Suma 1:7 - Fana Ngbangɔ 1987

⁷ Ĩ ba lo la lo ga na ya da baba! Azi zu na hũngɔ lo, abɛ nga azi ko ndo akpɔ katɛ lo ko, ala nga na hũngɔ lo. Azi zu ti lɛ sese na demangɔ so lo. Biani, se mɛ na dungɔ na ni la! Seni la.

Suma 1:7 Iomraidhean Croise

Matie 16:27

Mbi Nyi Zo mbi na aangelo tɛ To mbi e ga gbanda na ya ndima tɛ lo, ko mbi futa gbanda zo kɔi kɔi na se kwa mɛ lo li.

Matie 16:28

Mbi pa hɛ̃ ĩ ti bɛta tɛnɛ ya, mbi Nyi Zo mbi ga gbanda nga ma gbia. Ko ambanga azi mɛ so ndo mɛ ahũ gbanda mbi uzu, wa ala kpili.”

Matie 24:30

Ko aye mɛ ndofa lo tɛ mbi Nyi Zo asi gbanda ka lɛ ndozu. Aale ti lɛ sese zu adema gbanda tɛrɛ la, ala hũ gbanda mbi Nyi Zo, na gangɔ na ya da baba na nguru, nga na kota ndima.

Matie 25:31

Yezo apa ya: “Ngoi mɛ gbanda mbi Nyi Zo mbi ga nga ma gbia, ndoni kɔi na aangelo zu ko, mbi du gbanda na ndo ngɛndɛ tɛ mbi ti ndima.

Matie 26:64

Yezo agbinya hɛ̃ lo ya: “Tɛnɛ ni la mɔ tɛnɛ. Wa mbi pa hɛ̃ ĩ ya, na pɛ ngoi yakere ko, ĩ na hũngɔ mbi Nyi Zo, dungɔ na ndo kɔti ti Nzapa mɛ wa nguru. Ĩ na hũngɔ nga mbi na gangɔ na ya da baba ka lɛ ndozu.”

Marko 13:26

Ko azi ahũ gbanda mbi Nyi Zo, mbi na gangɔ na ya da baba na kota nguru, nga na ndima.

Marko 14:62

Yezo agbinya hɛ̃ lo ya: “Seni la, mbi Nyi lo. Ko ĩ na hũngɔ mbi Nyi Zo, dungɔ na ndo kɔti ti Nzapa mɛ wa nguru. Ĩ na hũngɔ nga mbi na gangɔ na ya da baba ka lɛ ndozu.”

Luka 21:27

Wa azi ahũ gbanda mbi Nyi Zo, mbi na gangɔ na ya da baba na nguru nga na kota ndima.

Yoanɛ 19:34

Ko mbanga turugu kɔi amu to tɛ lo, akpɔ na katɛ Yezo, ko mɛnɛ na ngu asi bo na ngoi ni ko.

Yoanɛ 19:37

Mbanga tɛnɛ mɛ asu ka ya Buku tɛ Nzapa lo mɛ: “Ala ya gbanda lɛ la, aba zo mɛ ala kpɔ katɛ lo.”

1 Tɛsalɔnikɛ 1:10

nga so masingɔ ya, Nyi lo Yezo mɛ ndo lo so lo na pɛ kwa, alo ka yayu aga. Ko Nyi lo ni aso e na ya siɔ ye, so Nzapa ali ngɔnzɔ hɛ̃ e na ngoi ti fangɔ ngbanga.

1 Tɛsalɔnikɛ 4:17

Wa e azi mɛ gbanda e dɛ lɛ e ngɛ̃ na ngoi ni ko, Nzapa aya e gbanda na la ndoni kɔi ka ya da baba ya, e tengbi na Gbia Yezo ka lɛ mbo. Ko e na lo e du gbanda ngoi zu ndoni kɔi.

Aebreo 10:29

Singa na zo mɛ se lo kɛ̃ tɔndɔngɔ ndia tɛ Mɔizɛ ko, ahɛ̃ lo etumbu, o singa na zo mɛ akɛ̃ nyɔ Nyi Nzapa ma! Se mɔ zo mɔ samana na Nyi Nzapa, mɔ samana nga na mɛnɛ tɛrɛ lo mɛ akpo asiɔ ye tɛ mɔ azi ko, etumbu tɛ mɔ asɔ gbanda sĩ nvɛni. Se mɔ zo mɔ guru nga Tɔrɔ Santo mɛ ndofa mɔ na se mɛ Nzapa ndoli na nzɔ̃ bɛ hɛ̃ mɔ ko, etumbu tɛ mɔ asɔ nga gbanda sĩ nvɛni!

Aebreo 6:6

Abɛ nga so ko, ala ti diri ndoli siɔ ye. Ko ta kɔdɛ mɛ ya, ati awa la, ko ala gbinya bɛ la da ma. Ye ko la ala li ko, adu nga ma ala ti ndogɔngɔ Nyi Nzapa ka ndo krusi, ko ala ndoguru nga lo na gbɛlɛ azi.

1 Yoanɛ 3:2

Aya bua, na olo ko, e aya Nzapa. Wa ta e hĩnga se mɛ gbanda e du na ni ma. Bo ye mɛ e hĩnga la, na ngoi mɛ gbanda Kristo adiri aga ko, e ti gbanda nga ma lo, ta sanga ma, e hũ gbanda lo na se tɛrɛ lo.

Yudɛ 1:14

Enɔki mɛ li kuni Adamu la apia ndo apa tɛnɛ na lo tɛ azi ni ko mɛ awa hangɔ lo tɛ Nzapa na nvɛnɛ. Lo pa ndo ya: “Ĩ ma la, Gbia Nzapa aga gbanda na aangelo tɛ lo butu butu mɛ ala asanto.

Suma 22:20

Yezo mɛ apa ya, tɛnɛ olo adu bɛta tɛnɛ ko, lo pa nga ya: “Seni la, angbã yakere mbi ga!” Ae! Adu bɛ seni la ma ke! Gbia Yezo, ga!

Suma 22:4

Ala hũ gbanda lo na lɛ la, asu nga gbanda ili lo na ndo lɛ la.