Suma 11:2 - Fana Ngbangɔ 1987

² Wa ta mbi ha ya gbágbá ni ma, mbi zia ni. Ta sanga ma, ahɛ̃ ni hɛ̃ apaganɔ. Ala na mungɔ nzɛ̃ sui siɔ ndoni sɛ, dɔrɔngɔ gbágbá ni na gɛrɛ la.

Suma 11:2 Iomraidhean Croise

Matie 27:53

Ala lo ka ya du sɛndɛ asi, ko na ngoi mɛ Yezo ĩ so na pɛ kwá ko, ala gwe ka Yeruzalɛmɛ, ko azi ma wo ma ahũ ndo la.

Matie 4:5

La Satana amu lo, agwe na lo ka Yeruzalɛmɛ, kɔdɔrɔ mɛ Santo, akpã lo ka bɛ li kota da Nzapa,

Matie 5:13

“Ĩ la ĩ du nga ma hĩngɔ tɛ azi ti lɛ sese, kanda se sɔngɔ ti hĩngɔ awɛ ko, ta kɔdɛ mɛ ya, hĩngɔ ni ati sɔ da ma. Ta hĩngɔ ni ti dɛ na kwa kɔi ma. Alengbi bo ti sangɔ ni gegi, ko azi adɔ nɔ ti ndo ni aɔ.

Luka 21:24

Akpɔ gbanda ambanga na zabe, agbɔ̃nɔ gbanda ambanga agwe na la, ko ala ti ambɛ ka kɔdɔrɔ tɛ azi ti lɛ sese zu. Apaganɔ ako gbanda ndo awa Yeruzalɛmɛ ngbĩi nga ka bi mɛ Nzapa ako hɛ̃ la alengbi.”

Aebreo 10:29

Singa na zo mɛ se lo kɛ̃ tɔndɔngɔ ndia tɛ Mɔizɛ ko, ahɛ̃ lo etumbu, o singa na zo mɛ akɛ̃ nyɔ Nyi Nzapa ma! Se mɔ zo mɔ samana na Nyi Nzapa, mɔ samana nga na mɛnɛ tɛrɛ lo mɛ akpo asiɔ ye tɛ mɔ azi ko, etumbu tɛ mɔ asɔ gbanda sĩ nvɛni. Se mɔ zo mɔ guru nga Tɔrɔ Santo mɛ ndofa mɔ na se mɛ Nzapa ndoli na nzɔ̃ bɛ hɛ̃ mɔ ko, etumbu tɛ mɔ asɔ nga gbanda sĩ nvɛni!

Suma 11:11

Ĩ la so pɛ kwá tɛ la bi ta na ndambu ko, Nzapa aulu mbo tɛ lo, ali na ya tɛrɛ la, ala so, ko mbɛtɔ agbɔ̃ azi zu mɛ ahũ la.

Suma 11:3

Lo pa ya, ni na tongɔ atemwɛ tɛ ni osɛ mɛ ayu kunyɛ so fangɔ ya, ani na muã. Ala na mungɔ nzɛ̃ sui siɔ ndoni sɛ so pangɔ tɛnɛ tɛ Nzapa hɛ̃ azi.

Suma 12:6

So pɛni, zo wali ko akpɛ, agwe ka bɛ ndo, ka ndo mɛ Nzapa alɛkɛ hɛ̃ lo ya lo du kai, wa ni kã lo na tɛ na ya nzɛ̃ sui siɔ ndoni sɛ.

Suma 21:10

Tɔrɔ Santo asa tɛrɛ mbi, la angelo ayɔ mbi, anɔ na ni ka bɛ li hɔtɔ mɛ ganguruni. Lo fa mbi na Yeruzalɛmɛ, bɛta kɔdɔrɔ mɛ alo ka ndozu ka tɛ Nzapa, la azu ge tise.

Suma 21:2

Mbi hũ kɔdɔrɔ tɛ Nzapa, adu fana Yeruzalɛmɛ mɛ alo ka tɛ Nzapa ka ndozu, azu ge tise. Nzapa alɛkɛ kɔdɔrɔ ni nzɔ̃ni, nga ma wali mɛ afua tɛrɛ lo so gwengɔ ka tɛ kɔ lo.

Suma 22:19

Wa se zo ahã mbanga tɛnɛ ni azi ko, Nzapa agbanzi nga gbanda lo na lingɔ ka Kɔdɔrɔ Santo tɛ lo, ta lo tɛ gbanda le kɛkɛ mɛ ndohɛ̃ zo bɛta du ma. Adu tɛnɛ ti le kɛkɛ, na tɛnɛ ti Kɔdɔrɔ mɛ mbi su na ya buku olo.