Suma 1:9 - Fana Ngbangɔ 1987

⁹ Mbi Yoanɛ nyita ĩ, mbi mɛ mbi na ĩ, nga na Yezo Kristo e ti bo kɔi ko, mbi ndohũ pɛnɔ mɛ ĩ ndohũ nga. Mbi na ĩ e ndogbe be e na ya pɛnɔ ni. Mbi na ĩ e du azi ti Kɔdɔrɔ Gbia tɛ lo. Agbɔ̃ ndo mbi ato ka ya zúa ti Patimɔsi, na lo mɛ ya, mbi pa tɛnɛ tɛ Nzapa mɛ Yezo Kristo temwɛ ni.

Suma 1:9 Iomraidhean Croise

Matie 20:23

Yezo apa hɛ̃ la ya: “Biani, ĩ na hũngɔ ni. Kanda adu lo ti dungɔ na ndo kɔti ti mbi, nga na dungɔ na ndo ti mbi ti ga ko, ta mbi la mbi lengbi ti fangɔ azi mɛ gbanda adu na ndo ni ko ma. Ndo ni ko adu na lo tɛ azi mɛ To mbi alɛkɛ ni hɛ̃ la.”

Marko 10:39

Ala gbinya hɛ̃ lo ya: “E lengbi na ni zu.” La Yezo apa hɛ̃ la ya: “Biani, ĩ na hũngɔ pɛnɔ mɛ mbi na hũngɔ, ĩ nga na mungɔ batisimɔ ti pɛnɔ mɛ mbi na mungɔ.

Yoanɛ 16:33

Mbi pa tɛnɛ olo kwe zu hɛ̃ ĩ ya, ĩ ma, ko ĩ du nga ndoni kɔi na mbi, wadila bɛ ĩ adu pii. Ĩ na hũngɔ penɔ ge lɛ sese. Kanda ale ĩ gbe bɛ ĩ! Ĩ hĩnga ya, mbi nwɔ asiɔ ye ti lɛ sese wɛ.”

Awa Pangɔ Kwa 1:15

Mbanga lá kɔi, awa yengɔ lo tɛ Yezo abombi tɛrɛ la ndoni kɔi. Ala ndo kwɛ zu nga ma ngbangbo kɔi ndoni sui sɛ. La Petro alo ndozu so popo tɛ la, apa hɛ̃ la ya:

Awa Pangɔ Kwa 14:22

Ala sa ndo nguru bɛ awa Kristo, awa la ya, ala kpã bɛ la ngoi zu ndo Yezo. Polo na Barnabasi apa ndo hɛ̃ la ya: “Ale e hũ pɛnɔ sĩ, wa e si ka Kɔdɔrɔ Gbia tɛ Nzapa.”

Roma 8:17

E aya lo, na lo ni ko, e lua nga gbanda anzɔ̃ ye mɛ lo bata hɛ̃ azi tɛ lo. E na Yezo Kristo gbanda la e lua anzɔ̃ ye ni, ta sanga ma, oko la e ndohũ pɛnɔ ndoni kɔi na lo ko, e lua nga gbanda ndima ndoni kɔi ka tɛ Nzapa.

Roma 8:25

Kanda se e lɛndɛrɛ ye mɛ ta e dɛ e hũ ma ko, e ku ni na yɔngɔrɔ bɛ.

2 Kɔrinto 1:7

E hĩnga nzɔ̃ni ya, ĩ na ngbãngɔ na lege ti songɔ kwá. E hĩnga nga ya, Nzapa ndosa nguru bɛ ĩ, nga ma se mɛ lo ndosa nguru bɛ e, na lo mɛ ya, ĩ ndohũ pɛnɔ nga ma se mɛ e ndohũ nga na pɛnɔ.

Filipɛ 1:7

Adu na seni ya, mbi da bɛ mbi na ĩ zu nga so, na lo mɛ ya, mbi ndoye ĩ sĩ nvɛni. Ta sanga ma, Nzapa ali nga hɛ̃ ĩ zu nzɔ̃ bɛ mɛ ndo lo li hɛ̃ mbi. Lo li ndo ni na ngoi mɛ ndo mbi tɔndɔ na nda lo ti Nzɔ̃ Pa ka gbɛlɛ awa fangɔ ngbanga. Na ngoi ni ndo ko, mbi wa ndo nga la ya, ala ye lo ti Nzɔ̃ Pa ni na bɛ la kɔi. Ko lo li nga nzɔ̃ bɛ ni na ngoi olo mɛ mbi ge ya bɔlɔkɔ.

