Marko 6:3 - Fana Ngbangɔ 1987

³ Lo mɛ wa surungɔ kpongbo, lo mɛ nga nyi Maria, ayata lo ti kɔli la Zaki, Yozɛ, Yudɛ nga na Simɔ, ayata lo mɛ awe ndodu nga so popo tɛ e ko, ta lo lo ma?” Ko alo ni ko zu agbanzi azi ti kɔdɔrɔ ni na yengɔ lo tɛ Yezo.

Marko 6:3 Iomraidhean Croise

Matie 11:6

Dengɔ bɛ ati na zo ko la ta lo zia yengɔ lo tɛ mbi ma!”

Matie 12:46

Ngoi mɛ Yezo ade na tɛnɛngɔ tɛnɛ hɛ̃ azi butu butu ko, ta lo na ayata lo asi. Ala ndo ka gegi, ko ala ndogi ndo kɔdɛ ya, ani tɛnɛ tɛnɛ hɛ̃ lo.

Marko 15:40

Awe nga ndo so ndo ko, ala longa ka yɔngɔrɔni so ndoba Yezo. Na popo tɛ la ko, ambanga awe mɛ ndo nga da lo mɛ: Maria wa Magadala, na Salome, na Maria ta Zaki kɛtɛ, lo mɛ nga ta Yozɛ.

Marko 3:18

na Andre, na Filipo, na Bartelemi, na Matie, na Toma, na Zaki mɛ nyi Alafe, na Tadeo, na Simɔ mɛ wa gingɔ lipandasi,

Luka 2:34

Simeona asunu la, apa hɛ̃ Maria ta Yezo ya: “Nzapa asara nyingambi olo akpa ya, na lo tɛ lo ko, ngbanga ati na ambanga awa Izrayɛlɛ gba, ko ngbanga tɛ ambanga mɛ ndɛ̃ gba adɛ̃. Nzapa na fangɔ azi na ye mɛ lo na lingɔ ti ndo lo, kanda ala na kɛ̃ngɔ lo.

Luka 7:23

Dengɔ bɛ ati na zo ko la ta zia gbanda yengɔ lo tɛ mbi ma.”

Luka 8:20

La azi apa hɛ̃ Yezo ya: “Ta mɔ na ayata mɔ la ka gegi, ala ye bangɔ mɔ.”

Yoanɛ 14:22

La Yudasi (ta Yudasi lskariɔtɛ ma) ahũnda lo ya: “Gbia, kɔdɛ mɛ mɔ na fangɔ tɛrɛ mɔ bo na e kɔi, ko ta mɔ na fangɔ tɛrɛ mɔ na azi mɛ ndɛ̃ ma sia?”

Yoanɛ 6:42

Ala so ndopa ya: “Yezo mɛ nyi Yozɛfu, e hĩnga to lo na ta lo ko, ta lo lo mɛ ma? Kɔdɛ mɛ lo pa na olo mɛ ya, ni lo ka ndozu la ni zu sia?”

Awa Pangɔ Kwa 1:13

Ala ĩ si ka Yeruzalɛmɛ, na se li ye tɛ la ko, ala ma ka ya da kɔi mɛ ka ndozu. Ili awa pangɔ kwa ni ko ndo lo mɛ: Petro, na Yoanɛ, na Zaki, na Andre, na Filipo, na Toma, na Bartelemi, na Matie, na Zaki mɛ nyi Alfe, na Simɔ wa gingɔ lipandasi, nga na Yudɛ mɛ nyi Zaki.

Awa Pangɔ Kwa 12:17

Lo pɛpɛ ti lo hɛ̃ la ya, ala du kpɔ, la lo pa hɛ̃ la se mɛ ndo Gbia amu na lo ka ya da bɔlɔkɔ asi na ni. Lo pa nga hɛ̃ la ya: “Ĩ pa tɛnɛ olo hɛ̃ Zaki, na ayata e mɛ ndɛ̃ mɛ awa Kristo.” So pɛni, lo si, lo gwe ka ndo mɛ ndɛ̃.

1 Kɔrinto 1:23

Kanda tɛ e ko, e ndopa lo tɛ Yezo Kristo mɛ ndo agɔngɔ lo ndo krusi. Ko ngoi mɛ Ayuda ndoma lo ni ko, andosɔ bɛ la sĩ, ko azi mɛ ta Ayuda ma ndohũ ni ka lɛ la nga ma tɛnɛ ti nyingɔ.

1 Kɔrinto 9:4

Biani, mbi lengbi ti luangɔ tɛ ti tɛngɔ, nga na ye ti nyɔngɔ na lege ti kwa mɛ mbi ndoli.

Galatia 1:19

Ta mbi hũ mbanga wa pangɔ kwa tɛ Yezo kɔi na lɛ mbi ma, kanda bo Zaki mɛ nyita Gbia Yezo la mbi hũ lo.

1 Petro 2:4

Ale ĩ i tɛrɛ ĩ ka tɔ̃nda Gbia Yezo mɛ ndohɛ̃ azi bɛta du. Lo nga ma kota tɛ̃ne mɛ ndo azi akɛ̃ abi, ko Nzapa asara ndo lo akpã, na lo mɛ ya, lo ngbondoni ka lɛ ni.

Yudɛ 1:1

Mbi Yudɛ mɛ wa kwa tɛ Yezo Kristo, mbi mɛ nga nyita Zaki la mbi su mbɛti olo mɛ. Mbi to ni hɛ̃ ĩ azi mɛ To e Nzapa aye ĩ, aili nga ĩ ya, ĩ du azi tɛ ni, ĩ mɛ Yezo Kristo ndobata ĩ. Mbi bala ĩ.