Suma 11:11 - Fana Ngbangɔ 1987

¹¹ Ĩ la so pɛ kwá tɛ la bi ta na ndambu ko, Nzapa aulu mbo tɛ lo, ali na ya tɛrɛ la, ala so, ko mbɛtɔ agbɔ̃ azi zu mɛ ahũ la.

Suma 11:11 Iomraidhean Croise

Awa Pangɔ Kwa 5:11

Kota mbɛtɔ agbɔ̃ ndo azi ti Eklezia zu, na azi zu mɛ ndo ama pa ni.

Awa Pangɔ Kwa 5:5

Ananiasi ĩ ma so ko, lo ti, lo kpi. Kota mbɛtɔ agbɔ̃ ndo azi zu mɛ ama pa ni.

Roma 8:11

Se Tɔrɔ Santo tɛ Nzapa mɛ ndo aso Yezo Kristo na pɛ kwa adu na ya tɛrɛ ĩ, wa Nzapa aso nga gbanda tɛrɛ ĩ na pɛ kwa. Lo li gbanda so na nguru tɛ Tɔrɔ Santo tɛ lo mɛ na ya tɛrɛ ĩ.

Roma 8:2

Ta sanga ma, nguru tɛ Tɔrɔ Santo mɛ ndohɛ̃ zo bɛta du ti ndo Yezo Kristo ahã mbi na ya siɔ ye, ahã nga mbi na ya kwá, abi bɔrɔ tɛrɛ mbi.

Suma 11:13

Bo na ngoi ni ko la sese ayingi gbu gbu gbu, kɔdɔrɔ akangbi sui kɔi, ko mbanga kɔi agbɛ̃, azi koto mbara mbara akpili na lo ti sese mɛ ayingi. Mbɛtɔ agbɔ̃ ambanga azi sĩ, ko ala so ndogonda Nzapa mɛ ka yayu.

Suma 11:9

Azi ti lɛ sese zu, na ti ale zu, na ti yanga kɔdɔrɔ zu na bangɔ akinda tɛ la na ya bi ta na ndambu. Azi na kɛ̃ngɔ ya, ta ahɔ akinda ni ma.