ la na mbi wá so fangɔ ya, ani gbinya bɛ ani wɛ.

Luka 24:48

Ĩ du atemwɛ ti tɛnɛ ni.

Yoanɛ 15:27

Ko ĩ nga na dungɔ atemwɛ tɛ mbi, na lo mɛ ya, na tongɔ nda kwa tɛ mbi ko, e na ĩ bo ndoni kɔi.”

Yoanɛ 3:27

Yoanɛ apa hɛ̃ la ya: “Se ta Nzapa ahɛ̃ zo ye ma ko, ta zo alengbi ti luangɔ ni ma.

Awa Pangɔ Kwa 1:8

Kanda ngoi mɛ Tɔrɔ Santo na zungɔ ndo ĩ ko, ĩ na luangɔ nguru. Ĩ na dungɔ atemwɛ ti pangɔ tɛnɛ tɛ mbi so Yeruzalɛmɛ, ka lɛ sese ti Yudea zu, na ti Samaria zu, nga ka nda sese gbɔ.”

Awa Pangɔ Kwa 13:31

Na pɛ bi gba ko, Yezo afa ndo tɛrɛ lo na azi mɛ ndo lo na la ndoɔ ndoni kɔi, na ngoi mɛ ndo ala lo ka Galilea so gwengɔ ka Yeruzalɛmɛ. Na olo ko, azi ni adu atemwɛ ti pangɔ lo tɛ lo hɛ̃ awa Izrayɛlɛ.

Awa Pangɔ Kwa 2:32

Petro apa nga ya: “Yezo mɛ mbi ndopa lo tɛ lo hɛ̃ ĩ ko, Nzapa aso ndo lo na pɛ kwá, ko e hũ nga ndo lo na le e nvɛni.

Awa Pangɔ Kwa 3:15

Ĩ ho ndo Gbia mɛ ndohɛ̃ azi bɛta du. Kanda Nzapa aso ndo lo na pɛ kwá, ko e hũ lo na lɛ e nvɛni.

1 Kɔrinto 12:28

Se mɛ nga Nzapa akpa azi na lɛ kwa ndɛ̃ ndɛ̃ ndɛ̃ ka ya Eklezia la. Ti kɔzoni, lo kpã awa pangɔ kwa tɛ Yezo. Ti sɛ, lo kpã awa pangɔ nyɔ Nzapa. Ti ta, lo kpã nga awa hangɔ tɛnɛ tɛ lo. So pɛni, lo kpã azi mɛ na nguru ti lingɔ ye ti kpɛnɛ, na ala mɛ na nguru ti sarangɔ awa ngã, na ala mɛ na nguru ti zangɔ afɔ̃ la, na ala mɛ na nguru ti lɛngɔ gbia ndo afɔ̃ la, nga na ala mɛ na nguru ti pangɔ tɛnɛ na yanga mɛ ta ala hĩnga ma.

2 Kɔrinto 13:1

Mbi na gangɔ ka tɛ ĩ ti fani ota. Ko e na fangɔ ngbanga tɛ azi na se mɛ asu na ni ka ya Buku tɛ Nzapa ya: “Se zo avɔ̃ to tɛrɛ fɔ̃ lo ko, ale atemwɛ adu osɛ bere ota, ko ala tɛnɛ bo tɛnɛ kɔi, wadila afa ngbanga ti tɛnɛ ni.”

Efɛzɛ 4:11

Lo ndo la lo hɛ̃ azi nguru kwa ndɛ̃ ndɛ̃ ndɛ̃. Lo hɛ̃ ambanga nguru kwa ti pangɔ kwa tɛ lo, lo hɛ̃ ambanga nguru kwa ti pangɔ nyɔ Nzapa, lo hɛ̃ ambanga nguru kwa ti pangɔ Nzɔ̃ Pa, lo hɛ̃ nga ambanga mɛ ndɛ̃ nguru kwa ti batangɔ awa Kristo, ko awa batangɔ awa Kristo ni la ndoha lo tɛ Nzapa.

Suma 1:5

Yezo Kristo lo bɛta temwɛ tɛ Nzapa, lo kɔzo zo mɛ ndo lo so na pɛ kwa, lo nga Gbia tɛ agbia ti le sese. Lo li bɛ nga nzɔ̃ bɛ hɛ̃ ĩ, lo li bɛ nga ya, bɛ ĩ adu pii ma ke! Bɛ lo aye e, lo kpi ndo so hãngɔ siɔ ye tɛ e zingɔ.

Suma 11:2

Wa ta mbi ha ya gbágbá ni ma, mbi zia ni. Ta sanga ma, ahɛ̃ ni hɛ̃ apaganɔ. Ala na mungɔ nzɛ̃ sui siɔ ndoni sɛ, dɔrɔngɔ gbágbá ni na gɛrɛ la.

Suma 11:6

Na ya bi mɛ ala ndopa na tɛnɛ tɛ Nzapa ko, ala na nguru ti gbanzingɔ lɛ ndozu ya, ta ngu ani ma. Ala nga na nguru ti gbinyangbingɔ ngu ya ati mɛnɛ. Ala nga na nguru ti hɛ̃ngɔ lɛ apɛnɔ ndɛ̃ ndɛ̃ ndɛ̃ hɛ̃ azi ti lɛ sese, ko ala na lingɔ ni fani sĩni, nga ma se mɛ bɛ la aye.

Suma 12:6

So pɛni, zo wali ko akpɛ, agwe ka bɛ ndo, ka ndo mɛ Nzapa alɛkɛ hɛ̃ lo ya lo du kai, wa ni kã lo na tɛ na ya nzɛ̃ sui siɔ ndoni sɛ.

Suma 13:5

Ahɛ̃ lege hɛ̃ sa ni ya, lo tɛnɛ tɛnɛ ti baba, lo guru nga Nzapa. Ahɛ̃ lo lege ya, lo li ye na se bɛ lo na ya nzɛ̃ sui siɔ ndoni se.

Suma 19:10

Lo ĩ tɛnɛ so ko, mbi kuku gbɛlɛ lo ya mbi vɔrɔ lo, lo pa nga hɛ̃ mbi ya, ta mbi vɔrɔ ni ma. Ni nga wa kwa tɛ Nzapa nga ma mbi na afɔ̃ mbi mɛ ndo abata bɛta tɛnɛ mɛ ndo Yezo afa na la. Lo pa nga hɛ̃ mbi ya, ale mbi vɔrɔ bo Nzapa. Bɛta tɛnɛ mɛ ndo Yezo afa na azi ko, bɛta tɛnɛ ni ahɛ̃ nguru hɛ̃ awa pangɔ nyɔ Nzapa, la ala ndopa ni.

Suma 20:4

So pɛni, mbi hũ nga angɛndɛ gbia na azi so ndo ni dunga. Nzapa ahɛ̃ azi ni ko nguru ya, ala fa ngbanga tɛ azi. Mbi hũ nga atɔrɔ tɛrɛ azi mɛ ndo afara gɔ̃ la, na lo mɛ ya, ala pa ndo tɛnɛ tɛ Nzapa, apa nga bɛta tɛnɛ mɛ Yezo afa na la. Ta ala vɔrɔ ndo sa ni, bere ngbilondo tɛ sa ni ma. Ta asu ndo ili sa ni na ndo lɛ la, bere na ndo ti la ma. Ala so na pɛ kwá, ko ala na Yezo Kristo ale gbia buru koto kɔi.