Marko 2:9 - Fana Ngbangɔ 1987

⁹ Na popo ti tɛnɛ olo sɛ: pangɔ hɛ̃ wa ngbengule ya: ‘Mbi ka lɛ mbi ndo asiɔ ye tɛ mɔ,’ bere pangɔ hɛ̃ lo ya: ‘Lo ndozu, mɔ mu gbogbo tɛ mɔ, mɔ dɔ nɔ’ ko, tɛnɛ mɛ woni nɛ?

Marko 2:9 Iomraidhean Croise

Matie 4:24

Azi ti sese ti Siria zu ama pa tɛ lo, ko ala ga ka tɛ lo na azi zu mɛ lɛ ngã ndɛ̃ ndɛ̃ ndɛ̃ tɛrɛ la, ala ga nga na ala mɛ lɛ pɛnɔ ndɛ̃ ndɛ̃ ndɛ̃ tɛrɛ la: ala mɛ na asiɔ tɔrɔ ya tɛrɛ la, awa pupuluka, nga na awa ngbengule, la lo sara la.

Matie 9:2

Azi ayɔ wa ngbengule kɔi na ndo tange, aga na lo hɛ̃ Yezo. Yezo ĩ hũ ya, azi ko aye lo tɛ ni ko, lo pa hɛ̃ wa ngbengule ko ya: “Nyi mbi, kpengba na bɛ mɔ! Mbi ka lɛ mbi ndo siɔ ye tɛ mɔ!”

Matie 9:5

Na popo ti tɛnɛ olo sɛ: ‘Mbi ka lɛ mbi ndo asiɔ ye tɛ mɔ,’ bere: ‘Lo ndozu, mɔ dɔ nɔ,’ tɛnɛ mɛ woni nɛ?

Marko 2:10

Kanda mbi ye ya, ĩ hĩnga ya, mbi Nyi Zo mbi na nguru ti kangɔ lɛ mbi ndo asiɔ ye tɛ azi ge lɛ sese.” La lo pa hɛ̃ wa ngbengule ko ya:

Marko 2:8

Bo na ngoi ni ko, Yezo ahĩnga dangɔ bɛ tɛ la, ko lo hũnda la ya: “Nda mɛ ĩ ndodu na gi tɛrɛ dangɔ bɛ so nɛ?

Luka 7:48

So pɛni, Yezo apa hɛ̃ wali ko ya: “Nzapa aka lɛ lo ndo asiɔ ye tɛ mɔ.”