Suma 1:11 - Fana Ngbangɔ 1987

¹¹ Zo ni ko apa hɛ̃ mbi ya, aye mɛ mbi ndohũ ko, mbi su na mbɛti, mbi to hɛ̃ awa Kristo ti Eklezia mbara mbara olo mɛ: Eklezia ti Efɛzɛ, ti Simirnɛ, ti Pɛrgamɛ, ti Tiatirɛ, ti Sardɛ, ti Filadɛlfia, nga na ti Laodisea.

Suma 1:11 Iomraidhean Croise

Awa Pangɔ Kwa 16:14

Mbanga wali kɔi so popo tɛ la, ili lo la Lidia. Lo lo ndo ka kɔdɔrɔ mɛ ili ni la Tiatirɛ, la lo ga. Lo wa kangɔ bengba bɔngɔ mɛ ndoti ngere ma wo ma, ko lo ndovɔrɔ nga ndo Nzapa. Lo ndoma ndo e, la Gbia Nzapa azi kɔdɛ li lo ya, lo zi ma lo, wa lo ma tɛnɛ mɛ Polo ndotɛnɛ.

Awa Pangɔ Kwa 18:24

Wa Yuda kɔi, ili lo la Apolɔsɛ, mɛ adu lo ka Alɛkizandria, lo ga ndo ka Efɛzɛ. Lo ndotɛnɛ ndo tɛnɛ ngbɛrɛ ngbɛrɛ, lo hĩnga nga ndo tɛnɛ ti ya Buku tɛ Nzapa ma wo ma.

Awa Pangɔ Kwa 20:17

Polo adu so Milɛ, ato kwa hɛ̃ akangba ti Eklezia mɛ ka Efɛzɛ ya, ala ga atã ni so ndo ko.

1 Kɔrinto 15:32

Adu ndo nga ma mbi tiri to ge kɔdɔrɔ ti Efɛzɛ na asa ti ya ndo. Wa se adu ya, dangɔ bɛ tɛ mbi adu bo nga ma se tɛ azi ti lɛ sese ko, ale ye mɛ to ni ahɛ̃ mbi nɛ? Se ta adu ya azi mɛ akpili aso gbanda na pɛ kwá ma ko, ale matɔ olo adu biani: “E tɛ, é nyɔ, ta sanga ma, e kpili ndã.”

1 Kɔrinto 16:8

Ko mbi separa ngbãngɔ ge kɔdɔrɔ ti Efɛzɛ, nga ka yenga ti Pantɛkotɛ ati hĩ wadila.

Efɛzɛ 1:1

Mbi Polo mɛ Nzapa asara mbi na se bɛ lo nvɛni akpã ya, mbi du wa pangɔ kwa tɛ Yezo Kristo, la mbi to mbɛti olo hɛ̃ ĩ azi tɛ Nzapa mɛ ka Efɛzɛ, ĩ mɛ ĩ ye lo tɛ Yezo Kristo, ĩ na lo ĩ ti nga bo kɔi. Mbi bala ĩ.

Kɔlɔsɛ 2:1

Ĩ awa Kristo ti Kɔlɔsɛ, na ĩ azi ti kɔdɔrɔ ti Laodisea, nga na ĩ azi zu mɛ ta ĩ dɛ ĩ hĩnga mbi ma ko, mbi ye ya ale ĩ zu ĩ hĩnga ya, kwa mɛ mbi ndoli na lo tɛ ĩ ko, adu kpengbani nvɛni.

1 Timɔte 1:3

Mbi ye ya, mɔ ngbã ka kɔdɔrɔ ti Efɛzɛ nga ma se ko ndo mbi pa na ni hɛ̃ mɔ, na ngoi ti gwengɔ mbi ka sese ti Masedoanɛ. Ka Efɛzɛ ko, awa hangɔ lo tɛ Nzapa na nvɛnɛ da, ko ale mɔ gbanzi la na hangɔ lo ni.

Suma 1:17

Ngoi mɛ mbi hũ lo ko, mbi ti so gbɛlɛ lo nga ma zo mɛ akpi. Lo kpã kɔti ti lo ndo mbi, lo pa hɛ̃ mbi ya: “Ta mbɛtɔ agbɔ̃ mɔ ma! Mbi wa tongɔ nda aye zu, mbi nga wa kɔngɔ nda aye zu.

