Suma 1:10 - Fana Ngbangɔ 1987

¹⁰ Mbanga lá yenga kɔi, Tɔrɔ Santo asa tɛrɛ mbi, ko mbi hũ suma. La mbi ma legɔ̃ zo so pɛko mbi ndotɛnɛ tɛnɛ na kɔngɔ, nga ma se mɛ mbana ndokpale na ni.

Suma 1:10 Iomraidhean Croise

Matie 22:43

Yezo apa hɛ̃ la ya: “Wa kɔdɛ mɛ ndo Tɔrɔ Santo azi kɔdɛ li Davidi, ko Davidi aili lo ya lo Gbia sia? Ta sanga ma, Davidi apa ndo ya:

Yoanɛ 20:19

Ĩ ti na ndɔ, bo na la yenga ni ko, ava lo abombi tɛrɛ la na ya da kɔi, ala tolo nyɔ ngise ni na kɛrɛrɛ, ta sanga ma, ala ndokpɛ ndo mbɛtɔ tɛ agbia tɛ Ayuda. La Yezo aga so popo tɛ la, alo so ndo bɛ ni, apa hɛ̃ la ya: “Bɛ ĩ adu piini!”

Yoanɛ 20:26

Ĩ la so pɛni pɔsɔ kɔi ko, ava Yezo ti bombi tɛrɛ la na ya da, ko Toma nga ndo so popo tɛ la. Ala tolo ndo nyɔ ngise na kɛrɛrɛ. Ko Yezo aga so popo tɛ la, alo so ndo bɛ ni, apa hɛ̃ la ya: “Bɛ ĩ adu piini!”

Awa Pangɔ Kwa 20:7

Ĩ ti na lá pɔsɔ na ndɔ ko, e bombi tɛrɛ e ndoni kɔi so tɛngɔ Tɛ tɛ Gbia, la Polo atɛnɛ tɛnɛ hɛ̃ azi. Lo ha azi na ye ngbĩi ati na bɛ bi, ta sanga ma, adu ndo ya, se ndã ade ko, lo ɔ.

1 Kɔrinto 12:3

Nda mɛ mbi separa pangɔ hɛ̃ ĩ ya, zo ko la na nguru tɛ Tɔrɔ Santo ko, ta lo lengbi ti pangɔ ya: “Nzapa azonga bɛ Yezo ma ke” ma! Wa zo ko la ta na nguru tɛ Tɔrɔ Santo ma ko, ta lo lengbi ti pangɔ na nyɔ lo ya: “Yezo lo Gbia” ma!

1 Kɔrinto 16:2

Lá yenga kɔi kɔi ko, ale zo kɔi kɔi na popo tɛ ĩ ahã nyɔ faranga tɛ lo na se mɛ lo ndolua na ni, akpa katɛ, ko ta ĩ to nda sɔrɔngɔ faranga ni bo na ngoi mɛ gbanda mbi si kai ma.

Suma 17:3

So pɛni, Tɔrɔ Santo asa tɛrɛ mbi, la angelo ko ayɔ mbi, agwe na mbi ka bɛ ndo. Ngoi mɛ mbi si kai ko, mbi hũ zo wali kɔi adu ndo sa. Tɛrɛ sa ni bengbani, li lo mbara mbara, nza li lo sui kɔi. Ili mɛ ndoguru Nzapa amu tɛrɛ sa ni zu.

Suma 21:10

Tɔrɔ Santo asa tɛrɛ mbi, la angelo ayɔ mbi, anɔ na ni ka bɛ li hɔtɔ mɛ ganguruni. Lo fa mbi na Yeruzalɛmɛ, bɛta kɔdɔrɔ mɛ alo ka ndozu ka tɛ Nzapa, la azu ge tise.