Suma 1:2 - Fana Ngbangɔ 1987

² Yoanɛ akambisa lo ti aye zu mɛ lo hũ na le lo. Lo pa ya, aye ni adu tɛnɛ tɛ Nzapa biani, ko Yezo Kristo la temwɛ ni.

Suma 1:2 Iomraidhean Croise

Yoanɛ 1:32

Yoanɛ apa ndo nga lo ye mɛ lo hũ, lo ya: “Mbi hũ fɛrɛ Tɔrɔ Santo alo ka ndozu, azu nga ma se tɛ mbipa, adu ndo lo.

Yoanɛ 12:17

Azi zu ko ndo so gunda Yezo, na ngoi mɛ ndo lo ili na Lazaro ka ya sende, lo so lo, la Lazaro alo kai asi ko, ala pa ndo pa ti ye mɛ ala hũ hɛ̃ azi.

Yoanɛ 19:35

Zo mɛ akambisa tɛnɛ olo ko, lo hũ ni na lɛ lo, ko tɛnɛ mɛ lo tɛnɛ adu biani. Lo hĩnga ya, ni tɛnɛ beta tɛnɛ, ko lo tɛnɛ nga so ya, ĩ ye nga lo ni.

Yoanɛ 21:24

Ko adu bo va Yezo ni ko la akambisa atɛnɛ olo mɛ, nga bo lo la lo su ni, ko e hĩnga ya tɛnɛ mɛ lo tɛnɛ adu biani.

Yoanɛ 3:11

Mbi pa hɛ̃ mɔ ti beta tɛnɛ ya, e ndotɛnɛ tɛnɛ ti aye mɛ e hĩnga, e ndopa nga lo ti aye mɛ e hũ, kanda ta ĩ ndoye tɛnɛ mɛ e ndotɛnɛ hɛ̃ ĩ ma.

Awa Pangɔ Kwa 22:15

Ta sanga ma, ale mbi du temwɛ tɛ lo, wa ka gbɛlɛ azi zu ko, mbi pa alo mɛ mbi hũ, na atɛnɛ mɛ mbi ma.

Awa Pangɔ Kwa 26:16

wa lo ndozu. Mbi si gbɛlɛ mɔ ya, mɔ ti wa kwa tɛ mbi, mɔ du nga temwɛ tɛ mbi, ko mɔ pa hɛ̃ azi se mɛ mɔ hũ na mbi na lá olo mɛ, mɔ pa nga hɛ̃ la ye mɛ mbi na fangɔ na mɔ fani mɛ ndɛ̃.

Awa Pangɔ Kwa 4:20

Kanda ye mɛ e hũ na lɛ e, nga na tɛnɛ mɛ e ma na ma e ko, ta e lengbi ti ziangɔ pangɔ tɛnɛ ni ma.”

1 Kɔrinto 1:6

Ngoi mɛ ndo e pa na tɛnɛ tɛ Yezo Kristo hɛ̃ ĩ ko, ĩ bata ndo tɛnɛ ni nzɔ̃ni ka ya bɛ ĩ.

1 Kɔrinto 2:1

Aya bua, mbi gwe ndo ka tɛ ĩ so pangɔ hɛ̃ ĩ bɛta lo tɛ Nzapa mɛ ndo ta azi ade ahĩnga ma. Na ngoi ko ndo ko, ta mbi pa ndo lo ni hɛ̃ ĩ na se kɔdɛ mɛ kpengbani, bere na se ndara tɛ azi ti lɛ sese ma.

1 Yoanɛ 1:1

E su mbɛti olo hɛ̃ ĩ na lo ti Tɛnɛ mɛ ndohɛ̃ azi bɛta du. Tɛnɛ ni ndo dazu gã, na ngoi mɛ ndo ta Nzapa ade ali sese ma. E ma ndo lo na ma e, e hũ ndo lo na lɛ e nvɛni, e ba ndo lo, ko e bɔrɔ ndo nga tɛrɛ lo na ti e.

