Suma 1:8 - Fana Ngbangɔ 1987

⁸ Gbia Nzapa mɛ Lombe, lo ndo da, lo da na olo, lo nga na gangɔ, lo pa ya, ni wa tongɔ nda aye zu, ni nga wa kɔngɔ nda aye zu.

Suma 1:8 Iomraidhean Croise

Suma 1:11

Zo ni ko apa hɛ̃ mbi ya, aye mɛ mbi ndohũ ko, mbi su na mbɛti, mbi to hɛ̃ awa Kristo ti Eklezia mbara mbara olo mɛ: Eklezia ti Efɛzɛ, ti Simirnɛ, ti Pɛrgamɛ, ti Tiatirɛ, ti Sardɛ, ti Filadɛlfia, nga na ti Laodisea.

Suma 1:17

Ngoi mɛ mbi hũ lo ko, mbi ti so gbɛlɛ lo nga ma zo mɛ akpi. Lo kpã kɔti ti lo ndo mbi, lo pa hɛ̃ mbi ya: “Ta mbɛtɔ agbɔ̃ mɔ ma! Mbi wa tongɔ nda aye zu, mbi nga wa kɔngɔ nda aye zu.

Suma 1:4

Mbi Yoanɛ la mbi su mbɛti olo mbi to hɛ̃ awa Kristo ti Eklezia mbara mbara mɛ ka sese ti Azia. Mbi bala ĩ! Nzapa ndo da gã, lo da na olo, lo nga na gangɔ. Wa lo li bɛ hɛ̃ ĩ nzɔ̃ bɛ ma ke! Lo li bɛ nga ya, bɛ ĩ adu pii ma ke! Atɔrɔ tɛ lo mbara mbara mɛ ndolonga so gbɛlɛ ngɛndɛ gbia tɛ lo ali bɛ nzɔ̃ bɛ hɛ̃ ĩ ma ke! Ala li bɛ nga ya, bɛ ĩ adu pii ma ke!

Suma 11:17

“Gbia Nzapa, mɔ lombe, mɔ ndo da gã, mɔ nga da na olo mɛ. E hɛ̃ mɔ sia kɔli na lo ti kota nguru tɛ mɔ mɛ mɔ mu, mɔ to nda lɛngɔ na gbia.

Suma 15:3

Ala ndoye bia tɛ Mɔizɛ mɛ wa kwa tɛ Nzapa, bia ni ko adu nga tɛ Nyi Ngasã Ngbaga. Bia ni lo mɛ: “Gbia Nzapa mɔ lombe, Aye mɛ mɔ li adu akokɛnɛ ye ti bemangɔ! Mɔ Gbia ti ndo azi ti lɛ sese zu, Aye mɛ mɔ ndoli ndodu na Seni, ndodu nga bɛtani!

Suma 16:14

Adu asiɔ tɔrɔ tɛ Zabulu mɛ ndoli aye ti kpɛnɛ. Asiɔ tɔrɔ ni anɔ ka tɛ agbia ti lɛ sese zu so bombingɔ la ndoni kɔi ya, na la ko gbanda Nzapa mɛ lombe aga ko, ani na lo ani tiri to.

Suma 16:7

So pɛni, mbi ma legɔ̃ zo atɛnɛ tɛnɛ ka tɛrɛ mɛsa ti lungɔ Nzapa na ye ya: “Seni la, Gbia Nzapa mɔ lombe, ngbanga mɛ mɔ ndofa andodu na seni mbiri mbiri.”

Suma 19:15

Zabe mɛ ndoɔ̃ nga ma pepe asi so yanga lo. Adu zabe mɛ lo na nwɔngɔ na azi ti lɛ sese la. Lo na lɛngɔ gbia ndo la na nguru. Lo na dɔrɔngɔ la na gɛrɛ lo, nga ma se mɛ andodɔ na mburu ka ya ngɔ. Lo na lingɔ nga so, so fangɔ siɔ ngɔnzɔ mɛ agbɔ̃ Nzapa mɛ lombe.

Suma 19:6

Mbi ti ma ye nga ma legɔ̃ azi butu butu so ndotɛnɛ tenɛ. Tɛnɛ ni ndogɔ̃ wooo nga ma gigi ti sɔrɔ ti ngu mɛ ndoti. Tɛnɛ ni ndogɔ̃ nga ma kpengba ngu mɛ ndokini. Mbi ma la so ndotɛnɛ ya: “Ĩ gonda Nzapa! Ta sanga ma, Gbia Nzapa tɛ e mɛ lombe ato nda lɛngɔ gbia!

Suma 2:8

“Su tɛnɛ olo mɔ to hɛ̃ angelo mɛ ndobata awa Eklezia ti Simirnɛ. Tɛnɛ ni alo ka nyɔ wa tongɔ nda aye zu, lo mɛ nga wa kɔngɔ nda aye zu, lo kpi ndo, lo so na pe kwa. Zo ni ko apa ya,

Suma 21:22

Ta mbi hũ da Nzapa na ya kɔdɔrɔ ni ma, ta sanga ma, Gbia Nzapa mɛ lombe, na Nyi Ngasã Ngbaga, la adu da Nzapa ti kɔdɔrɔ ni.

Suma 21:6

Lo ti pa nga ya: “Awe! Mbi wa li ni, mbi nga wa nda ni, mbi wa tongɔ nda aye zu, mbi nga wa kɔngɔ nda aye zu. Zo ko gwɛ̃ ngu agbɔ̃ lo ko, mbi hɛ̃ lo ngu gɛgɛrɛ, lo nyɔ. Ngu ti li ngu mɛ ndohɛ̃ zo bɛta du.

Suma 22:13

Mbi wa li ni, mbi nga wa nda ni, mbi wa tongɔ nda ye, mbi nga wa kɔngɔ nda ye, mbi wa kɔzo, mbi nga wa gesi.”

Suma 4:8

Sa kɔi kɔi na kpange ti lo mana, lɛ la amu tɛrɛ la zu, ka ya ni, nga ka koko ni. Bi na lá, ta ala ndonzɛ̃ na yengɔ bia ma. Bia mɛ ala ndoye lo mɛ: “Gbia Nzapa mɔ santo, mɔ bɛta santo, Mɔ lombe. Mɔ ndo da gã, mɔ da na olo, mɔ na gangɔ.”