Marko 8:2 - Fana Ngbangɔ 1987

² “Vundu tɛ azi olo agbɔ̃ mbi sĩ, ta sanga ma, e na la e li ndo mɛ bi ta, ko ta ala na ye ti tɛngɔ kɔi ma.

Marko 8:2 Iomraidhean Croise

Matie 14:14

Yezo ĩ lo ka ya ngɔ ĩ ko gegi ko, lo hũ azi butu butu, ko vundu tɛ la agbɔ̃ lo sĩ. Ko lo to nda sárangɔ nga tɛ azi mɛ azi ko aga na la.

Matie 20:34

Yezo ama vundu tɛ la, abɔrɔ lɛ la. Bo na ngoi ni ko, ala zu sɛ ahũ ndo, la ala na Yezo aɔ ndoni kɔi.

Matie 9:36

Lo ĩ hũ azi butu butu ko, vundu tɛ la agbɔ̃ lo sĩ, ta sanga ma, ala nzɛ̃ ndo, ko mi agbɔ̃ ndo nga la, nga ma se tɛ angasã ngbaga mɛ ta wa batangɔ la da ma.

Marko 1:41

Vundu tɛ wa ndiba ko agbɔ̃ Yezo ma wo ma, la Yezo aye ti lo, abɔrɔ tɛrɛ lo, apa hɛ̃ lo ya: “Mbi ye, ndiba tɛ mɔ awe!”

Marko 5:19

La Yezo akɛ̃, apa hɛ̃ kɔli ko ya: “Diri ka tɛ asongo mɔ, mɔ pa hɛ̃ la lo zu mɛ Gbia Nzapa ali tɛrɛ mɔ na nzɔ̃ bɛ tɛ lo.”

Marko 6:32

La ala ko ya ngɔ, agwe na kunɛ la ka bɛ ndo.

Marko 6:34

Yezo ĩ lo ka ya ngɔ ĩ ko gegi ko, lo hũ azi butu butu, ko vundu tɛ la agbɔ̃ lo sĩ, ta sanga ma, ala da ndo nga ma angasã ngbaga mɛ ta wa batangɔ la da ma. Ko lo to nda hangɔ la na tɛnɛ tɛ Nzapa ma wo ma.

Marko 8:3

Se mbi pa ya, ala diri ka tɛ la na gwɛ̃ ya la ko, nzɛ̃ngɔ na ɔngɔ ndo la ka ta lege. Ta sanga ma, na popo tɛ la ko, ambanga azi gba alo ka yɔngɔrɔ ndo.”

Marko 9:22

Fani sĩni la siɔ tɔrɔ olo ndokinda lo na ya wa, nga na ya ngu ya, ni ho lo. Kanda se mɔ lengbi ti lingɔ ye ko, ma vundu tɛ e, wa mɔ za e!”

Luka 15:20

La lo hã nɔ, lo diri ka tɛ to lo. “Ngoi mɛ to lo ahũ lo ka yɔngɔrɔni so ndo ga ko, lo ma vundu tɛ nyi lo, la lo su kpɛ, lo nɔ so ngorongɔ lo. Ala ĩ tengbi ko, lo bɔmbɔ nyi lo, lo fɔ̃ lo na tɛrɛ lo ka ka ka.

Luka 7:13

Ngoi mɛ Gbia Yezo ĩ hũ we muã ko ko, ama vundu tɛ lo, apa hɛ̃ lo ya: “Zia to!”

Aebreo 2:17

Nda mɛ ndo ale lo ti kwɛ kɔi nga ma ayata lo azi la. Ale lo ti ndo nga ma la, wadila lo ti kota gbia tɛ awa lungɔ Nzapa na ye na lo tɛ la. Ale lo li ndo so, wadila lo li kwa ka gbɛlɛ Nzapa bɛ lo kɔi, ko lo ma nga vundu tɛ azi, lo tiɔ sende ti siɔ ye tɛ la.

Aebreo 4:15

E na kota gbia tɛ awa lungɔ Nzapa na ye, lo ndoma vundu tɛ e, na lo mɛ ya, Satana atara ndo bɛ lo na ya alo zu, nga ma se mɛ lo ndotara na bɛ e. Kanda tɛ lo ko, ta lo li ndo siɔ ye kɔi ma.

Aebreo 5:2

Zo mɛ wa lungɔ Nzapa na ye ko, lo nvɛni nga zo mɛ bɛ lo woni. Na lo ni ko, lo lengbi ti rnangɔ vundu tɛ azi zu mɛ ta ahĩnga lo tɛ Nzapa ma. Lo lengbi nga ti mangɔ vundu tɛ azi zu mɛ ayu lege tɛ Nzapa.