Marko 3:5 - Fana Ngbangɔ 1987

⁵ Yezo aba la zu na ngɔnzɔ gati gati, vundu agbɔ̃ nga lo sĩ nvɛni na lo ti siɔ bɛ tɛ la. La lo pa hɛ̃ kɔli ko ya: “Ye ti mɔ.” Kɔli ko ĩ ye ti lo ko, ti lo ati nzɔ̃ni.

Marko 3:5 Iomraidhean Croise

Matie 12:13

La Yezo apa hɛ̃ kɔli ko ti lo azɛ̃ ya: “Ye ti mɔ.” Kɔli ko ĩ ye ti lo ko, ti lo ati nzɔ̃ni, nga ma ti mbage ni.

Marko 3:4

Yezo ahũnda azi mɛ so ndoba lo ya: “Ye mɛ ndia tɛ e ahɛ̃ lege ya, e li na lá ti wɔngɔ tɛrɛ nɛ? Ndia tɛ e ahɛ̃ lege ya, e li nzɔ̃ ye, bere e li siɔ ye? E sara zo, bere e zia lo lo kpi?” Ko ta ala ye ndo gbinyangɔ tɛnɛ hɛ̃ lo ma.

Luka 13:15

Gbia Yezo ĩ ma so ko, agbinya hɛ̃ lo ya: “I du awa poroso! So popo tɛ ĩ ko, zo kɔi kɔi ndozara bagara tɛ lo, bere punda tɛ lo ya, ni nɔ na lo, lo nyɔ ngu na lá ti wɔngɔ tɛrɛ. Ta seni la ma?

Luka 17:14

Yezo ĩ hũ la ko, apa hɛ̃ la ya: “ĩ nɔ, í fa tɛrɛ ĩ na awa lungɔ Nzapa na ye!” Ngoi mɛ ala so ndogwe kai ko, ndiba mɛ tɛrɛ la awe.

Luka 6:10

Lo ba lɛ la zu, so pɛni lo pa hɛ̃ kɔli ko ya: “Ye ti mɔ.” Kɔli ko ĩ ye ti lo ko, ti lo ati nzɔ̃ni.

Yoanɛ 9:7

Lo pa hɛ̃ wa ziba ko ya: “Gwe ka Siloe, ka ndo mɛ andogbɔ̃ na ngu, mɔ̃ kpo lɛ mɔ.” (Nda ili ti Siloe ya: “Ato lo tongɔ.”) Wa ziba ko anɔ asi kai, akpo lɛ lo. Ko na diringɔ lo ko, lo hũ ndo ngbɛ̃.

Roma 11:25

Aya bua, mbi ye ya, ĩ hĩnga lo mɛ ta azi ahĩnga ma, so ĩ mu tɛrɛ ĩ na lo ti ndara tɛ ĩ ya, ĩ awa ndara. Lo ni lo mɛ: ambanga Ayuda ali kpengba li, wa ta kpengba li ni na ngbanga buai ma, kanda na wɛngɔ, na ngoi mɛ azi mɛ ta Ayuda ma la aye lo tɛ Yezo, alengbi kwɛ, wadila Ayuda aye lo tɛ Yezo.

2 Kɔrinto 3:14

Ta awa Izrayɛlɛ alengbi ndo ti mangɔ nda tɛnɛ tɛ Mɔizɛ ma. Ko anɔ ngbĩi asi na lá olo, na ngoi mɛ ala ndodi buku ti ngbina ngbangɔ ko, ta ala ndoma nga nda ni ma. Adu nga ma ala vĩ lɛ la bo na bɔngɔ mɛ ndo Mɔizɛ avĩ na lɛ lo. Bɔngɔ ni ndoha bo na lɛ zo ko la ana Yezo Kristo ati bo kɔi.

Efɛzɛ 4:18

ko kɔdɛ tɛ la adu na ya mbingo. Ta ala lengbi ti luangɔ bɛta du mɛ Nzapa ndohɛ̃ azi bɛ kɔi ma, na lo mɛ ya, ta ala hĩnga ye kɔi ma, kpengba li aɔ ndo la ɔngɔ.

Efɛzɛ 4:26

Se ngɔnzɔ agbɔ̃ ĩ ko, ale ĩ du na kpengba lɛ, so ĩ li siɔ ye. Ko ta ĩ du na ngɔnzɔ ngbĩi la ati ma.

Efɛzɛ 4:30

Ta ĩ hɛ̃ vundu hɛ̃ Tɔrɔ Santo tɛ Nzapa ma, ta sanga ma, Tɔrɔ Santo adu nga ma nda tɛ Nzapa mɛ ndo lo minya tɛrɛ ĩ, so fangɔ ya, ĩ azi tɛ ni Nzapa. Tɔrɔ Santo ndofa nga ya, mbanga lá kɔi gbanda ko, Nzapa aso gbanda e.

Aebreo 3:10

Nda mɛ ndo ngɔnzɔ agbɔ̃ mbi hɛ̃ la la, Ko mbi pa ndo ya: Ala ndoyu ndo ngoi zu na ya dangɔ bɛ tɛ la, Ta ala ndohĩnga lege tɛ mbi bɛ gbɔ ma.

Aebreo 3:17

Azi mɛ ndo ngɔnzɔ agbɔ̃ Nzapa hɛ̃ la buru sui siɔ ko, adu ndo ana? Adu ndo azi mɛ ali siɔ ye, ko na lo ni ndo la ala kpili ka bɛ ndo.

Aebreo 5:9

Ngoi mɛ lo ĩ ti bɛta nzɔ̃ zo wɛ ko, lo ti nga Wa songɔ azi zu mɛ ndoma nyɔ lo, la azi ni alua songɔ kwá ti kaka.

Suma 6:16

Ala pa hɛ̃ ahɔtɔ na atɛ̃nɛ ya: “Ĩ kara, ĩ sa ndo e, ĩ vĩ e, so Zo ko la adu ndo ngɛndɛ gbia ahũ e, so Nyi Ngasã Ngbaga ali ngɔnzɔ hɛ̃ e,