Suma 1:1 - Fana Ngbangɔ 1987

¹ Buku olo ndopa lo ti aye mɛ ndo Yezo Kristo afa na Yoanɛ na ya suma. Nzapa afa na Yezo ya, lo fa awa kwa tɛ ni na aye mɛ na singɔ bo lo mɛ. La Yezo ato angelo tɛ lo ya, lo nɔ ka tɛ wa kwa tɛ ni Yoanɛ, lo fa lo na aye ni ko.

Suma 1:1 Iomraidhean Croise

Yoanɛ 12:49

Ta sanga ma, atɛnɛ mɛ mbi ndotɛnɛ ko, ta mbi ndotenɛ na nguru tɛ mbi nvɛni ma. Kanda atɛnɛ mɛ mbi lengbi ti tɛnɛngɔ, na aye mɛ mbi lengbi ti hangɔ ko, mbi ndoli ni na se nyɔ To mbi nvɛni mɛ wa tongɔ mbi.

Yoanɛ 15:15

Ko ta mbi ti ili ĩ ya, ĩ awa kwa tɛ mbi ma, na lo mɛ ya, ta wa kwa ndohĩnga ye mɛ gbia tɛ lo ndosepara lingɔ ma. Mbi ili ĩ ya, ĩ afɔ̃ mbi, na lo mɛ ya, mbi fa ĩ na ye zu mɛ ndo mbi ma ka nyɔ To mbi.

Yoanɛ 17:8

ta sanga ma, atɛnɛ mɛ ndo mɔ tɛnɛ hɛ̃ mbi ko, mbi tɛnɛ nga hɛ̃ la, ala ye lo ni. Ala hĩnga ya, mbi lo ka tɛ mɔ biani la mbi ga, ala ye nga ya, mɔ la mɔ to mbi.

Yoanɛ 3:32

Lo ndopa lo ti aye mɛ lo hũ, nga na atɛnɛ mɛ lo ma, ko ta zo kɔi ndoye tɛnɛ tɛ lo ma.

Yoanɛ 8:26

Mbi na tɛnɛ ma wo ma ti tɛnɛngɔ na lo tɛ ĩ, nga ti fangɔ ngbanga ni. Kanda wa tongɔ mbi ndotɛnɛ beta tɛnɛ. Ko tɛnɛ mɛ mbi ndopa hɛ̃ azi ti lɛ sese adu tɛnɛ mɛ mbi ma ka nyɔ lo.”

Roma 16:25

E gonda Nzapa! Lo na nguru ti kpengbangɔ na lo yengɔ tɛ ĩ, ko se mɛ Nzɔ̃ Pa tɛ Yezo Kristo mɛ mbi ndopa hɛ̃ azi ndopa nga na ni la. Ndo gã ko, Nzapa ahɔndɛ ndo Nzɔ̃ Pa ni na azi,

Galatia 1:12

Ta mbi ma ni ka nyɔ zo ma, ta zo nga la aha na mbi ma. Yezo Kristo la afa na mbi.

Efɛzɛ 3:3

Nzapa afa mbi na lo mɛ ndo lo hɔndɛ na azi gã, ya mbi hĩnga ni, nga ma se mɛ mbi pia mbi su hɛ ĩ na nyi mbɛti olo.

Tito 1:1

Mbi Polo mɛ wa kwa tɛ Nzapa, mbi mɛ nga wa pangɔ kwa tɛ Yezo Kristo la mbi to mbɛti olo hɛ̃ mɔ Tito. Mbi bala mɔ. Nzapa ahɛ̃ mbi kwa ya, mbi za azi tɛ ni mɛ ni sara la ni kpa. Mbi ndoza la ya, ala ye lo tɛ lo, ala hĩnga nga bɛta lo mɛ ndofa sé du mɛ ndode bɛ lo.

Suma 1:19

Wa su aye mɛ mɔ hũ. Su aye mɛ ndosi na olo mɛ, nga na aye mɛ na gangɔ gesi.

Suma 1:9

Mbi Yoanɛ nyita ĩ, mbi mɛ mbi na ĩ, nga na Yezo Kristo e ti bo kɔi ko, mbi ndohũ pɛnɔ mɛ ĩ ndohũ nga. Mbi na ĩ e ndogbe be e na ya pɛnɔ ni. Mbi na ĩ e du azi ti Kɔdɔrɔ Gbia tɛ lo. Agbɔ̃ ndo mbi ato ka ya zúa ti Patimɔsi, na lo mɛ ya, mbi pa tɛnɛ tɛ Nzapa mɛ Yezo Kristo temwɛ ni.

Suma 17:1

Na popo tɛ aangelo mbara mbara mɛ agbɔ̃nɔ akangu so ti la ko, angelo kɔi aga apa hɛ̃ mbi ya: “Ga, mbi fa mɔ na se mɛ Nzapa na hɛ̃ngɔ na etumbu hɛ̃ ngbabo. Ngbabo ni adu kɔdɔrɔ mɛ adu na ndo mɛ ngu da zababa.

