Marko 3:3 - Fana Ngbangɔ 1987

³ Yezo apa hɛ̃ kɔli ko ya: “Lo ndozu ndo ko na gbɛlɛ azi zu.” Kɔli ko adɔ alo.

Marko 3:3 Iomraidhean Croise

Matie 12:10

Mbanga kɔli kɔi mɛ ti lo azɛ̃ nga ndo so ya da sambela ni ko. Azi ko so ndo ko asepara ndo vɔ̃ngɔ to tɛrɛ Yezo ya, lo li siɔni, nda mɛ ala hũnda lo ya: “Ndia tɛ e aye ya, e sara zo na lá ti wɔngɔ tɛrɛ?”

Marko 3:2

Lá ni ko adu ndo lá ti wɔngɔ tɛrɛ tɛ Ayuda, ko azi mɛ so ndo ko so ndoba Yezo toka toka ya, bere lo na sarangɔ kɔli ko. Ta sanga ma, ala ndogi ndo ya, ani lua lo na ló, wa ani vɔ̃ to tɛrɛ lo ya, lo li siɔni.

Marko 3:4

Yezo ahũnda azi mɛ so ndoba lo ya: “Ye mɛ ndia tɛ e ahɛ̃ lege ya, e li na lá ti wɔngɔ tɛrɛ nɛ? Ndia tɛ e ahɛ̃ lege ya, e li nzɔ̃ ye, bere e li siɔ ye? E sara zo, bere e zia lo lo kpi?” Ko ta ala ye ndo gbinyangɔ tɛnɛ hɛ̃ lo ma.

Luka 6:8

Kanda Yezo ahĩnga ndo dangɔ bɛ tɛ la. La lo pa hɛ̃ kɔli ko ti lo azɛ̃ ya: “Dɔ mɔ lo na gbɛlɛ azi zu.” Kɔli ko adɔ alo na gbɛlɛ azi.

Yoanɛ 9:4

Yezo apa nga ya: “Na ngoi ko la ndo ade yango ko, ale e ndoli kwa tɛ wa tongɔ mbi. Bi na vungɔ, ko ta zo kɔi alengbi ti Iingɔ kwa ma.

1 Kɔrinto 15:58

Aya bua ti kpɔ̃ bɛ mbi, na lo ni ko, ĩ du na nguru, ko ta ĩ diri gesi ma. Ĩ li kwa tɛ Gbia na gonvɛnɛ aɔ ti uzu, ta sanga ma, ĩ hĩnga ya, kwa mɛ ĩ ndoli hɛ̃ Gbia Yezo Kristo ko, ta kwa ni ati gbanda gɛgɛrɛ ma.

Galatia 6:9

Wa nzɔ̃ni ale e baba bo lingɔ nzɔ̃ ye, ale ta e nzɛ̃ na lingɔ ni ma. Ta sanga ma, se ta e nzɛ̃ ma, gbanda na lá kɔi ko, e lua nzɔ̃ ye.

Filipɛ 1:14

Ambanga awa Kristo gba ĩ hũ ya, abi mbi bɔlɔkɔ ko, nguru ti kpãngɔ bɛ la ndo Gbia Yezo Kristo ati agbɔ̃ la, ko ta ala ti ndopa tɛnɛ tɛ Nzapa na mbɛtɔ ma, ala ndopa ni na kpengba bɛ.

1 Petro 4:1

Yezo Kristo ahũ ndo pɛnɔ na ngbonga tɛrɛ lo, na lo ni ko, ĩ mu nga se dangɔ bɛ tɛ lo, ko ĩ́ gbe nga bɛ ĩ. Ta sanga ma, zo ko ahũ pɛnɔ na ngbonga tɛrɛ lo ko, tɛ lo na lingɔ siɔ ye awe.