Suma 11:1 - Fana Ngbangɔ 1987

¹ So pɛni, amu kɛkɛ mɛ nga ma mɛtrɛ ti hangɔ na ye, ahɛ̃ mbi. Apa hɛ̃ mbi ya, mbi lo, mbi mu mɛtrɛ ni, mbi nɔ mbi ha na kota da Nzapa, mbi ha nga na mɛsa ti lungɔ Nzapa na ye, ko mbi dikɔ nga azi mɛ ndovɔrɔ Nzapa ka ya da ni.

Suma 11:1 Iomraidhean Croise

2 Kɔrinto 6:16

Ta alengbi ti kpãngɔ angbilondo ka ya da Nzapa ma! Ko e du nga ma da tɛ Nzapa mɛ lɛ lo ngɛ̃, nga ma se mɛ Nzapa nvɛni apa na lo tɛ azi tɛ lo ya: “Mbi na dungɔ na popo tɛ la, Mbi na dungɔ Nzapa tɛ la, Ko ala na dungɔ azi tɛ mbi.”

1 Petro 2:5

Ĩ mɛ ĩ lua bɛta du, ĩ nga ĩ du nga ma atɛnɛ ko, ĩ i tɛrɛ ĩ ka tɔ̃nda Nzapa, wa lo mu ĩ, lo wa na da mɛ Tɔrɔ Santo ndodu da. Lo nga na kpãngɔ ĩ ka ya da ni ya, ĩ du abɛta awa lungɔ Nzapa na ye, ko ĩ lu lo na aye na bɛ ĩ kɔi ti ndo Yezo Kristo, wadila aye ni ko adɛ bɛ lo.

1 Petro 2:9

Kanda tɛ ĩ ko, ĩ du ale mɛ Nzapa asara ĩ akpã na lo tɛ lo, ĩ du awa lungɔ Gbia Nzapa na ye, ĩ abɛta azi tɛ Nzapa. Nzapa aili ĩ ya, ĩ lo ka ya mbingo ĩ si, í du na ya vuru ndo mɛ ngbɛ̃. Lo sara ĩ lo kpã ya, ĩ pa lo ti akwa ti ndima tɛ ni hɛ̃ azi.

Suma 10:11

La apa hɛ̃ mbi ya, tɛnɛ tɛ Nzapa mɛ adu na lo tɛ ale tɛ azi gba, azi mɛ ndotɛnɛ yanga ndɛ̃ ndɛ̃ ndɛ̃, nga na lo tɛ agbia ko, ale mbi ti pa ni hɛ̃ azi.

Suma 21:15

Angelo mɛ ndotɛnɛ tɛnɛ hɛ̃ mbi agbɔ̃ kɛkɛ mɛ alɛkɛ na wɔrɔ so ti lo. Adu kɛkɛ mɛ andoha na ye. Lo nɔ so hangɔ na fana kɔdɔrɔ ti Yeruzalɛmɛ, hangɔ anyɔ ngise ni, nga na gbágbá ni.