Marko 2:5 - Fana Ngbangɔ 1987

⁵ Yezo ĩ hũ ya, azi ko aye lo tɛ ni ko, lo pa hɛ̃ wa ngbengule ko ya: “Nyi mbi, mbi ka lɛ mbi ndo asiɔ ye tɛ mɔ.

Marko 2:5 Iomraidhean Croise

Matie 9:2

Azi ayɔ wa ngbengule kɔi na ndo tange, aga na lo hɛ̃ Yezo. Yezo ĩ hũ ya, azi ko aye lo tɛ ni ko, lo pa hɛ̃ wa ngbengule ko ya: “Nyi mbi, kpengba na bɛ mɔ! Mbi ka lɛ mbi ndo siɔ ye tɛ mɔ!”

Matie 9:22

Yezo ĩ sana tɛrɛ lo ko, ahũ wali ko, apa hɛ̃ lo ya: “Zo wali, kpengba na bɛ mɔ, mɔ ye lo tɛ mbi la mɔ so.” Bo na ngoi ni ko nvɛni la tɛrɛ wali ko ahã wee!

Matie 9:5

Na popo ti tɛnɛ olo sɛ: ‘Mbi ka lɛ mbi ndo asiɔ ye tɛ mɔ,’ bere: ‘Lo ndozu, mɔ dɔ nɔ,’ tɛnɛ mɛ woni nɛ?

Marko 2:6

Ambanga awa hangɔ ndia mɛ adunga so ndo ko, so ndotenɛ ka ya bɛ la ya:

Marko 5:34

Yezo apa hɛ̃ lo ya: “Nyi mbi, yengɔ mɛ mɔ ye na lo tɛ mbi la asara mɔ. Wa diri nzɔ̃ni, tɛrɛ mɔ aha we.”

Luka 5:20

Yezo ĩ hũ ya, azi ko aye lo tɛ ni biani ko, lo pa hɛ̃ wa ngbengule ko ya: “Kwa mbi, mbi ka le mbi ndo siɔ ye tɛ mɔ.”

Luka 8:48

Yezo apa hɛ̃ wali ko ya: “Nyi mbi, mɔ ye lo tɛ mbi la mɔ so. Wa gwe nzɔ̃ni o.”

Yoanɛ 2:25

Ta lo ndoye nga ya, apa hɛ̃ ni lo ti se li ye tɛ azi mɔ, ta sanga ma, lo nvɛni lo ndohĩnga lo zu mɛ ka ya bɛ azi.

Yoanɛ 5:14

Ĩ ninga so pɛni ko, Yezo ata kɔli ko ka ya kota da Nzapa. La Yezo apa hɛ̃ lo ya: “Ba, na olo ko, tɛrɛ mɔ alia wɛ. Ta mɔ ti li siɔ ye ma, so siɔ nga mɛ aɔ ndo nga olo ati gbɔ̃ mɔ.”

Awa Pangɔ Kwa 11:23

Ngoi mɛ lo ĩ si kai, lo ĩ hũ se mɛ ndo Nzapa ali na nzɔ̃ bɛ hɛ̃ awa yengɔ lo tɛ Gbia Yezo ko, lo saba, lo sa nga nguru bɛ la zu ya, ala ngbã na kpãngɔ be la kpa na ndo Gbia.

Awa Pangɔ Kwa 14:9

Lo ndoma ndo tɛnɛ mɛ Polo ndotɛnɛ. Polo aba lo toka toka, ko Polo ahũ ya, kɔli ko akpa bɛ lo ndo ni ya, ni sara lo.

Awa Pangɔ Kwa 5:31

Nzapa aya lo ka yayu, akpã lo na ndo kɔti ti lo, akpa lo Gbia, akpã nga lo Wa songɔ azi. Lo li ndo so ya, Yezo azi lege hɛ̃ awa Izrayɛlɛ, ala gbinya bɛ la, wa Nzapa aka le lo ndo siɔ ye tɛ la.

1 Kɔrinto 11:30

Nda mɛ tɛrɛ ambanga azi ma wo ma na popo tɛ ĩ ndosɔ, ambanga gba ndodu woni, ko ambanga mɛ ndɛ̃ ndokpili la.

2 Kɔrinto 2:10

Ngoi mɛ se ĩ ka lɛ ĩ ndo siɔ ye tɛ zo ko, mbi ka nga lɛ mbi ndo siɔ ye tɛ zo ni ko. Se adu ya, zo ni ko ali mbi siɔni ko, mbi ka tɛ mbi lɛ mbi ndo siɔ ye tɛ lo wɛ. Mbi ka lɛ mbi ndo ni na lo tɛ ĩ, ko Yezo Kristo la temwɛ tɛ mbi.

Efɛzɛ 2:8

Nzapa aso ndo ĩ na lo ti nzɔ̃ bɛ tɛ lo, ta sanga ma, ĩ ye lo tɛ Yezo Kristo. Ko ta ĩ lua songɔ kwá ni na lo nguru tɛ ĩ nvɛni ma, kanda lo so ndo ĩ gɛgɛrɛ,

Kɔlɔsɛ 3:13

Se afɔ̃ ĩ ali ĩ siɔni ko, í gbe bɛ ĩ, ĩ ka lɛ ĩ ndo siɔ ye mɛ ala li tɛrɛ ĩ. Ale ĩ ka lɛ ĩ ndo asiɔ ye tɛ afɔ̃ ĩ, nga ma se ko ndo la Gbia aka na lɛ lo ndo asiɔ ye tɛ ĩ.

Zaki 5:15

Se ala sambela, ala hĩnga ya, Gbia Nzapa ama sambela tɛ ani ko, lo na sarangɔ wa ngã ni, ko lo nga na kangɔ lɛ lo ndo siɔ ye mɛ wa ngã ko ali.