Filipɛ 4:14

Ko ĩ li ndo nzɔ̃ni la ĩ za mbi na ya pɛnɔ mɛ mbi hũ.

2 Tɛsalɔnikɛ 3:5

Gbia Nzapa aza bɛ ĩ ya, ĩ hĩnga ya, lo ndoye e sĩ ma ke! Lo za bɛ nga ĩ ya, ĩ gbe be ĩ na ya apɛnɔ mɛ ĩ ndohũ, nga ma se mɛ ndo Yezo Kristo agbe na bɛ lo ma ke!

2 Timɔte 1:8

Wa ale ta kamɛnɛ agbɔ̃ mɔ na ngoi mɛ mɔ ndopa lo tɛ Gbia tɛ e Yezo ma, ta kamɛnɛ agbɔ̃ nga mɔ na lo tɛ mbi mɛ mbi li bɔlɔkɔ na lo tɛ lo ma. Kanda ale mɔ hũ pɛnɔ na lo ti Nzɔ̃ Pa nga ma mbi, ko mɔ gbe bɛ mɔ na nguru mɛ Nzapa ahɛ̃ mɔ.

Aebreo 10:36

Ko ale ĩ du na yɔngɔrɔ bɛ ya, ĩ li ye mɛ bɛ Nzapa aye, wadila ĩ lua ye mɛ lo ko kapa ni hɛ̃ ĩ.

1 Petro 5:1

Na olo mɛ ko, mbi na tɛnɛ ti tɛngɔ hɛ̃ akangba ti Eklezia mɛ so popo tɛ ĩ. Mbi nga kangba ti Eklezia. Ngoi mɛ ndo andohɛ̃ Yezo Kristo pɛnɔ ko, mbi hũ ndo na lɛ mbi. Ko mbi lua nga gbanda ndima mɛ Nzapa na fangɔ na azi. Ĩ ma tɛnɛ mɛ mbi separa wangɔ na akangba ti Eklezia lo mɛ:

Suma 1:1

Buku olo ndopa lo ti aye mɛ ndo Yezo Kristo afa na Yoanɛ na ya suma. Nzapa afa na Yezo ya, lo fa awa kwa tɛ ni na aye mɛ na singɔ bo lo mɛ. La Yezo ato angelo tɛ lo ya, lo nɔ ka tɛ wa kwa tɛ ni Yoanɛ, lo fa lo na aye ni ko.

Suma 1:2

Yoanɛ akambisa lo ti aye zu mɛ lo hũ na le lo. Lo pa ya, aye ni adu tɛnɛ tɛ Nzapa biani, ko Yezo Kristo la temwɛ ni.

Suma 1:4

Mbi Yoanɛ la mbi su mbɛti olo mbi to hɛ̃ awa Kristo ti Eklezia mbara mbara mɛ ka sese ti Azia. Mbi bala ĩ! Nzapa ndo da gã, lo da na olo, lo nga na gangɔ. Wa lo li bɛ hɛ̃ ĩ nzɔ̃ bɛ ma ke! Lo li bɛ nga ya, bɛ ĩ adu pii ma ke! Atɔrɔ tɛ lo mbara mbara mɛ ndolonga so gbɛlɛ ngɛndɛ gbia tɛ lo ali bɛ nzɔ̃ bɛ hɛ̃ ĩ ma ke! Ala li bɛ nga ya, bɛ ĩ adu pii ma ke!

Suma 1:6

Lo li nga ya, e ti awa lungɔ To ni Nzapa na ye, ko ni du Gbia tɛ e. Yezo Kristo adu bɛ na ndima nga na nguru buru na buru ma ke! Seni la.

Suma 11:7

Ngoi ko la ala na kɔngɔ nda pangɔ tɛnɛ tɛ Nzapa ko, sa kɔi na longɔ ka ya du mɛ lipi lipi singɔ, tiringɔ la na to. Sa ni na nwɔngɔ la, kpɔngɔ la.

Suma 12:11

Ayata e anwɔ ndo lo, na lo mɛ ya, Nyi Ngasã Ngbaga atɔ̃ ndo la na mɛnɛ tɛrɛ lo. Ala nwɔ nga ndo lo na lo ti bɛta tɛnɛ tɛ Nzapa mɛ ndo ala ndopa hɛ̃ azi. Ala ka ndo tɛrɛ la, ala kpili nga.

