Marko 3:4 - Fana Ngbangɔ 1987

⁴ Yezo ahũnda azi mɛ so ndoba lo ya: “Ye mɛ ndia tɛ e ahɛ̃ lege ya, e li na lá ti wɔngɔ tɛrɛ nɛ? Ndia tɛ e ahɛ̃ lege ya, e li nzɔ̃ ye, bere e li siɔ ye? E sara zo, bere e zia lo lo kpi?” Ko ta ala ye ndo gbinyangɔ tɛnɛ hɛ̃ lo ma.

Marko 3:4 Iomraidhean Croise

Marko 3:3

Yezo apa hɛ̃ kɔli ko ya: “Lo ndozu ndo ko na gbɛlɛ azi zu.” Kɔli ko adɔ alo.

Marko 3:5

Yezo aba la zu na ngɔnzɔ gati gati, vundu agbɔ̃ nga lo sĩ nvɛni na lo ti siɔ bɛ tɛ la. La lo pa hɛ̃ kɔli ko ya: “Ye ti mɔ.” Kɔli ko ĩ ye ti lo ko, ti lo ati nzɔ̃ni.

Marko 9:34

Ala ĩ ma so ko, ala zu akai ti ti ti, ta sanga ma, ala bimbi fɛrɛ tɛnɛ na popo tɛ la ka lege, ya ani hĩnga zo mɛ aɔ afɔ̃ lo zu.

Luka 6:9

La Yezo ahũnda la ya: “Mbi hũnda ĩ, ye mɛ ndia tɛ e ahɛ̃ e lege ya, e li nɛ? Ndia tɛ e ahɛ̃ e lege ya, e li nzɔ̃ ye na lá ti wɔngɔ tɛrɛ, bere e li siɔ ye? E sara zo, bere e zia lo lo kpi?”