Ta mɔ ye ya Satana atara bɛ e ma, Wa hã e ka gbɛ ti lo mɔ zi. [Ta sanga ma, lɛngɔ gbia, na nguru, nga na ndima adu na lo tɛ mɔ buru na buru! Seni la.]’
wadila azi atɔndɔ mbi Nyi lo, nga ma se mɛ ala ndotɔndɔ na lo mɛ To mbi. Zo ko la akɛ̃ tɔndɔngɔ mbi Nyi lo ko, afa ya, lo kɛ̃ nga tɔndɔngɔ To mbi Nzapa mɛ ato mbi.
Bo lo kɔi la lo ndongbã kaka, lo ndodu na ya vuru ndo mɛ ta zo kɔi alengbi ti ingɔ tɛrɛ lo ka tɔ̃ ni ma. Ta zo kɔi ade ahũ lo bɛ gbɔ ma, ta zo kɔi alengbi nga ti hũngɔ lo ma. É gonda bɛ lo, ko lo lɛ bɛ nga gbia buru na buru ma ke! Seni la.
Nzapa mɛ ndoli ya, bɛ zo adu pii ko, lo hɛ̃ bɛ ĩ nguru ti lingɔ anzɔ̃ lo zu ma ke! Lo li bɛ so ya, ĩ li aye mɛ bɛ lo ndoye ma ke! Lo li bɛ nga ya, na nguru tɛ Yezo Kristo ko, e li aye mɛ ndode bɛ lo ma ke! E gonda bɛ Yezo Kristo buru na buru ma ke! Seni la.
Ale zo ko la na nguru kwa ti pangɔ tɛnɛ tɛ Nzapa, apa bo tɛnɛ ni hɛ̃ azi. Ale zo ko la na nguru ti lingɔ kwa hɛ̃ azi, ali kwa na nguru mɛ Nzapa ahɛ̃ lo. Ĩ li nga so, wadila na ya lo zu ko, azi agonda Nzapa ti ndo Yezo Kristo. Ndima na nguru adu na lo tɛ lo buru na buru. Seni la.
Kanda ale ĩ ngbã bo na maingɔ na ya lo yengɔ tɛ ĩ, wadila Gbia tɛ e Yezo Kristo mɛ Wa songɔ e andoli nzɔ̃ bɛ hɛ̃ ĩ, ko ĩ hĩnga nga lo nzɔ̃ni. É gonda Gbia tɛ e na olo, é gonda nga lo buru na buru zu! Seni la.
Lo ngengereni kɔi, lo Wa songɔ e na lo ye ko la Gbia tɛ e Yezo Kristo ali tɛrɛ e. Ndima, na nguru, nga na lo gbia adu na lo tɛ lo. Se tɛ lo ndo la, se tɛ lo na olo la, se mɛ nga lo na dungɔ na ni buru buru la! Seni la.
Mbi Yoanɛ nyita ĩ, mbi mɛ mbi na ĩ, nga na Yezo Kristo e ti bo kɔi ko, mbi ndohũ pɛnɔ mɛ ĩ ndohũ nga. Mbi na ĩ e ndogbe be e na ya pɛnɔ ni. Mbi na ĩ e du azi ti Kɔdɔrɔ Gbia tɛ lo. Agbɔ̃ ndo mbi ato ka ya zúa ti Patimɔsi, na lo mɛ ya, mbi pa tɛnɛ tɛ Nzapa mɛ Yezo Kristo temwɛ ni.
Dengɔ bɛ, na nzɔ̃ lo ati na azi ko gbanda aso kɔzoni! Ta ala ti kpili gbanda kwá ti se ma. Ala du gbanda awa lungɔ Nzapa na ye, ala lu nga gbanda Yezo Kristo na ye, ala na Yezo alɛ nga gbanda gbia buru koto kɔi.
“Oo Gbia Nzapa tɛ e, Azi alengbi ti gondangɔ mɔ, tɔndɔngɔ mɔ. Ala lengbi nga ti yengɔ ya, mɔ lombe. Ta sanga ma, mɔ li ye kwɛ zu. Mɔ ndo la mɔ ye ya, aye ni ko adu dazu, Nda mɛ mɔ li ni la.”
Mɔ li ala ti azi mɛ mɔ Gbia tɛ la. Mɔ li nga la ala ti awa lungɔ Nzapa tɛ e na ye ya, Ala li kwa hɛ̃ lo. Ala lɛ nga gbanda gbia na ndo azi ti lɛ sese.”