Marko 7:4 - Fana Ngbangɔ 1987

⁴ Ngoi mɛ se ala lo ka ngere aga, uzu ti la tɛngɔ ye ko, ala kpo ti la. Ala ndotɔndɔ ambanga se li ye mɛ ndɛ̃ zu mɛ ndo akotara la aha na la. Ambanga se li ye ni lo mɛ: kpongɔ kangu na ta ngu, kpongɔ ta nwa nga na tange na seni.

Marko 7:4 Iomraidhean Croise

Matie 23:25

“Siɔ lo ati na ĩ awa hangɔ ndia, ati nga na ĩ Afarizeo! Ĩ du awa poroso! Ĩ ndokpo koko kangu nga na koko sɛmbɛ tɛ ĩ, kanda ka ya bɛ ĩ ko, ĩ na gwɛ̃ ti nzĩngɔ ye sĩ, ĩ na zugbu sĩ.

Matie 23:26

Mɔ Farizeo mɛ mɔ nga ma wa ziba ee! Kpo ya kangu tɛ mɔ uzu, wa se mɛ nga mɔ kpo ndoko ni avuru la.

Matie 27:24

Ngoi mɛ Pilato ĩ hũ ya, ni ha gba, ko azi ndotɔmbɔkɔ bo tɔmbɔkɔ ko, lo mu ngu, lo kpo na ti lo so gbɛlɛ azi ko butu butu, lo pa hɛ̃ la ya: “Ta nda kwá tɛ kɔli olo tɛrɛ mbi ma! Oko aba ĩ!”

Marko 7:8

Yezo apa hɛ̃ la ya: “Ĩ dɔ ndia tɛ Nzapa ĩ zia, ko ĩ ndoye sé du tɛ azi ti lɛ sese.”

Yoanɛ 2:6

Ambanga ta ngu mana mɛ asɔ̃ na tɛnɛ ndo so ndo ko. Na se li ye tɛ Ayuda ko, ala ndotolo ngu na ya ni, na lo ti tɔrɔke ti onzingɔ na ló. Ta ni kɔi ndomu mbenda sui miambe, bere mbenda ngbangbo kɔi ndoni sui sɛ.

Yoanɛ 3:25

Ko ambanga ava Yoanɛ, na wa Yuda mɛ ndɛ̃ kɔi ato nda bimbingɔ tɛnɛ na lo ti tɔrɔke ti onzingɔ ló tɛrɛ zo.

Aebreo 9:10

Aye ko zu adu bo andia mɛ aba lo ti tɛ ti tɛngɔ, aba aye ti nyɔngɔ, aba nga atɔrɔke ndɛ̃ ndɛ̃ ndɛ̃ ti onzingɔ ló na tɛrɛ zo. Andia ni ko adu bo na lo ti aye ti lɛ sese, ko andia ni ko ade ali kwa, nga ka Nzapa ati alɛkɛ aye zu ati fanani hĩ wadila.

Zaki 4:8

Ĩ fɔ̃ tɛrɛ ĩ na Nzapa, wa Nzapa afɔ̃ nga tɛrɛ lo na ĩ. Ĩ awa lingɔ siɔ ye, ta ĩ ti li siɔ ye ma. Ĩ azi mɛ nyɔ ĩ se se, ĩ lɛkɛ bɛ ĩ!

1 Yoanɛ 1:7

Kanda se e dɔ nɔ na ya vuru ndo, nga ma se mɛ Nzapa nvɛni ndodu na ya vuru ndo, wadila dangɔ bɛ tɛ e na tɛ afɔ̃ e awa Kristo ati bo kɔi, ko mɛnɛ tɛrɛ Nyi lo Yezo akpo siɔ ye tɛ e zu.