Marko 7:2 - Fana Ngbangɔ 1987

² Ala hũ ya, tɛ ambanga ava Yezo, uzu ti la tɛngɔ ye ko, ta ala ndokpo ti la nga ma se mɛ sé du tɛ akotara la aha na lo ma.

Marko 7:2 Iomraidhean Croise

Matie 15:2

“Nda mɛ ta ava mɔ ndotɔndɔ sé du tɛ akotara e ma nɛ? E tɛnɛ so, ta sanga ma, uzu ti la tɛngɔ ye ko, ta ala ndokpo ti la nga ma se mɛ sé du tɛ akotara la aha ma.”

Marko 7:5

Afarizeo na awa hangɔ ndia ahũnda Yezo ya: “Nda mɛ ta ava mɔ ndotɔndɔ sé du tɛ akotara la ma nɛ? Uzu ti la tɛngɔ ye ko, nda mɛ ta ala ndokpo ti la ma nɛ?”

Luka 11:38

Farizeo ko ĩ hũ ya, na se li ye tɛ akotara ani, ta Yezo akpo ti lo uzu ti lo tɛngɔ ye ma ko, lo bema.

Awa Pangɔ Kwa 10:28

Lo pa hɛ̃ la ya: “Ĩ hĩnga ya, ndia tɛ e Ayuda akɛ̃ ya, ta wa Yuda kɔi adu songo ana zo mɛ ta lo wa Yuda ma. Ndia ni akɛ̃ nga ya, ta wa Yuda kɔi ali ka ya tɛ zo mɛ ta lo wa Yuda ma. Kanda Nzapa apa biri hɛ̃ mbi ya, ta mbi mu zo kɔi ya, bi tɛr-ɛ lo ma.

Awa Pangɔ Kwa 11:8

La mbi gbinya ya: Tpɔ, Gbia, mbi kɛ̃, ta sanga ma, ta mbi dɛ mbi tɛ ye mɛ bi tɛrɛ ni fani kɔi ma.’

Roma 14:14

Nga ma la mbi e na Gbia Yezo e ti bo kɔi ko, mbi hĩnga nzɔ̃ni nvɛni ya, ta mbanga tɛ kɔi mɛ siɔni da ma. Kanda se zo ada bɛ lo ya, mbanga tɛ kɔi adu siɔni, wa se lo ti tɛ ni ko, afa ya, lo li siɔni.

Aebreo 10:29

Singa na zo mɛ se lo kɛ̃ tɔndɔngɔ ndia tɛ Mɔizɛ ko, ahɛ̃ lo etumbu, o singa na zo mɛ akɛ̃ nyɔ Nyi Nzapa ma! Se mɔ zo mɔ samana na Nyi Nzapa, mɔ samana nga na mɛnɛ tɛrɛ lo mɛ akpo asiɔ ye tɛ mɔ azi ko, etumbu tɛ mɔ asɔ gbanda sĩ nvɛni. Se mɔ zo mɔ guru nga Tɔrɔ Santo mɛ ndofa mɔ na se mɛ Nzapa ndoli na nzɔ̃ bɛ hɛ̃ mɔ ko, etumbu tɛ mɔ asɔ nga gbanda sĩ nvɛni!

Suma 21:27

Ta ye kɔi ti bi, bere zo kɔi mɛ ahɛ̃ tɛrɛ lo na lingɔ siɔ ye, bere ahɛ̃ nga tɛrɛ lo so pangɔ nvɛnɛ ali gbanda kai ma, wenge bo azi mɛ asu ili la na ya buku mɛ asuru na ili azi mɛ alua du ti kaka. Buku ni adu tɛ Nyi Ngasã Ngbaga.