Suma 1:5 - Fana Ngbangɔ 1987

⁵ Yezo Kristo lo bɛta temwɛ tɛ Nzapa, lo kɔzo zo mɛ ndo lo so na pɛ kwa, lo nga Gbia tɛ agbia ti le sese. Lo li bɛ nga nzɔ̃ bɛ hɛ̃ ĩ, lo li bɛ nga ya, bɛ ĩ adu pii ma ke! Bɛ lo aye e, lo kpi ndo so hãngɔ siɔ ye tɛ e zingɔ.

Suma 1:5 Iomraidhean Croise

Matie 20:28

Ĩ ba se mɛ ta mbi Nyi Zo mbi ga ge lɛ sese ya, azi ali kwa hɛ̃ mbi ma la. Kanda mbi ga ya, mbi li kwa hɛ̃ azi, ko mbi ka nga tɛrɛ mbi, wa mbi tɔ̃ azi gba na ya siɔ ye.”

Matie 28:18

Yezo ai tɛrɛ lo ka tɔ̃nda la, apa hɛ̃ la ya: “Nzapa ahɛ̃ mbi nguru ya, mbi du Gbia ti ndo aye zu mɛ ka yayu, ko mbi du nga gbia ti ndo omɛ ge lɛ sese.

Yoanɛ 13:1

Adu ndo na lipɛ yenga ti Lipandasi tɛ Ayuda, ko Yezo ahĩnga ya, ngoi tɛ ni ti ziangɔ lɛ sese olo, diringɔ ka tɛ To ni alengbi wɛ. Ngoi zu lo ndoye ndo azi ti lɛ sese mɛ aye lo tɛ lo, ko lo ye ndo la ngbĩi lo kɔ nda ni.

Yoanɛ 13:34

Wa ĩ ma fana ndia mɛ mbi lu hɛ̃ ĩ lo mɛ: ale ĩ ndoyengbi. Ale ĩ ndoyengbi nga ma se mɛ mbi ye na ĩ.

Yoanɛ 15:9

Mbi ye ĩ nga ma se mɛ To mbi aye na mbi. Ale ĩ ngba na ya yengɔ mɛ mbi ndoye na ĩ.

Yoanɛ 18:37

Pilato ahũnda lo ya: “Alengbi ya, mɔ kota gbia?” Yezo agbinya hɛ̃ lo ya: “Tɛnɛ ni la mɔ tɛnɛ: mbi kota gbia. Mbi ga ge lɛ sese so fangɔ azi na beta lo, na lo ni la adú mbi. Azi zu ko la aye beta lo ko, ala la ndozi ma la, ama tɛnɛ mɛ mbi ndotɛnɛ.”

Yoanɛ 3:11

Mbi pa hɛ̃ mɔ ti beta tɛnɛ ya, e ndotɛnɛ tɛnɛ ti aye mɛ e hĩnga, e ndopa nga lo ti aye mɛ e hũ, kanda ta ĩ ndoye tɛnɛ mɛ e ndotɛnɛ hɛ̃ ĩ ma.

Yoanɛ 3:16

Ta sanga ma, be Nzapa aye ndo azi ti lɛ sese ma wo ma, la lo to ndo ngbongi Nyi lo hɛ̃ la ya, se zo aye lo tɛ lo ko, ta lo kpi ma, ko lo lua du ti kaka.

Yoanɛ 3:32

Lo ndopa lo ti aye mɛ lo hũ, nga na atɛnɛ mɛ lo ma, ko ta zo kɔi ndoye tɛnɛ tɛ lo ma.

Awa Pangɔ Kwa 20:28

Ale ĩ bata tɛrɛ ĩ nvɛni nzɔ̃ni, ko ĩ bata nga awa Kristo zu mɛ ndo Tɔrɔ Santo ahɛ̃ ĩ ya, ĩ bata la, nga ma se mɛ wa batangɔ angasã ngbaga ndobata na angasã ngbaga tɛ lo. Ale ĩ bata azi ti Eklezia tɛ Nzapa mɛ ndo lo tɔ̃ la na lege ti kwa tɛ Nyi lo nvɛni.

Awa Pangɔ Kwa 26:23

Ala pa ndo ya, ale Mɛsia ahũ pɛnɔ, lo du kɔzo zo mɛ na songɔ na pɛ kwá. Ko Mɛsia ni na pangɔ ya, Nzapa aso gbanda Ayuda mɛ azi tɛ e, na azi ti sese mɛ ndɛ̃. Ko songɔ azi ni adu gbanda nga ma se mɛ lá ndosũ ko atoma mbingo.”