1 Yoanɛ 4:14

E nvɛni, e hũ ndo na lɛ e ya, To e Nzapa ato ndo Nyi lo ya, lo du Wa songɔ azi ti lɛ sese, ko adu lo ni la e ndopa hɛ̃ azi.

3 Yoanɛ 1:12

Azi zu ndogonda Demetriusi na lo nzɔ̃ ye mɛ lo ndoli, ko dɔngɔ nɔ tɛ lo na bɛta lege tɛ Nzapa ndofa nga ni. E nvɛni e pa nga ya, lo ndoli nzɔ̃ni, ko mɔ hĩnga ya, tɛnɛ ko e tɛnɛ ko adu biani.

Suma 1:11

Zo ni ko apa hɛ̃ mbi ya, aye mɛ mbi ndohũ ko, mbi su na mbɛti, mbi to hɛ̃ awa Kristo ti Eklezia mbara mbara olo mɛ: Eklezia ti Efɛzɛ, ti Simirnɛ, ti Pɛrgamɛ, ti Tiatirɛ, ti Sardɛ, ti Filadɛlfia, nga na ti Laodisea.

Suma 1:19

Wa su aye mɛ mɔ hũ. Su aye mɛ ndosi na olo mɛ, nga na aye mɛ na gangɔ gesi.

Suma 1:9

Mbi Yoanɛ nyita ĩ, mbi mɛ mbi na ĩ, nga na Yezo Kristo e ti bo kɔi ko, mbi ndohũ pɛnɔ mɛ ĩ ndohũ nga. Mbi na ĩ e ndogbe be e na ya pɛnɔ ni. Mbi na ĩ e du azi ti Kɔdɔrɔ Gbia tɛ lo. Agbɔ̃ ndo mbi ato ka ya zúa ti Patimɔsi, na lo mɛ ya, mbi pa tɛnɛ tɛ Nzapa mɛ Yezo Kristo temwɛ ni.

Suma 12:11

Ayata e anwɔ ndo lo, na lo mɛ ya, Nyi Ngasã Ngbaga atɔ̃ ndo la na mɛnɛ tɛrɛ lo. Ala nwɔ nga ndo lo na lo ti bɛta tɛnɛ tɛ Nzapa mɛ ndo ala ndopa hɛ̃ azi. Ala ka ndo tɛrɛ la, ala kpili nga.

Suma 12:17

Ngɔnzɔ agbɔ̃ sa ti kpɛnɛ gati gati hɛ̃ zo wali ko, la sa ti kpɛnɛ anɔ so tiringɔ to na atanga aale tɛ zo wali ni ko: adu azi zu mɛ ndotɔndɔ ndia tɛ Nzapa, ala mɛ aye bɛta lo mɛ ndo Yezo Kristo afa na azi.

Suma 20:4

So pɛni, mbi hũ nga angɛndɛ gbia na azi so ndo ni dunga. Nzapa ahɛ̃ azi ni ko nguru ya, ala fa ngbanga tɛ azi. Mbi hũ nga atɔrɔ tɛrɛ azi mɛ ndo afara gɔ̃ la, na lo mɛ ya, ala pa ndo tɛnɛ tɛ Nzapa, apa nga bɛta tɛnɛ mɛ Yezo afa na la. Ta ala vɔrɔ ndo sa ni, bere ngbilondo tɛ sa ni ma. Ta asu ndo ili sa ni na ndo lɛ la, bere na ndo ti la ma. Ala so na pɛ kwá, ko ala na Yezo Kristo ale gbia buru koto kɔi.

Suma 22:21

Gbia Yezo ali bɛ nzɔ̃ bɛ hɛ̃ ĩ zu ma ke!

Suma 6:9

Nyi Ngasã Ngbaga akongbi ndã ti kɔ̃ mɛ aminya na nyɔ buku. Mbi hũ atɔrɔ tɛrɛ azi mɛ ndo akpɔ la ge lɛ sese, ala dunga so gbe mɛsa ti lungɔ Nzapa na ye. Akpɔ ndo la, na lo mɛ ya, ala pa ndo tɛnɛ tɛ Nzapa hɛ̃ azi, ala ye ndo nga ya, tenɛ tɛ Nzapa adu biani.