Suma 12:17

Ngɔnzɔ agbɔ̃ sa ti kpɛnɛ gati gati hɛ̃ zo wali ko, la sa ti kpɛnɛ anɔ so tiringɔ to na atanga aale tɛ zo wali ni ko: adu azi zu mɛ ndotɔndɔ ndia tɛ Nzapa, ala mɛ aye bɛta lo mɛ ndo Yezo Kristo afa na azi.

Suma 13:10

Zo ko la Nzapa anɛ ya, abi gbanda lo bɔlɔkɔ ko, abi nga bo gbanda lo bɔlɔkɔ biani. Zo ko la Nzapa anɛ ya, aho gbanda lo na zabe ko, aho nga bo lo na zabe. Ĩ ba nda mɛ ale azi tɛ Nzapa ndogbe bɛ la, ko ala ngba bo na yengɔ lo tɛ Nzapa la.”

Suma 14:12

Ĩ ba nda mɛ ale azi tɛ Nzapa mɛ ndotɔndɔ ndia tɛ lo, ndoye nga lo tɛ Yezo na bɛ la kɔi, alengbi ti gbengɔ bɛ la na ya pɛnɔ mɛ ala ndohũ la.

Suma 19:10

Lo ĩ tɛnɛ so ko, mbi kuku gbɛlɛ lo ya mbi vɔrɔ lo, lo pa nga hɛ̃ mbi ya, ta mbi vɔrɔ ni ma. Ni nga wa kwa tɛ Nzapa nga ma mbi na afɔ̃ mbi mɛ ndo abata bɛta tɛnɛ mɛ ndo Yezo afa na la. Lo pa nga hɛ̃ mbi ya, ale mbi vɔrɔ bo Nzapa. Bɛta tɛnɛ mɛ ndo Yezo afa na azi ko, bɛta tɛnɛ ni ahɛ̃ nguru hɛ̃ awa pangɔ nyɔ Nzapa, la ala ndopa ni.

Suma 20:4

So pɛni, mbi hũ nga angɛndɛ gbia na azi so ndo ni dunga. Nzapa ahɛ̃ azi ni ko nguru ya, ala fa ngbanga tɛ azi. Mbi hũ nga atɔrɔ tɛrɛ azi mɛ ndo afara gɔ̃ la, na lo mɛ ya, ala pa ndo tɛnɛ tɛ Nzapa, apa nga bɛta tɛnɛ mɛ Yezo afa na la. Ta ala vɔrɔ ndo sa ni, bere ngbilondo tɛ sa ni ma. Ta asu ndo ili sa ni na ndo lɛ la, bere na ndo ti la ma. Ala so na pɛ kwá, ko ala na Yezo Kristo ale gbia buru koto kɔi.

Suma 3:10

Wa oko la ĩ ma ndo nyɔ mɛ ni hɛ̃ ya, ĩ gbe bɛ ĩ na ya apɛnɔ, la ĩ gbe be ĩ ko, ni na batangɔ ĩ na ngoi mɛ gbanda apɛnɔ ati ndo azi ti lɛ sese zu so tarangɔ bɛ la.

Suma 6:9

Nyi Ngasã Ngbaga akongbi ndã ti kɔ̃ mɛ aminya na nyɔ buku. Mbi hũ atɔrɔ tɛrɛ azi mɛ ndo akpɔ la ge lɛ sese, ala dunga so gbe mɛsa ti lungɔ Nzapa na ye. Akpɔ ndo la, na lo mɛ ya, ala pa ndo tɛnɛ tɛ Nzapa hɛ̃ azi, ala ye ndo nga ya, tenɛ tɛ Nzapa adu biani.

Suma 7:14

Mbi gbinya hɛ̃ lo ya: “Gbia, ta mbi hĩnga la ma, mɔ la mɔ hĩnga la.” La lo pa hɛ̃ mbi ya: “Adu azi mɛ ndo ahũ pɛnɔ ma wo ma. La ala kpokpo abɔngɔ tɛ la, ado na mɛnɛ tɛrɛ Nyi Ngasã Ngbaga, la abɔngɔ ni avuru ati nga ma tɛrɛ nyange.