Suma 1:16 - Fana Ngbangɔ 1987

¹⁶ Lo gbɔ̃nɔ atongolo mbara mbara na kɔti ti lo. Zabe mɛ lɛ ni ndoɔ̃ mbage na mbage asi so yanga lo. Yangba lɛ lo ndosũ nga ma lá ti bɛ kɔmbitɛ.

Suma 1:16 Iomraidhean Croise

Matie 17:2

Ala ĩ si kai ko, tɛrɛ Yezo agbinyangbi so gbɛlɛ la, yangba lɛ lo asũ nga ma lá, bɔngɔ tɛ lo ati mbufuni pɛ pɛ pɛ.

Awa Pangɔ Kwa 26:13

Gbia Agripa! Ngoi mɛ ndo mbi so lege mbi, ĩ ti na ge tɛ bɛ kɔmbitɛ ko, mbi hũ ye mɛ sũngɔ ni aɔ sũngɔ tɛ lá, alo ka ndozu, asũ so gunda mbi na afɔ̃ mbi mɛ ndo e na la e gwe fɔnɔ.

Efɛzɛ 6:17

Ĩ hĩnga ya Nzapa aso ĩ wɛ, ko oko adu nga ma ĩ yu kpɔtɔ ti nwa so batangɔ na li ĩ. Ale ĩ mu tɛnɛ tɛ Nzapa ĩ pa hɛ̃ azi. Tɛnɛ ni adu nga ma zabe mɛ Tɔrɔ Santo ahɛ̃ ĩ.

Aebreo 4:12

Ta sanga ma, tɛnɛ tɛ Nzapa adu nga ma ye mɛ ndokuma zo, tɛnɛ ni nga na nguru. Tɛnɛ ni aɔ̃, aɔ zabe mɛ ndoɔ̃ mbage na mbage. Tɛnɛ ni ndoli bɛ zo. Tɛnɛ ni adu nga ma zabe mɛ zo ndomu, akangbi na ndo mɛ abio atengbi da, ko lo si na ndo lolo. Tɛnɛ ni ndosi na dangɔ bɛ tɛ zo nga na gwɛ̃ ye mɛ ka bɛ zo yango.

Suma 1:20

Atongolo mbara mbara mɛ mɔ hũ mbi gbɔ̃nɔ na kɔti ti mbi, na gɛrɛ wá mbara mbara mɛ alɛkɛ na wɔrɔ ko, ma nda ni lo mɛ atongolo mbara mbara adu aangelo mɛ ndobata awa Kristo ti Eklezia mbara mbara, gɛrɛ wá mbara mbara adu awa Kristo ti Eklezia ko mbara mbara.”

Suma 10:1

So pɛni, mbi hũ mbanga angelo mɛ wa nguru alo ka ndozu so ndozu ge tise. Da baba avĩ lo, kɔngɔ mɛ ndosi ka le ndozu aka li lo kɛrɛrɛ. Yangba le lo ndosũ nga ma la, gɛrɛ lo ndoza nga ma mɛngɛ wá.

Suma 12:1

So pɛni mbi hũ ye ti kpɛnɛ asi ka lɛ ndozu: adu zo wali kɔi mɛ amu lá agana na tɛrɛ lo nga ma bɔngɔ. Lo lo na ndo nzɛ̃, lo yu kpɔtɔ ti gbia mɛ atongolo sui kɔi ndoni sɛ tɛrɛ ni.

Suma 19:15

Zabe mɛ ndoɔ̃ nga ma pepe asi so yanga lo. Adu zabe mɛ lo na nwɔngɔ na azi ti lɛ sese la. Lo na lɛngɔ gbia ndo la na nguru. Lo na dɔrɔngɔ la na gɛrɛ lo, nga ma se mɛ andodɔ na mburu ka ya ngɔ. Lo na lingɔ nga so, so fangɔ siɔ ngɔnzɔ mɛ agbɔ̃ Nzapa mɛ lombe.

Suma 19:21

Wa kpɛngɔ na mbufu mbarata amu zabe mɛ asi ka yanga lo, akpɔ na azi mɛ ndɛ̃. La ahũ zu adɛrɛ kinda tɛ azi ni ko atɛ.

Suma 2:1

“Su tɛnɛ olo mɔ to hɛ̃ angelo mɛ ndobata awa Eklezia ti Efɛzɛ. Tɛnɛ ni alo ka nyɔ zo mɛ agbɔ̃ atongolo mbara mbara na kɔti ti lo, zo ni ndodɔ nɔ na popo ti gɛrɛ wá mbara mbara mɛ alɛkɛ na wɔrɔ. Zo ni ko apa ya,

Suma 2:12

“Su tɛnɛ olo mɔ to hɛ̃ angelo mɛ ndobata awa Eklezia ti Pɛrgamɛ. Tɛnɛ ni alo ka nyɔ zo mɛ lɛ zabe tɛ lo ndoɔ̃ mbage na mbage. Zo ni ko apa ya,

Suma 2:16

Wa ale ĩ gbinya bɛ ĩ. Ta so ma ko, angbã yakere ni ga ka tɛ ĩ, ko ni mu zabe mɛ asi so yanga ni, ni tiri azi ni ko na to.

Suma 3:1

“Su tɛnɛ olo mɔ to hɛ̃ angelo mɛ ndobata awa Eklezia ti Sardɛ. Tɛnɛ ni alo ka nyɔ zo mɛ na atɔrɔ tɛ Nzapa mbara mbara, lo nga na atongolo mbara mbara. Zo ni ko apa ya, ni hĩnga ye zu mɛ ĩ ndoli. Ni hĩnga ya, pa ili ĩ afɔnɔ ya, ĩ dɛ lɛ ĩ ngɛ̃, kanda ĩ du azi mɛ ĩ kpili wɛ.