Marko 6:2 - Fana Ngbangɔ 1987

² Ĩ da na lá ti wɔngɔ tɛrɛ ko, lo to nda hangɔ azi na tɛnɛ tɛ Nzapa ka ya da sambela. Azi gba mɛ ama tɛnɛ tɛ lo abema sĩ. Ala so ndopa ya: “Oko alo wa? Lo lua ndara olo so wa? Zo mɛ ahɛ̃ lo kɔdɛ ti lingɔ na aye ti kpɛnɛ olo na?

Marko 6:2 Iomraidhean Croise

Matie 4:23

Yezo afɔnɔ ndo ka sese ti Galilea zu. Lo ha azi na tɛnɛ tɛ Nzapa ka ya da sambela ti sese ni ko, lo pa Nzɔ̃ Pa ti lo Eɛngɔ Gbia tɛ Nzapa, lo sara nga awa ngã zu, nga na pɛnɔ zu mɛ na tɛrɛ azi.

Matie 7:28

Ngoi mɛ Yezo ĩ kɔ nda hangɔ alo ni na azi butu butu wɛ ko, ala bema sĩ na lo ti se kɔdɛ tɛ lo ti hangɔ la na ye,

Marko 1:39

So pɛni, lo fɔnɔ na lɛ sese ti Galilea zu, so pangɔ tɛnɛ tɛ Nzapa na ya ada sambela, lo toma nga asiɔ tɔrɔ na ya tɛrɛ azi.

Marko 10:1

Yezo alo so ndo ko, agwe ka sese ti Yudea. So pɛni, lo fa ngu mɛ ili ni la Yurdɛnɛ. Azi aga butu butu abombi tɛrɛ la fani mɛ ndɛ̃ so tɔ̃nda lo, la lo ha la na tɛnɛ tɛ Nzapa, nga ma se mɛ lo ndoli na ni ngoi zu.

Luka 2:47

Azi zu mɛ ndo ama lo abema na lo kɔdɛ tɛ lo, nga na lo tɛnɛ mɛ lo ndogbinya hɛ̃ awa hangɔ ndia.

Luka 4:15

Lo ndoha ndo azi na lo tɛ Nzapa na ya da sambela tɛ Ayuda, ko azi zu ndogonda ndo lo.

Yoanɛ 6:42

Ala so ndopa ya: “Yezo mɛ nyi Yozɛfu, e hĩnga to lo na ta lo ko, ta lo lo mɛ ma? Kɔdɛ mɛ lo pa na olo mɛ ya, ni lo ka ndozu la ni zu sia?”

Yoanɛ 7:15

Agbia tɛ Ayuda ĩ ma tɛnɛ tɛ lo ko, ala bema, ko ala pa ya: “Ta kɔli olo amanda ndo mbɛti ma, ko kɔdɛ mɛ lo hĩnga na tɛnɛ ti ya Buku tɛ Nzapa so sia?”