Roma 3:25

Nzapa aka ndo Yezo Kristo ya, na lo kwá tɛ lo ko, lo tiɔ sende ti siɔ ye tɛ azi mɛ aye lo tɛ lo. Wa ĩ ba se mɛ ndo Nzapa aye fangɔ ya, ni ndoli ye na Seni la. Ndo uzu ko, lo ndo na yɔngɔrɔ bɛ na ndo awa lingɔ siɔ ye, ko ta lo ndohɛ̃ ndo la etumbu ma.

Roma 8:37

Kanda na ya alo olo ko, e nwɔ apɛnɔ ni ko zu, na lo tɛ Yezo mɛ ndoye e.

1 Kɔrinto 6:11

Wa ĩ ba se mɛ ambanga azi na popo tɛ ĩ ndoli na ni la. Kanda Nzapa ahã ndo siɔ ye tɛ ĩ azi, asara ndo ĩ ya, ĩ du azi tɛ ni. Lo mu ndo ĩ ka lɛ lo ya, ĩ abɛta azi. Lo li ndo so na nguru tɛ Tɔrɔ Santo tɛ lo, na lo mɛ ya, ĩ ye lo tɛ Gbia Yezo Kristo.

Galatia 2:20

ta mbi ti du le mbi ngɛ̃ ma. Kanda dungɔ le ngɛ̃ mɛ mbi da ko, Kristo la ndodu ni na ya tɛrɛ mbi. Du mɛ mbi ndodu na olo so lɛ sese ko, mbi ndodu ni na kpãngɔ bɛ mbi na ndo Nyi Nzapa mɛ aye mbi, aka nga tɛrɛ lo so mbi.

Efɛzɛ 2:4

Kanda Nzapa ndoma vundu tɛ e sĩ, lo ndoye nga e ma wo ma,

Efɛzɛ 5:2

Ale ĩ ndoye afɔ̃ ĩ, nga ma se mɛ Kristo aye na e, akpi nga na lo tɛ e. Lo ka ndo tɛre lo, nga ma sa mɛ aho alu na Nzapa, ko bɛ Nzapa ade ndo na lo tɛ lo sĩ.

Kɔlɔsɛ 1:18

Lo bɛ li azi ti Eklezia, ko azi ti Eklezia adu ngbonga tɛrɛ lo. Eklezia ato na ndo lo. Lo la Nzapa aso ndo lo kɔzoni na pɛ kwa, ya lo du Gbia ti ye zu.

1 Timɔte 6:13

Na ili Nzapa mɛ ndohɛ̃ dungɔ lɛ ngɛ̃ hɛ̃ aye zu, nga na ili Yezo Kristo mɛ ndo apa nzɔ̃ lo ni na gbɛlɛ Pɔnse Pilato ko, mbi hɛ̃ mɔ nyɔ ya,

1 Timɔte 6:15

Ngoi mɛ gbanda bi mɛ Nzapa ako alengbi ko, lo to Yezo Kristo. Bo Nzapa kɔi la lombe, wa dengɔ bɛ, Gbia tɛ agbia.

Aebreo 10:29

Singa na zo mɛ se lo kɛ̃ tɔndɔngɔ ndia tɛ Mɔizɛ ko, ahɛ̃ lo etumbu, o singa na zo mɛ akɛ̃ nyɔ Nyi Nzapa ma! Se mɔ zo mɔ samana na Nyi Nzapa, mɔ samana nga na mɛnɛ tɛrɛ lo mɛ akpo asiɔ ye tɛ mɔ azi ko, etumbu tɛ mɔ asɔ gbanda sĩ nvɛni. Se mɔ zo mɔ guru nga Tɔrɔ Santo mɛ ndofa mɔ na se mɛ Nzapa ndoli na nzɔ̃ bɛ hɛ̃ mɔ ko, etumbu tɛ mɔ asɔ nga gbanda sĩ nvɛni!

Aebreo 9:14

Singa na mɛnɛ tɛrɛ asa mɛ aonzi lo na tɛrɛ azi, o singa na mɛnɛ tɛrɛ Kristo mɛ aɔ mɛnɛ tɛrɛ asa na nguru ma! Kristo ndo nga ma nyi ngasã ngbaga mɛ ta ye ti siɔni kɔi na tɛrɛ lo ma. Lo ka ndo tɛrɛ lo nvɛni na nguru tɛ Tɔrɔ Santo mɛ kaka, lo lu na Nzapa. Mɛnɛ tɛrɛ lo na kpongɔ bɛ e ya, ta e li agɛgɛrɛ ye ma, wadila e li kwa hɛ̃ Nzapa mɛ le lo ngɛ̃.

