Marko 2:8 - Fana Ngbangɔ 1987

⁸ Bo na ngoi ni ko, Yezo ahĩnga dangɔ bɛ tɛ la, ko lo hũnda la ya: “Nda mɛ ĩ ndodu na gi tɛrɛ dangɔ bɛ so nɛ?

Marko 2:8 Iomraidhean Croise

Matie 12:15

Ngoi mɛ Yezo ĩ ma so ko, lo lo so ndo ko lo ɔ, ko azi gba anɔ pɛko lo. Lo sara awa ngã zu,

Matie 16:7

Ala ĩ ma so ko, ala tɛnɛ lo ni ka popo tɛ la ya: “Lo tɛnɛ nga so, na lo mɛ ya, ta e mu fɛrɛ mapa ma.”

Matie 9:4

Yezo ĩ hĩnga dangɔ bɛ tɛ la ko, lo hũnda la ya: “Nda mɛ ĩ ndodu na siɔ dangɔ bɛ so nɛ?

Marko 2:7

“Kɔdɛ mɛ zo kɔli olo ndoguru Nzapa so sia? Zo mɛ alengbi ti kangɔ lɛ lo ndo asiɔ ye tɛ azi na? Bo Nzapa kɔi!”

Marko 2:9

Na popo ti tɛnɛ olo sɛ: pangɔ hɛ̃ wa ngbengule ya: ‘Mbi ka lɛ mbi ndo asiɔ ye tɛ mɔ,’ bere pangɔ hɛ̃ lo ya: ‘Lo ndozu, mɔ mu gbogbo tɛ mɔ, mɔ dɔ nɔ’ ko, tɛnɛ mɛ woni nɛ?

Marko 7:21

Ta sanga ma, asiɔ dangɔ bɛ mɛ ndolo ka ya bɛ zo, la ndoto zo ya, lo li siɔ ye ti kamɛnɛ, lo nzĩ ye, lo ho zo,

Luka 24:38

La Yezo apa hɛ̃ la ya: “Nda mɛ mbɛtɔ agbɔ̃ ĩ nɛ? Nda mɛ ĩ ndodu na kitɛ ka ya bɛ ĩ nɛ?

Luka 5:22

Yezo ahĩnga dangɔ bɛ tɛ la, ko lo hũnda la ya: “Nda mɛ ĩ ndodu na gi tɛrɛ dangɔ bɛ so nɛ?

Luka 6:8

Kanda Yezo ahĩnga ndo dangɔ bɛ tɛ la. La lo pa hɛ̃ kɔli ko ti lo azɛ̃ ya: “Dɔ mɔ lo na gbɛlɛ azi zu.” Kɔli ko adɔ alo na gbɛlɛ azi.

Yoanɛ 21:17

So pɛni, Yezo ahũnda lo ti fani ta ya: “Simɔ nyi Yoanɛ, mɔ ye mbi?” Petro ĩ hũ ya, Yezo ahũnda ni ti fani ta ya: “Mɔ ye mbi?” ko, vundu agbɔ̃ lo, ko lo gbinya hɛ̃ lo ya: “Gbia, mɔ hĩnga ye zu, mɔ hĩnga ya mbi ye mɔ!” Yezo apa hɛ̃ lo ya: “Bata azi tɛ mbi nzɔ̃ni!

Yoanɛ 6:64

Kanda ta ambanga azi na popo tɛ ĩ ndoye lo ni ma.” (Yezo atɛnɛ ndo nga so, ta sanga ma, lo pia ndo lo hĩnga azi mɛ na kɛ̃ngɔ lo tɛ lo, nga na zo mɛ na tɛngɔ gbɛ kuni lo.)

Awa Pangɔ Kwa 5:3

La Petro ahũnda lo ya: “Ananiasi, nda mɛ Satana ahanda mɔ, mɔ bata mbanga faranga ti yaka tɛ mɔ na lo tɛ mɔ, ko mɔ pa nvɛnɛ hɛ̃ Tɔrɔ Santo nɛ?

Awa Pangɔ Kwa 8:22

Wa gbinya bɛ mɔ, mɔ zia siɔ ye mɛ fɛrɛ mɔ li, ko mɔ vɔrɔ Gbia Nzapa ya, se alengbi ko, lo ka Iɛ lo ndo siɔ dangɔ bɛ tɛ mɔ.

Aebreo 4:13

Ta ye kɔi mɛ zo alengbi ti hɔndɛngɔ na Nzapa da ma. Aye zu mɛ Nzapa ali ndosi ka lɛ lo yango ngbɛ̃. Ko e kambisa gbanda hɛ̃ lo aye zu mɛ e ndoli.

Suma 2:23

So pɛni ko, ni kpɔ aya lo, wa se mɛ awa Eklezia ahĩnga ya, ni du zo mɛ ni hĩnga dangɔ bɛ tɛ azi, ni hĩnga nga ye mɛ ala na gwɛ̃ ni la. Ni futa gbanda zo kɔi kɔi na se kwa mɛ lo li.