Suma 1:19

Wa su aye mɛ mɔ hũ. Su aye mɛ ndosi na olo mɛ, nga na aye mɛ na gangɔ gesi.

Suma 1:2

Yoanɛ akambisa lo ti aye zu mɛ lo hũ na le lo. Lo pa ya, aye ni adu tɛnɛ tɛ Nzapa biani, ko Yezo Kristo la temwɛ ni.

Suma 1:20

Atongolo mbara mbara mɛ mɔ hũ mbi gbɔ̃nɔ na kɔti ti mbi, na gɛrɛ wá mbara mbara mɛ alɛkɛ na wɔrɔ ko, ma nda ni lo mɛ atongolo mbara mbara adu aangelo mɛ ndobata awa Kristo ti Eklezia mbara mbara, gɛrɛ wá mbara mbara adu awa Kristo ti Eklezia ko mbara mbara.”

Suma 1:4

Mbi Yoanɛ la mbi su mbɛti olo mbi to hɛ̃ awa Kristo ti Eklezia mbara mbara mɛ ka sese ti Azia. Mbi bala ĩ! Nzapa ndo da gã, lo da na olo, lo nga na gangɔ. Wa lo li bɛ hɛ̃ ĩ nzɔ̃ bɛ ma ke! Lo li bɛ nga ya, bɛ ĩ adu pii ma ke! Atɔrɔ tɛ lo mbara mbara mɛ ndolonga so gbɛlɛ ngɛndɛ gbia tɛ lo ali bɛ nzɔ̃ bɛ hɛ̃ ĩ ma ke! Ala li bɛ nga ya, bɛ ĩ adu pii ma ke!

Suma 1:8

Gbia Nzapa mɛ Lombe, lo ndo da, lo da na olo, lo nga na gangɔ, lo pa ya, ni wa tongɔ nda aye zu, ni nga wa kɔngɔ nda aye zu.

Suma 10:4

Ngoi mɛ ngu ni ĩ kini wɛ ko, mbi separa ya mbi su tɛnɛ ni na mbɛti, ko mbi ma legɔ̃ zo adu ka ndozu, apa hɛ̃ mbi ya, tɛnɛ ko la mbi ma na nyɔ ngu mɛ akini fani mbara mbara ko, mbi bata ni ka bɛ mbi, ta mbi su ni na mbɛti ma.

Suma 14:13

So pɛni, mbi ti ma legɔ̃ zo adu ka ndozu, apa hɛ̃ mbi ya, mbi su tɛnɛ olo. Tɛnɛ ni lo mɛ: “Dengɔ bɛ ati na azi ko la ato na olo, ala ndokpili na ya kwa tɛ Gbia Nzapa!” Tɔrɔ Santo apa nga ya: “Seni la biani. Ala lengbi ti wɔngɔ tɛrɛ la na ló kpengba kwa mɛ ndo ala li, ta sanga ma, lɛ kwa mɛ ndo ala li asi yango.”

Suma 19:9

Angelo apa hɛ̃ mbi ya, mbi su tɛnɛ mɛ ni tɛnɛ. Tɛnɛ ni lo mɛ: “Dengɔ bɛ ati na azi mɛ ndo aili la ya, ala ga atɛ yenga tɛ Nyi Ngasã Ngbaga mɛ adu na wali.” Angelo apa nga hɛ̃ mbi ya: “Tɛnɛ ni adu bɛta tɛnɛ mɛ Nzapa atɛnɛ.”

Suma 2:1

“Su tɛnɛ olo mɔ to hɛ̃ angelo mɛ ndobata awa Eklezia ti Efɛzɛ. Tɛnɛ ni alo ka nyɔ zo mɛ agbɔ̃ atongolo mbara mbara na kɔti ti lo, zo ni ndodɔ nɔ na popo ti gɛrɛ wá mbara mbara mɛ alɛkɛ na wɔrɔ. Zo ni ko apa ya,

Suma 2:12

“Su tɛnɛ olo mɔ to hɛ̃ angelo mɛ ndobata awa Eklezia ti Pɛrgamɛ. Tɛnɛ ni alo ka nyɔ zo mɛ lɛ zabe tɛ lo ndoɔ̃ mbage na mbage. Zo ni ko apa ya,

