Suma 10:6 - Fana Ngbangɔ 1987

⁶ anyɔ ngɛ na ili Nzapa mɛ ndodu lɛ lo ngɛ̃ buru na buru, wa lingɔ ndozu na ye zu mɛ ka lɛ ni, wa lingɔ sese na ye zu mɛ ka lɛ ni, wa lingɔ nga kota ngu na aye zu mɛ ka ya ni. Angelo ni apa ya: “Ló na singɔ bo lo mɛ.

Suma 10:6 Iomraidhean Croise

Suma 1:18

Mbi lɛ mbi ngɛ̃. Mbi kpi ndo, kanda na olo ko, mbi so, ko mbi na dungɔ lɛ mbi ngɛ̃ buru na buru. Mbi Gbia ti ndo kwá, mbi nga Gbia ti ndo mɛ awa kwáni ndodu da.

Suma 12:12

Na lo ni ko, ĩ azi mɛ ka yayu, ĩ saba! Kanda kota siɔ lo ati na ĩ azi ti lɛ sese! Kota siɔ lo ati nga na aye ti ya ngu, na lo mɛ ya, Satana azu ka tɛ ĩ ka lɛ sese. Ngɔnzɔ agbɔ̃ lo sĩ, ta sanga ma, lo hĩnga ya, ngoi tɛ ni angbã bo yakere.”

Suma 16:17

Angelo ti mbara mbara amu kangu tɛ lo mɛ ngɔnzɔ tɛ Nzapa ya ni, asa ka lɛ mbo. La mbi ma legɔ̃ zo atɛnɛ tɛnɛ na kɔngɔ ka ya kota da Nzapa. Legɔ̃ zo ni alo ka ndo ngɛndɛ gbia mɛ Nzapa adu da, zo ni apa ya: “Awɛ!”

Suma 21:6

Lo ti pa nga ya: “Awe! Mbi wa li ni, mbi nga wa nda ni, mbi wa tongɔ nda aye zu, mbi nga wa kɔngɔ nda aye zu. Zo ko gwɛ̃ ngu agbɔ̃ lo ko, mbi hɛ̃ lo ngu gɛgɛrɛ, lo nyɔ. Ngu ti li ngu mɛ ndohɛ̃ zo bɛta du.

Suma 4:10

Wa na ngoi ko la asa ko ndoli nga so ko, akangba ko sui sɛ ndoni siɔ so ndokuku gbɛlɛ Zo mɛ adu so ndo ngɛndɛ gbia, Zo mɛ ndodu lɛ lo ngɛ̃ buru na buru. Ala so ndovɔrɔ lo, so ndohãna akpɔtɔ tɛ la ti gbia, so ndosa so gbɛlɛ ngɛndɛ gbia tɛ lo, so ndopa ya:

Suma 4:11

“Oo Gbia Nzapa tɛ e, Azi alengbi ti gondangɔ mɔ, tɔndɔngɔ mɔ. Ala lengbi nga ti yengɔ ya, mɔ lombe. Ta sanga ma, mɔ li ye kwɛ zu. Mɔ ndo la mɔ ye ya, aye ni ko adu dazu, Nda mɛ mɔ li ni la.”

Suma 4:9

Asa ko siɔ ndoye bia so gondangɔ, tɔndɔngɔ, hɛ̃ngɔ nga sia kɔli hɛ̃ Zo mɛ adu na ndo ngɛndɛ gbia, Zo mɛ ndodu lɛ lo ngɛ̃ buru na buru.

Suma 6:11

Ahɛ̃ zo kɔi kɔi na popo tɛ la mbufu bɔngɔ, apa hɛ̃ la ya: “Ĩ wɔ tɛrɛ ĩ yakere, na lo mɛ ya, ta ĩ dɛ ĩ lengbi zu ma. Ambanga afɔ̃ ĩ mɛ ndoli kwa hɛ̃ Nzapa ade ka lɛ sese. Ale aho la nga ma se mɛ aho na ĩ hĩ, wadila Nzapa afa ngbanga tɛ azi ko la akpɔ ĩ na afɔ̃ ĩ ni.”