Marko 3:8 - Fana Ngbangɔ 1987

⁸ ka Yeruzalɛmɛ, nga ka sese ti Idumea la aga. Ambanga alo nga ka sese mɛ ka mbage ngu ti Yurdɛnɛ, nga ka sese mɛ ndũ na kɔdɔrɔ ti Tirɛ, na ti Sidona la aga. Azi ni ko aɔ pɛko Yezo, na lo mɛ ya, ala ma pa ti aye kwe zu mɛ lo ndoli.

Marko 3:8 Iomraidhean Croise

Matie 11:21

“Ĩ awa kɔdɔrɔ ti Kɔrazɛnɛ, siɔ lo ati na ĩ! Ĩ awa kɔdɔrɔ ti Bɛtɛsaida, siɔ lo ati na ĩ! Ta sanga ma, aye ti kpɛnɛ mɛ ndo mbi li so tɛ ĩ, se adu ya, mbi li ndo ni ka tɛ azi ti kɔdɔrɔ ti Tirɛ nga na ti Sidona ko, ale ala yu kunyɛ, ahĩni tɛrɛ la na mbi wá, so fangɔ ya, ani gbinya bɛ ani wɛ.

Matie 4:25

Azi butu butu alo ka Galilea, alo ka sese ti Kɔdɔrɔ Sui Kɔi, alo ka Yudea, alo nga ka sese mɛ ka mbage ngu ti Yurdɛnɛ, ala zu agwe pɛ lo.

Marko 7:24

Yezo alo so ko, anɔ ka sese mɛ ndũ na kɔdɔrɔ mɛ ili ni la Tirɛ. Lo li na ya da kɔi, ta lo ye ya, zo ahĩnga ya ni ndo ko ma. Kanda azi ahĩnga ya, lo ndo ko.

Marko 7:31

Yezo azia sese ti Tirɛ, aɔ ti lɛ kɔdɔrɔ ti Sidona. So pɛni, lo fangbi ti lɛ sese mɛ ndɛ̃ mɛ ili ni la Kɔdɔrɔ Sui Kɔi, la lo diri lo gwe ka kpo ti Galilea.

Luka 6:17

Yezo na ava lo alo ka ndo hɔtɔ azu. Ala ĩ si na sese mɛ kpa kpa kpa ko, ala dɔ alonga. Ava lo mɛ ndɛ̃ ma wo ma ndo so ndo ni ko. Azi butu butu aga nga ndo so ndo ko. Ala lo ka sese ti Yudea zu, ti Yeruzalɛmɛ, nga ka kɔdɔrɔ ti Tirɛ na ti Sidona mɛ ndodu na nyɔ ngu.