Suma 2:18

“Su tɛnɛ olo mɔ to hɛ̃ angelo mɛ ndobata awa Eklezia ti Tiatirɛ. Tɛnɛ ni alo ka nyɔ Nyi Nzapa mɛ lɛ lo ndoza nga ma menga wá. Papu gɛrɛ lo ndosũ nga ma nwa mɛ ayo tɛre ni ati pɔlɔkɔ pɔlɔkɔ. Zo ni ko apa ya,

Suma 2:24

“Wa tɛ ĩ atanga awa Eklezia ti Tiatirɛ ko la ta ĩ hɛ̃ tɛrɛ ĩ na lo ti siɔ ye mɛ zo wali ko aha ma, ta ĩ hĩnga nga ye mɛ azi ndoili ya: ‘Sekele tɛ Satana’ ma ko, ni pa hɛ̃ ĩ ya, ta ni na kwa mɛ ndɛ̃ kɔi ti hɛ̃ngɔ hɛ̃ ĩ ma.

Suma 2:8

“Su tɛnɛ olo mɔ to hɛ̃ angelo mɛ ndobata awa Eklezia ti Simirnɛ. Tɛnɛ ni alo ka nyɔ wa tongɔ nda aye zu, lo mɛ nga wa kɔngɔ nda aye zu, lo kpi ndo, lo so na pe kwa. Zo ni ko apa ya,

Suma 21:5

La zo mɛ adu so ndo ngɛndɛ gbia apa ya: “Na olo ko, mbi li aye zu fanani.” Lo pa hɛ̃ mbi ya: “Su tɛnɛ mɛ, ta sanga ma, tɛnɛ ni adu bɛta tɛnɛ, adu nga tɛnɛ mɛ zo alengbi ti kpãngɔ bɛ lo ndo ni.”

Suma 22:10

Lo pa nga hɛ̃ mbi ya, tɛnɛ mɛ alo ka nyɔ Nzapa la mbi su na ya buku olo mɛ ko, ta mbi bata ni ka ya bɛ mbi ma, ale mbi pa ni. Ta sanga ma, ngoi ti singɔ tɛ aye ni ko zu adoli wɛ.

Suma 22:16

“Mbi Yezo, mbi to angelo tɛ mbi ya, lo pa tɛnɛ olo zu hɛ̃ ĩ azi ti Eklezia. Mbi lo na nda se wa tɛ Davidi, mbi tara lo mɛ ndo ĩ ma ya, mbi na gangɔ. Mbi nga ma tongolo mɛ ndosũ na nyɔ ndã.”

Suma 3:1

“Su tɛnɛ olo mɔ to hɛ̃ angelo mɛ ndobata awa Eklezia ti Sardɛ. Tɛnɛ ni alo ka nyɔ zo mɛ na atɔrɔ tɛ Nzapa mbara mbara, lo nga na atongolo mbara mbara. Zo ni ko apa ya, ni hĩnga ye zu mɛ ĩ ndoli. Ni hĩnga ya, pa ili ĩ afɔnɔ ya, ĩ dɛ lɛ ĩ ngɛ̃, kanda ĩ du azi mɛ ĩ kpili wɛ.

Suma 3:14

“Su tɛnɛ olo mɔ to hɛ̃ angelo mɛ ndobata awa Eklezia ti Laodisea. Tɛnɛ ni alo ka nyɔ zo mɛ ili lo la ‘Seni la’. Lo bɛta temwɛ tɛ Nzapa, lo nga bɛta wa pangɔ tɛnɛ. Nzapa ali ndo ye zu ti ndo lo. Zo ni ko apa ya,

Suma 3:4

Kanda so ya Eklezia tɛ ĩ nvɛni ti Sardɛ ko, ambanga azi mɛ abata bɔngɔ tɛ la ya, ta avu ma da. Ala yu gbanda mbufu bɔngɔ, ko ni na la, ani dɔ nɔ ndoni kɔi. Ta sanga ma, ala du azi mɛ alengbi ti dɔngɔ nɔ ndoni kɔi na ni.

Suma 3:7

“Su tɛnɛ olo mɔ to hɛ̃ angelo mɛ ndobata awa Eklezia ti Filadɛlfia. Tɛnɛ ni alo ka nyɔ zo mɛ santo, zo mɛ bɛta zo, zo mɛ ndobata nyi kɛrɛrɛ tɛ gbia Davidi, zo mɛ se lo zi nyɔ ngise ko, ta zo kɔi alengbi ti vĩngɔ ni ma. Se lo vĩ nga nyɔ da ko, ta zo kɔi alengbi nga ti zingɔ ni ma.