Suma 19:10

Lo ĩ tɛnɛ so ko, mbi kuku gbɛlɛ lo ya mbi vɔrɔ lo, lo pa nga hɛ̃ mbi ya, ta mbi vɔrɔ ni ma. Ni nga wa kwa tɛ Nzapa nga ma mbi na afɔ̃ mbi mɛ ndo abata bɛta tɛnɛ mɛ ndo Yezo afa na la. Lo pa nga hɛ̃ mbi ya, ale mbi vɔrɔ bo Nzapa. Bɛta tɛnɛ mɛ ndo Yezo afa na azi ko, bɛta tɛnɛ ni ahɛ̃ nguru hɛ̃ awa pangɔ nyɔ Nzapa, la ala ndopa ni.

Suma 19:9

Angelo apa hɛ̃ mbi ya, mbi su tɛnɛ mɛ ni tɛnɛ. Tɛnɛ ni lo mɛ: “Dengɔ bɛ ati na azi mɛ ndo aili la ya, ala ga atɛ yenga tɛ Nyi Ngasã Ngbaga mɛ adu na wali.” Angelo apa nga hɛ̃ mbi ya: “Tɛnɛ ni adu bɛta tɛnɛ mɛ Nzapa atɛnɛ.”

Suma 21:2

Mbi hũ kɔdɔrɔ tɛ Nzapa, adu fana Yeruzalɛmɛ mɛ alo ka tɛ Nzapa ka ndozu, azu ge tise. Nzapa alɛkɛ kɔdɔrɔ ni nzɔ̃ni, nga ma wali mɛ afua tɛrɛ lo so gwengɔ ka tɛ kɔ lo.

Suma 21:9

Na popo tɛ aangelo mbara mbara mɛ ndo agbɔ̃nɔ kangu mbara mbara so ti la, na andangba pɛnɔ mbara mbara mɛ asĩsĩ ya ni ko, angelo kɔi aga apa hɛ̃ mbi ya, mbi ga, ni fa mbi na wali mɛ Nyi Ngasã Ngbaga na dungɔ na lo.

Suma 22:1

Angelo ko afa nga mbi na ngu mɛ ndohɛ̃ zo bɛta du. Le ngu ni ndosũ bai bai nga ma lɛ tala tala. Ngu ni ndosi na ya ngɛndɛ gbia tɛ Nzapa na tɛ Nyi Ngasã Ngbaga.

Suma 22:16

“Mbi Yezo, mbi to angelo tɛ mbi ya, lo pa tɛnɛ olo zu hɛ̃ ĩ azi ti Eklezia. Mbi lo na nda se wa tɛ Davidi, mbi tara lo mɛ ndo ĩ ma ya, mbi na gangɔ. Mbi nga ma tongolo mɛ ndosũ na nyɔ ndã.”

Suma 22:6

So pɛni, angelo apa hɛ̃ mbi ya: “Tɛnɛ olo adu beta tɛnɛ, adu nga tɛnɛ mɛ zo alengbi ti kpãngɔ bɛ lo ndo ni. Gbia Nzapa mɛ wa hɛ̃ngɔ Tɔrɔ Santo tɛ lo hɛ̃ awa pangɔ nyɔ lo, ato angelo tɛ lo ya, lo fa awa kwa tɛ ni na alo mɛ na singɔ bo lo mɛ.”

Suma 22:8

Mbi Yoanɛ, mbi ma ndo tɛnɛ ni, mbi hũ nga ndo alo ni na lɛ mbi. Ko ngoi mɛ ndo mbi ma ni, mbi hũ nga ni wɛ ko, mbi kuku ndo so gbɛlɛ angelo mɛ afa mbi na aye ni ko, ya mbi vɔrɔ lo.

Suma 22:9

Ko lo pa hɛ̃ mbi ya, ta mbi vɔrɔ ni ma! Ni nga wa kwa tɛ Nzapa nga ma mbi na afɔ̃ mbi mɛ awa pangɔ nyɔ Nzapa, nga na azi zu mɛ ndotɔndɔ tɛnɛ mɛ asu na ya buku olo mɛ. Ale mbi vɔrɔ bo Nzapa!

Suma 4:1

So pɛni, mbi hũ suma mɛ ndɛ̃, ko mbi hũ nyɔ ngise mɛ azi zingɔ ka yayu, angbã gapoo. Zo ko ndo atɛnɛ tɛnɛ hɛ̃ mbi uzu ko, mbi ti mbi ma legɔ̃ lo so ndotɛnɛ tɛnɛ nga ma mbana la ndokpale. Lo tɛnɛ hɛ̃ mbi ya, mbi ma ka ndozu, ko ni fa mbi na aye mɛ na gangɔ gesi.

Suma 5:7

La Nyi Ngasã Ngbaga ni ai tɛrɛ lo ka tɔ̃nda Zo mɛ adu so ndo ngɛndɛ gbia, amu buku mɛ Zo ko agbɔ na kɔti ti lo.