1 Petro 1:19

Kanda lo tɔ̃ ndo ĩ na mɛnɛ tɛrɛ lo mɛ adu ngbondoni buai. Lo ndo nga ma nyi ngasã ngbaga mɛ ta na siɔ ye nga na bi ma, la amu alu na Nzapa.

1 Yoanɛ 1:7

Kanda se e dɔ nɔ na ya vuru ndo, nga ma se mɛ Nzapa nvɛni ndodu na ya vuru ndo, wadila dangɔ bɛ tɛ e na tɛ afɔ̃ e awa Kristo ati bo kɔi, ko mɛnɛ tɛrɛ Nyi lo Yezo akpo siɔ ye tɛ e zu.

1 Yoanɛ 4:10

Ko lo yengɔ ni adu nga so mɛ: Nzapa aye e kɔzoni, la lo to Nyi lo ya, lo ga, lo tiɔ sende ti siɔ ye tɛ e, wadila ni Nzapa ni ka lɛ ni ndo asiɔ ye tɛ e. Kanda ta e ndo la e ye Nzapa kɔzoni ma.

Suma 11:15

So pɛni, angelo ti mbara mbara aulu mbana. Mbi ma legɔ̃ azi ma wo ma adu ka ndozu atɛnɛ tɛnɛ na kɔngɔ ya: “Gbia Nzapa tɛ e, na Mɛsia mɛ lo sunu lo, ala to nda lɛngɔ gbia na olo na ndo azi ti lɛ sese. Nzapa na lɛngɔ gbia na ndo la buru na buru!”

Suma 11:3

Lo pa ya, ni na tongɔ atemwɛ tɛ ni osɛ mɛ ayu kunyɛ so fangɔ ya, ani na muã. Ala na mungɔ nzɛ̃ sui siɔ ndoni sɛ so pangɔ tɛnɛ tɛ Nzapa hɛ̃ azi.

Suma 17:14

Agbia ni ko na Nyi Ngasã Ngbaga na tiringɔ to, ko Nyi Ngasã Ngbaga na nwɔngɔ la, na lo mɛ ya, lo Gbia tɛ agbia. Nyi Ngasã Ngbaga ana ava lo na nwɔngɔ agbia ni ko. Ava lo ni adu azi mɛ ndo Nzapa aili la, asara nga la akpã azi tɛ lo, ala ye lo tɛ lo bɛ la kɔi.”

Suma 19:11

So pɛni, mbi hũ lɛ ndozu azi, ko mbufu mbarata asi na zo so ndo lo. Ili zo ni la: “Bɔrɔ zo - Bɛta zo.” Zo ni ko ndofa ngbanga na seni, lo ndotiri nga to na seni.

Suma 19:16

Ili mɛ ndo asu na tɛrɛ bɔngɔ tɛ lo, nga na ndo gɛrɛ lo lo mɛ: “Gbia tɛ agbia.”

Suma 2:13

ni hĩnga ndo mɛ ĩ ndodu da. Ĩ ndodu na ndo mɛ Satana ndole gbia da. Ĩ gbɔ̃ lo tɛ ni ka ka ka. Abɛ na ngoi ko ndo azi aho na Antipasi mɛ bɛta temwɛ tɛ ni, ka tɛ ĩ mɛ Satana ndodu da ko, ĩ gbɔ̃ ndo lo tɛ ni ka ka ka. Ta ĩ zia yengɔ lo tɛ ni ma.

Suma 3:14

“Su tɛnɛ olo mɔ to hɛ̃ angelo mɛ ndobata awa Eklezia ti Laodisea. Tɛnɛ ni alo ka nyɔ zo mɛ ili lo la ‘Seni la’. Lo bɛta temwɛ tɛ Nzapa, lo nga bɛta wa pangɔ tɛnɛ. Nzapa ali ndo ye zu ti ndo lo. Zo ni ko apa ya,

Suma 7:14

Mbi gbinya hɛ̃ lo ya: “Gbia, ta mbi hĩnga la ma, mɔ la mɔ hĩnga la.” La lo pa hɛ̃ mbi ya: “Adu azi mɛ ndo ahũ pɛnɔ ma wo ma. La ala kpokpo abɔngɔ tɛ la, ado na mɛnɛ tɛrɛ Nyi Ngasã Ngbaga, la abɔngɔ ni avuru ati nga ma tɛrɛ nyange.